بلاش دلوقتي نتعاتب

في ناس بتثور عشان فاهمه
وعارفين هما رايحيين فين

وناس بتخُش فى الزحمه
وتضرب فينا كام إسفين

وباقي الناس ماهيش فاهمه
ده ايه ده وليه ومين على مين

بقينا نعاني من أزمه
وجاني ومجني مصريين
....
دخلتي ف فتنه يا بلادي
وكل الشعب بيعاني

بلاش دلوقتي نتعاتب
وخلو حسابنا يوم تاني

تعالو بحب نتوحد
مسيحي وسلفي علماني

وننسا خلافنا ونجدد
ونبني ف صرحنا العالي
....
تعالو نلم جرحانا
وناخدنا هُدنه يا اخواني

ونِطفي بايدنا نار والعه
نعزز دمنا الغالي

يارب , انقذنا م الغُمه
ونور دربنا الضلمه

يا رب , السِلم للأُمه
وتبقا أخر أحزاني
....
رضا عثمان

نص رائع ايها الشاعر
جميلة هه الكلمات
وان شاء الله هتكون اخر الاحزان
دمت بحفظ الرحمن

يا رب اصلح حال الامة عنوان جذاب بمضمون واقعي ممزوج بنصيحة غالية لامتنا الحبيبة المصرية

بجد ده أجمل وأصدق كلام ممكن يتقال فى الظروف اللى احنا فيها دمت رائعا

الاخ الحبيب الشاعر

رضا عثمان

كان لى شرف سماعها فى الندوه .

واحييك على موضوع النص وطريقتك ودعوتك

للم الشمل والخروج بالامه من الازمه الحاليه .

مودتى وتحيتى ...

والنبي كلامك حلو ..... تثبت بواسطتي

وباقي الناس ماهيش فاهمه
ده ايه ده وليه ومين على مين

والله عندك حق ياشاعر
الناس لو فاهمة بجد هتتصرف صح
قصيد عالى أعجبنى بشدة
أشكرك وأحييك

الله الله ..ايه الجمال دا ياابو الرووض
بجد رائعه ..دعوه جميله للم الشمل والوحده ونبذ الخلاف جانبا..بجد تسلم ايدك ياابو الروض........دمت مبدعا هكذا.دامت روعة حروفك

للأسف أخي رضا ان كل واحد واخد الاحداث علي هواه الشخصي

دون ادني أعتبار لمصلحة هذا الوطن

نعم نستطيع أن نفهم ان التوجهات والميول السياسية ..لكن لا نستطيع ان نفهم

ان يترك أحدهم مرشحه ويذهب للهجوم علي مرشح منافس وتشويهه

حتي أمتئلت النفوس بالخلافات والاحقاد

للأسف ان الاعلام كان له اليد الطولي في هذا وأنجر وراءه الناس

دون وعي ... أحييك علي دعوتك الوطنية بالوحدة والالتئام

ولكنني أعرف آن هذا غير ممكن الان ،، يحتاج الناس الي وقت كي

يقوموا من هذا الكابوس المزعج

خالص التقدير لعملك الجميل

رضا عثمان هو رضا عثمان

وما ينفعش واحد زيي يعلق على نص

من نصوصك الرائعة

هكذا يكون الشعر رسالة حب وتسامح

ليس مجرد كلام مقفي وموزون

ابدعت

» بلاش أسف
» بلاش انا
» ارخم نكتة سمعتها في حياتك!!!
» بلاش خوف
» دلوقتي رااجع تعتذر...؟؟؟؟