مد إيدك ياوطن

مد إيدك يا وطن

واسمع ندايا

جوا منى ميت سؤال

محتاج إجابة

قوم عاتبنى

أو صارحنى بأى حاجة

قولى حاجة

أى حاجة

لسة فيا كل(حاجة)

قلت بعد الثورة يمكن

ألقى حاجة

فجأة ملقيت إلا حاجة

الإهانة والمهانة

والنتانة والخيانة

والنوايا اتشكلت

حسب المزاج
---------
الى مات جوا الميدان

أصبح مُدان

والى عاش عمرة جبان

هو البطل

والى اتسحل والى اتسجن

هو الفقير

ابن الفقير

والى ارتضى والى ارتشى

تلاتين سنة

هو الأمير

ابن الأمير

ولسة
بتحاكموا البشر

من غير دلايل لاتهام

قبل متحاكموا البشر

حاكموا الضماير كلها

واحكموا بعدل الإله

(وشوفوا مين الى اتقتل علشان يعيش)
(وشوفوا مين الى ماعاش علشان يموت)

وانا زيك موش لاقي اي حاجه

تحيه ود

ماهر حامد كتب:: وانا زيك موش لاقي اي حاجه

تحيه ود

شكرا لمرورك الكريم يا استاذنا

تحياتى

وبرغم كل المرمطه
وفكل امل شعبطه
ومعدش غير الش....
والبلطجيه مزأططه
والشرطه ضربت شألطه
والشعب ضارب لخبطه
لكن هاتفضل مصرنا لكل العوازل مشطشطه
اخى الغالى تقبل خربشاتى
احيك علي رائعتك
تقبل مودتى ودمت بخير

احسنت يا خالد

انت في تقدم مستمر اتوقع عن قريب ان تحجز مكانك في مصاف كبار الشعراء

تحياااااااااااااااااااااتي

الشاعر الجميل/خالد دويدار

والنوايا اتشكلت

حسب المزاج
---------
الى مات جوا الميدان

أصبح مُدان

والى عاش عمرة جبان

هو البطل

الله ينور عليك ياخالد عاشت ايدك..اللي مات جوه الميدان راح واتنسي قبل الاوان..تحياتي لروعة حروفك ودمت بهذا الابداع
بكل ود..تقبل تحياتي

القلم الواعدخالد دويدار
احسنت يا جميل
دمت اخى ودام ابداعك
Very Happy

محمد بديوى كتب:: وبرغم كل المرمطه
وفكل امل شعبطه
ومعدش غير الش....
والبلطجيه مزأططه
والشرطه ضربت شألطه
والشعب ضارب لخبطه
لكن هاتفضل مصرنا لكل العوازل مشطشطه
اخى الغالى تقبل خربشاتى
احيك علي رائعتك
تقبل مودتى ودمت بخير

شكرا لكلامك الجميل يا استاذنا وفعلا صدقت فى كل كلمة قلتها فى خربشاتك وربنا يستر على البلد ومتضيعش فى الطوفان ويعدينا من المرحلة دية على خير والحق يرجع لاصحابة

تحياتى يا استاذنا ومتحرمناش من مرورك الجميل

م/عطية شواش كتب:: احسنت يا خالد

انت في تقدم مستمر اتوقع عن قريب ان تحجز مكانك في مصاف كبار الشعراء

تحياااااااااااااااااااااتي

الله يخليك يا استاذنا على الكلام الجميل دة بس مصاااف كبار الشعراء يا استاذنا حرام عليك لما احنا نبقى فى مصاف كبار الشعراء امال حضرتك تروح فين وباقى اخواتنا الافاضل هههههههه

شاكر لمرورك الكريم الى بيشجعنى دائما ومتبقاش تنسى بقى ملاحظاتك كلها ان شاء الله

تحياتى يا استاذنا الجميل

قصيدة فيها نغمة شجن جميلة و عمق فى المعنى و وحدة النص واضحة مظهره الهدف بحنكة عالية و أنا أقرأها أشعر أننى أمام شاعر كبير. Mad

و يعاب عليها اغفال رجال الثورة الطامحين للعدالة المحققين أصحاب النوايا الطيبة المنادين بالمبادىء .

رضا فايد كتب:: الشاعر الجميل/خالد دويدار

والنوايا اتشكلت

حسب المزاج
---------
الى مات جوا الميدان

أصبح مُدان

والى عاش عمرة جبان

هو البطل

الله ينور عليك ياخالد عاشت ايدك..اللي مات جوه الميدان راح واتنسي قبل الاوان..تحياتي لروعة حروفك ودمت بهذا الابداع
بكل ود..تقبل تحياتي

الله يخليك يا استاذنا على الكلام الجميل وعاشت ايد كل واحد كتب عن الوطن وحكى همومها ومسكتش ابدا عن الحقيقة

