هوى طار ف الهوا

ياللي بتسأل ع الهوى
شوفلك هوى
طار فالهوا
تتنفسه..
يمكن يكون فيه الدوا
من عهد سابق للهوى
ماسبش فيك غير الاسى
...
على نهدها ياما بكى
ياما داب ياما حكى
على نهدها..
ياما من الهم اشتكى
و عليها من حمله رمى
كان حمله يتحول بخار
شفايفها حضنت وجنتاه
و الهم صار ذرات هوا
...
المهد كان بريء
عذراء عن كل شيء
إلا عن ضلعها..
طهورة من كل اثم
لأنها انثى الهوى
كانت الأم
كانت الهوا
...
مرايته ع الحياة
لما تنكسر..
مش هيبقى غير خوف
و الأمل هينحصر
ف ركن معتم
صعب توصل له البواطن
صعب تقطعه الفواصل
صعب تفهم..
هو ميت وألا حي..
...
و رحلت الحلم العتيق
و ف إيدها..
بواقي عذرية متهشمة
مكتوب عليها مستعملة
و الباقي محفوظ للزمن
...
يسأل حطام المرايا
هو مين..
و مفيش جواب
اصل الحطام
طار ف الهوا
لجل يدور ع الهوى
_____
لعبدالرحمن هاني

نصك راقني جدا

واحييك عليه

دام الابداع

مرحبا بك في منتدانا الراقي بكلمات غاية في الجمال وتشبيهات رائعة الوصف

استاذ عادل عوض اشكرك
استاذ احمد رجب اشكرك
استاذة ايمان اشكرك و اُثني على كلماتك