النصر للشرفاء

يا ناس حرام

تلبسوا الشريف ملابس الاجرام

وتعملوله زفة

ولا زفة الاحرام

وتنشروا صوره فى الجرائد والمجلات

هو ده اللى سرق الاهرامات

وعباها بالات

وهربها للخواجات

لاءه .. هو اللى نشف النيل

وعباه فى ازايز

وصدرها لاسرائيل

ده خاين وعميل

لا .. لا..لا..

ده هو البلطجى اللى حرق التاريخ

هو اللى اطلق الشماريخ

على المجمع العلمى

هو اللى دمر حلمك وحلمى

ولحد علمى

هو اللى هرب الامريكان

فى قضية حقوق الانسان

وعلشان يهدى الراى العام

تتعلق المشانق قوام

ده خطر على الامن العام

ويموت الصوت الحر

لكن روحه تسكن الف حر

ومن بين جدران المر

يمر الامل بملابس الاحرام

وعلى الجبل ينادى

النصر للشرفاء

النصر للشرفاء