آآآآآآآآآآآآآه ياوطن

آآآآآآآآآآآآآآآآآآآآآآه ياوطن
احلف واقول ان الوطن مبقاش وطن
وان الشيطان أصبح ملاك م العدم
وان الحياه فيها السنابل تندفن
وهيه فين اصلا حياتى00000 من غير وطن
فين ياوطن
ياساكن الليل الطويل
إمته النهار يوصل بنوره
ويزهر الورد العليل
ويدقدق الفلاح بذوره
--------
انا نفسى اعيش انا نفسى اكبر
انا نفسى حلمى جوايا يكبر
ولمين هعيش وانا زرعى أخضر
ورياح تطيش بى ترعبنى أكتر
-------
بقول معلش يااولادى
ياسندى وعزوتى وناسى
إنى احنى راسى فى مداسى
واقول معلش انا صغير
واحلف واقول ان الوطن مبقاش وطن
وان الشيطان أصبح ملاك م العدم
وان الحياه فيها السنابل تندفن
وهيه فين أصلا حياتى 000
من غير وطن
كلمات عبد الناصر رجب