معلش يامصر إنتى وحشانا

ماعلش يامصر إنتى وحشانا
---------------------
وحشانا
بسمه صافيه تطفى نار قلب الحزين
وحشانا
كلمه حلوه تروى اشجار الحنين
إتواعدنا يكون ميلادنا شمس طله وفرحه هله
إتواعدنا نجيب فى إيدنا حلم بكره ف لحظه وللا
كله اتغير ليه وازاى إتحديت الحلم الجاى
كان نفسنا نتعلق بيه نفتح صفحه جديده عليه
مين يصدق إن بكره اللى احنا عشناه من سنين
كان فى ورقه ف غصن شجره كان بيرويها الحنين
جت رياح البعد شالت من جذوره الدبلانين
الطريق اللى يدله يروى عطشه طب منين
واما شقت ارضه صرخت طب يعيش إزاى وفين

ياربيع العمر إمته يزهر الورد الجميل
والبساتين اللى مالت إمته يوصلها الدليل
والقناديل اللى طففت اللى دابت م الرحيل
والعناكب جت ونسجت الحقيقه شىء طويل

تحت الرمال بروى السنابل يمكن فى يوم تقدر تعيش
إحساس مشاعر قابل ورافض إنى اكون هامش ماليش
إنى ابوح بالحب ليها إنى اكون طائر بريش
خايف يكون الحب ليها حلم واصحى على حقيقه ماترضنيش
كله اتغير ليه والزاى اتحديت الحلم الجاى
كان نفسنا نتعلق بيه نفتح صفحه جديده عليه
عبد الناصر رجب كامل

والله وحشتينا يا مصر كلمات يفوح عبق اصالتها

من روح قلوب تملئها عشق الوطن و تشبيهات

فائقة الجمال

محاكمة القرن
محاكمة القرن لبستنا قرون
طلع الكل براءه واتنين جوة سجون
شفتوا براعة المصرى اتنين بس
دمروا ميت مليون
صفقه شيل وانا اشيل
ضحوا بسنه كبير
سنه اتنين تلاته زيه زى مشير
شفتوا براعة المصرى
اتنين بس دمروا ميت مليون
هههههههههههههههههههههه
لعبه حقيره وقذره
معملينا كحشره
هش وطيرى تطير
بخ تخاف وتسير
لعبه حقيره يا شيخنا
كل عصابة الدوله اتزعمها مشير
انا هتجن خلاص
وتعبت من التفكير
اتنين بس يا دوله
دمروا ملايين
هنزل تانى بثورة
فى قلب التحرير
وهعين رئيسى
من قلب التحرير
المهم احبه وعلى بلده يغير
مصر يا ام الدنيا
يام ميت الف شهيد
بكره وبعده وبعده
هتشوفى عهد جديد
راح تنجح الثورة
مش بنعيد ونزيد
محاكمة القرن لبستنا قرون
طلع الكل براءه واتنين جوه سجون
شوفوا براعة المصرى
اتنين بس
اتحدوا ميت مليون
هههههههههههههههههههههههههههههه

» إنتى السبب
» إنتى حكايتى
» معلش حقك تضحكي
» معلش ياما يا طيبه
» يامصر