انا حمدين وصباحى

انتى اللى عارفانى
شاهده على كفاحى
عشان ارد الجميل
انا قلت اترشح
واخدك على جناحى
مانيش هرتاح يا غاليه
حتى ترتاحى
انا حمدين وصباحى
انا نبته من طينك
من اخلص محبينك
من قلبى بدعيلك
ربنا يعينك
ويوم ما تنادى يا بلدى
هنتحول كرات دم
عشان نجرى ف شرايينك
ولما حد يتهور
يدوس على شبر من طينك
هنتحول كرات نار
عشان نحرق عدوينك
دى قيمتك فينا معروفه
عشان احنا اللى عارفينك
ولحم كتافنا من طينك
محدش تانى هيهينك
اقسم لك رافع ايدى
برغم همى وجراحى
----
انتى اللى عارفانى
شاهده على كفاحى
عشان ارد الجميل
انا قات اترشح
واخدك على جناحى
مانيش هرتاح يا غاليه
حتى ترتاحى
انا حمدين وصباحى
-----

يارب على مصرنا هوِّن
طول عمرى صادق لها
من قلبى انا احبها
من يوم ما كنت جنين
ولسه بتكوِّن
عمرى ما كنت بنافق
ولا كنت بتلوِّن
عمرى ما شكِّيت
ولا كنت بتخوِّن
واحنا اللى نبنيكى
بالصدق نتموِّن
ويوم ما شوف سعادتك
راح تبقى افراحى
--
انتى اللى عارفانى
شاهده على كفاحى
عشان ارد الجميل
انا قات اترشح
واخدك على جناحى
مانيش هرتاح يا غاليه
حتى ترتاحى
انا حمدين وصباحى

--
انا يا امه مليش اغراض
ولا داخلها استعراض
انا خالى من الامراض
وانا داخل ومن جوه
وقلبى راض
مانيش خوّان ولا عضاض
هنبنيكى وبأدينا
مانيش مادد ايدى لآقراض
ولاهعمل عليكى عمده
ولاشيخ منصر ولا قاض
كيل اولادك يا امى فاض
انا بحبك على بركه ربنا ماض
انا طموحى مع عزمى
يا امى هو ده سلاحى
--
انتى اللى عارفانى
شاهده على كفاحى
عشان ارد الجميل
انا قات اترشح
واخدك على جناحى
مانيش هرتاح يا غاليه
حتى ترتاحى
انا حمدين وصباحى
---

انا يأمه مانيش كذاب
انا واحد من الاحباب
لنا سبتك اشوف غيرك
ولا قلبى فى يوم عنك
هرب منك
يا امى وغاب
لا أنا تعلب ولا دحلاب
ولا طباخ راح اطبخها
واوزع منها ع الاصحاب
ولا عمرى حنيت راسى
ولا لفيت كما لفّوا على الابواب
ولا مديون ولا ملطوط
ولا عاشق كلام ممطوط
ولا تافه ولا هلفوت
ولا ف ساقيه يهود امريكا
انا مربوط
انا بحسبها بالمظبوط
وانا بعشق
عشان خاطرك
اخوض الموت
لاانا عمرى هكون قراقوش
ولا هاكل فى بطن الحوت
انا مسلم هراعى ربنا فيكى
مع احزابك واقباطك راح ابنيكى
بمجهودنا نعليكى
وارواحنا وقود ليكى
لا أنا أمى يوم اتبرِّت
م الارض وم التراب
ولا خنت
ولا هنت
ولاقالوا فى يوم عيِّاب
انا ابنك ومتربى
انا ف كُتِّاب
لاأنا بلعب
ولا أخرِّب
ولا بستحملك فى عذاب
مانيش نايم انا صاحى
--
انتى اللى عارفانى
شاهده على كفاحى
عشان ارد الجميل
انا قات اترشح
واخدك على جناحى
مانيش هرتاح يا غاليه
حتى ترتاحى
انا حمدين وصباحى

مستر عطيه .... تحياتي واهلن بك في منتداك

استاذ عطيه

ارحب بك وبقلمك الجميل . ويكفى انك من كفر الشيخ

تلك المحافظه الرائعه التى ايدت حمدين صباحى بقوه .

نشكر حرفك الوطنى واحساسك الرائع تجاه رجل حمل الامانه

لاجل مصر فقط . ولشعب مصر فقط .

مودتى وتحياتى ...

موضوع: شكرا جزيلا الأربعاء مايو 30, 2012 9:18 am

شكرا جزيلا
استاذى عادل عوض
لك فى قلبى احتراما
ليس له عِوض
وقلمك يسكن قلبى
وقلبك ذهبى الاِوض

احبك فى الله استاذى سند
فامثال حبك لمصر سند
احبك فى الله
ومستعد ان اكتب
ايصالا او مستند
فالكل يحترمك
ولم يقولوا تكبر يوما او عند
بارك الله فى فكرك
وقلبك وعقلك والزند

» أيا حمدين
» (حمدين صباحي)
» حمدين صباحي .. سننتظرك
» حمدين الصباحي.. قصة تذكرتها
» حمدين الصباحي " شاهد على العصر" - طارق منيب