بالله عليكى اضحكى

بكفا يه هم
فى كل حاجه حزن
لما الواحد مل
عايز اعرف ليه سايبن نفسنا تتذل
قلبى تعب أوى وكل
يلا نعيش من النيا يومين
يومين اتنين
مش مهم امت وفين
المهم نبقى سوى احنا الاتنين
نضحك نفس الضحكه
نشرب نفس الكاس
ضحكه جميله وصادقه
مليانه بالاحساس
بكفايه هم
بنحب ليه نقلب لحظات الفرح غم ودموع
وف عز وقت الفرفشه
نملى عنينا بالدموع
اضحك وفرفش للحياه
ال بيروح
ماتنتظرلوش تانى رجوع
كفيانا غم
حق الشهيد ال انقتل مسيره يرجع
وام الشهيد لو تنتظر الصبر ينفع
يوم القيامه
رب البشر الكل عريان فى المقام
الكل واقفين ف انتظار
محكمة العدل
حكم الخلود حكم الاله
يارب حق ابنى ال انقتل وسط الميدان
قتله جبان
خواف بياع باع الوطن
ابنى دفنته وحرقتى لساها عايشه
يامه اضحكى
وفرفشى ونعنشى
خليكى دايما يامه شايفه صورى الجبان جوة القفص
وابنه كمان وياه اتحبس
ومراته اهه اتشردت
حباته يامه اتفرطت
ندل وجبان ده ال خان حلمك الولد
اضحكى يامه وزقططى
وافرحى واطنططى
بكفايه غم
يكفيكى يامه ابنك بطل
ولما اتقتل
اتقتل لجل البلاد
نفسك اشوفك ترقصى
ولصورة ابويا تبصبصى
وتحكيلها يامه زى زمان
فاكرة لحظات التجلى
لما بسمعك تغنى
لصورة ابويا ال مات
وانا لسه عمرى تلت سنين
وكنت دايما بتقوليله وحشتنى قوى ياحسين
قوليهاله يامه زى زمان
وسمعيه احلى كلام
وادعيلنا يامه نلتقى عند لكريم
ونشرب من ايد سيد البشر
بالله عليكى اضحكى وسمعينى ضحكتك
مش كنت دايما بتقوليلى ان انا يامه فرحتك
بكفايه غم وكفايه هم وقونى يامه والبسى
لبس الصلاه وادعى لمصر
لا تنكسر
ولا تتئسر وعلمها يعلى ف السما
ولاعمره يامه يتكسر
بكفايه غم وكفايه هم شاعر الحب

كلمات رائعة ايها الشاعر
وهمس جميل يلامس القلب العليل
دمت بحفظ الرحمن

اشكرك ا \ضياءالدين

الشاعر هشام النعال
لك منى مليون تحيه

استاذ\عادل
اشكرك
اقدرك
احترمك

كلمات جميلة مليئة بالفرحة والسعادة باسلوب شيق ولذيذ وفكرة مميزة

يا أغلي ما أحببت يا بلادي
اشكرك ايمان على تعليقاتك الجميله

ويارب كلمتنى تعجبك