تحياتى يا استاذنا وشاكر لمرورك الكريم الى دايما بيسعدنى

الشاعر محمود قطب كتب:: القلم الواعدخالد دويدار
احسنت يا جميل
دمت اخى ودام ابداعك

ربنا يخليك يا استاذنا على الكلام الجميل دة والى دايما بيدى امل للواحد ههههههههه

اشكرك على مرورك الكريم ومتحرمنااش دايما من طلتك علينا Smile

كعادتك دوماً...تنصت كثيراً..حتّى نشتاق إلى كلماتك
فإذا تكلّمت شعراً..كُنت الأكثر إبداعاً وتأثيراً وإمتاعاً
أخي الشاعر الراااائع..خالد دويدار
قصيدتك تئن ألماً ووجعاً من قلب صادق الإحساس
وبين بدايتك الرائعة التي جاءت في شكل نداء يحمل لمسة الرجاء إلى الوطن الغافل ليصحو من غفلته ويفيق ويرى بعين الحكمة خيبة الأمل الذي شعر به أبنائه بعد ثورتهم العظيمة التي لم يجنوا منها سوى التخوين وكبت الحريات وعدم الإكتراث لهم وتجاهلهم من كافة الأوجه...ونهايتك للقصيدة بهذه الحكمة التي تحتاج إلى التفكير العميق والتحليل الدقيق...([b](وشوفوا مين الى اتقتل علشان يعيش)
وشوفوا مين الى ماعاش علشان يموت) الله عليك وعلى رؤيتك ونظرتك الواعيّة
أخي الحبيب..دُمت بهذا المستوى الراقي
[/b]

الشاعر الجميل
خالد دويدار
تحياتى يا مبدع
سعدت بمرورى من هنا
تقبل تحياتى على نصك الجميل
عصام

الاعلامى اسلام المصرى كتب:: قصيدة فيها نغمة شجن جميلة و عمق فى المعنى و وحدة النص واضحة مظهره الهدف بحنكة عالية و أنا أقرأها أشعر أننى أمام شاعر كبير.
و يعاب عليها اغفال رجال الثورة الطامحين للعدالة المحققين أصحاب النوايا الطيبة المنادين بالمبادىء .

والله انا عاجز عن الرد قدام الكلام الكبير دة مش عارف اقولك اية الصراحة الا انى يارب اكون عند حسن الظن دائما وما انا الا متعلم دائما من اخواتنا الشعراء الكبار الى هنا

تحياتى وشاكر لمرورك الجميل

الجميل خالد دويدار
كلامك رائع و حقيقي لقد دست على الجرح
جميل هذا العمل
دمت بخير

أخي الشاعر/خالد دويدار
أحسنت في طرحك الجميل
وتساؤلك الذي لا أجابه له
فالكل لايعلم مصير البلد
ولكن نتمني ان يرحمنا الله وان يولي من يصلح
تقبل مروري

رضا محمود كتب:: كعادتك دوماً...تنصت كثيراً..حتّى نشتاق إلى كلماتك
فإذا تكلّمت شعراً..كُنت الأكثر إبداعاً وتأثيراً وإمتاعاً
أخي الشاعر الراااائع..خالد دويدار
قصيدتك تئن ألماً ووجعاً من قلب صادق الإحساس
وبين بدايتك الرائعة التي جاءت في شكل نداء يحمل لمسة الرجاء إلى الوطن الغافل ليصحو من غفلته ويفيق ويرى بعين الحكمة خيبة الأمل الذي شعر به أبنائه بعد ثورتهم العظيمة التي لم يجنوا منها سوى التخوين وكبت الحريات وعدم الإكتراث لهم وتجاهلهم من كافة الأوجه...ونهايتك للقصيدة بهذه الحكمة التي تحتاج إلى التفكير العميق والتحليل الدقيق...([b](وشوفوا مين الى اتقتل علشان يعيش)
وشوفوا مين الى ماعاش علشان يموت) الله عليك وعلى رؤيتك ونظرتك الواعيّة
أخي الحبيب..دُمت بهذا المستوى الراقي
[/b]

الله يخليك يا استاذنا على كلامك الجميل الى دايما بيدينى دفعة للامام

شاكر لمرورك الكريم وتحليلك الراقى للنص

تحياتى

عصام سالمان كتب:: الشاعر الجميل
خالد دويدار
تحياتى يا مبدع
سعدت بمرورى من هنا
تقبل تحياتى على نصك الجميل
عصام

شاكر مرورك الكريم على النص ومتحرمناش من طلتك الجميلة على نصوصى

تحياتى يا اساتذنا

عاطف الجندى كتب:: الجميل خالد دويدار
كلامك رائع و حقيقي لقد دست على الجرح
جميل هذا العمل
دمت بخير

انتا الاجمل والله يا استاذنا كفاية طلتك الاولى عليا

متحرمناش دايما منها ان شاء الله

تحياتى يا استاذنا

(وشوفوا مين الى اتقتل علشان يعيش)
(وشوفوا مين الى ماعاش علشان يموت)
عجبتني القفله دي يا خلود بالتضاد الي فيها ومعناها المختصر والمفيد في نفس الوقت
اسأل الله ان نرى هذا الوطن في المكان الذي يستحقه وان ينعم اولاده فيه
تحيتي يا خالد

الله عليك اخى خالد
برغم انى قريتها على الفيسبوك ورديت عليها
الا انها قصيدة تستحق القراءة اكثر من مرة
تسلم الايادى اخى الغالى
مع تحياتى وودى