نفسي اقابلك

نفسي اقابلك مره صدفه
واعترفلك بحبي ليكي
قلبي حاسس انك عارفه
يمكن من نظرة عنيكي
واللا من رمشة رموشك
واللا دي اوهام حبي ليكي
جايز تكون كلها اوهام
وجايز تكون كلها احلام
او تكون صور ورديه
رسمها قلبي مع الايام
ولونتها اشواقي ليكي
وجايز اكون صحيح في بالك
او مر طيفي في خيالك
وانكويتي بنار الشوق
واكون انافارس احلامك
اللي هيسعد لياليكي
كل دي مجرد ظنون
جايز خيال وجايز تكون
لكن الاكيد اني
بعيش على امل مطمني
اني اقابلك مره صدفه
واعترفلك بحبي ليكي

شكرا استاذ عادل عوض المرور الكريم والنصيحه الغاليه
كل الموده والتحيه

مضمون رقيق بكلمات بسيطة وسلسة

شكرا استاذه ايمان