بلاش خوف

قالولنا ف وجوده
أمان من الفوضى
وبلدن من غيره
ح تضيع من الخضة
وان العدو المفترى
ح يهدنا هدة
أتاريه كلام ف الهوا
فاتت عليه مدة
زى الفسيخ النتن
وللا صفيح صدى
روبابكيا مالهوش تمن
و لا حديد خردة
دى بلدنا من بعدهم
صبحت كما الوردة
على صوت ادان شعبها
قامت بتتوضى
تصلى شكر انها
خلصت من البعدا
دى بلدنا حلوة قوى
خيرها مالهشى حصر
مهما يمر الزمن
وعصر بعده عصر
تلقاها رغم المحن
رافعة رايات النصر
و هى دى ارضنا
أحلى البلاد يا مصر

الشاعر الجميل احمد الشافعىتحياتى لابداعك الراقى والف مبروووووووووووووك

المبدع الجميل عادل عوض سند أشكر مرورك الكريم واهتمامك يسعدنى دائما
دمت صديقا ومبدعا

الشاعر الجميل حمدى شيبة شكرا لمرورك الكريم وتقبل مودتى

الشاعرة الرقيقة عزة الزرقانى نعم لقد مضى زمن الخوف وحان وقت الامل والعمل شكرا لمرورك الكريم وتقبلى تقديرى