بنده يا بحر الهوا

ارجع وسوق الخير صحى الامل فينا
وابعتلى ريق البسمه تروى مراعينـا
وابعتلى ويا الطير كلمه تراعـينــــا
وان كان دواك المر بردو يداوينــــا
.................................
ارجع فى قلب النيل طول ايدك ايدى
ارجع وزق الليل قول للشموع ايدى
عل قلـــبى داس الخيل بالله ماتزيدى
وانتى الوحيده دليل فازاى بقى تحيدى
.....................................
سايج الدلع سوجه والعندا غيه
ماتعوم على الموجه وارفع اديك ليا
اخدك من الهوجه تجمعنا طبليه
......................................
نفرش بساط الريح ونجمع الافكارفشبع انا وانتى
وتزيدى برده عتابك نظره تداوى غيابك ولا عمرى اقول خنتى
وان شفتى روحى هانت برده انتى ماهنتى
........................................
عشقك جعلنى بحر وحدى غريق فيه
مانفعشى فيكى سحر كم غيرى كوتيه؟
يا ايلى انت قايده الهجر امته تطفيه
عذبتى قلبى معاكى ولا شك رساه
بنده يا بحر الهوا ماتقولى مين قساه
ألقيش فى جوفك دوا يمكن اعيش وانساه
ولا ايلى داق الهوا لازم يقول الاه؟؟؟؟؟؟؟؟؟؟؟

أخى ابراهيم
مرحبا بك فى بيتك و منتداك
و أهلا بنبضك الجميل
نورت المنتدى و أتمنى أن تتفاعل مع باقى الأعضاء بالقراءة و الردود
دمت بخير

اشكرك استاذنى الشاعر عاطف الجندى على مرورك الطيب

اشكرك استاذى عادل على جميل كلماتك ومروك الطيب