كل واحد من ولادك

كل واحد من ولادك.....جاى وعارف عايز ايه
بس مين منهم ياغاليه........حس انك عايزه ايه
بس مين حس بنداكى.....وحس بالحزن اللى فيه
ولا مين سمع لصوتك...........لما كنتى بتناديه
مين ياغاليه لسه فاكر....انتى عملتى عشانه ايه
مين مكلش من رغيفك.........لما كنتى بتقسميه
عايز اقولك كلمه واحده..مين غير لاء واه وليه
اى شىء ياغاليه يجرا.....غصب عنك ارفضيه
واى واحد من ولادك.......جاى يطالب اسمعيه
ولما حقه يزيد شويه........بأعلى صوتك فهميه
انه مش ابنك لوحده.........لاء دا فيه تانى وفيه
عايز اقولك حاجه تانيه.......بس كلامى صدقيه
التاريخ ياغاليه فاكرك.........وانتى تانى فكريه
ان الصمت راح زمانه.......وانك قادره تكسريه

حب أقول انت الحريف
انا وانت عشنا ف زمن الزيف
واصل الكلام ده بنص رغيف
تاخده وتشكر لجل تعيـــش

دى ناس وعايشه لروحها وبس
ماعمرهاش بشعوبها اتحس
ومرقصاه على واحدة ونص
يعلف بتبن ويلبس خـــيش


تحياتى لك

الشاعر عز الدين محمد
أحسنت
أُبدي أعجابي بنصك الجميل
تقبل مروري

الاستاذ الشاعر تيمو... شاكرا لك تعليقك الذى اسعدنى
وكلماتك التى تنحنى لها الاقلام احتراما وتقديرا
خالص تحياتى وتقديرى

الاستاذ محمود بسيونى .... اشكرك جزيل الشكر على تعليقك متمنيا التواصل بيننا

استاذى ومعلمى عادل عوض سند ... شاكرا لك استقبالك الحافل الرائع لكلماتى المتواضعه ....وارجوا منكم ان توجهونا الى الطريق الصحيح لان هذا قدركم ان تكونوا معلمينا ونحن لكم تلاميذ شاكرا لكم اهتمامكم بنا ونحن على اول الطريق

الاستاذ عطيه شواش شاكرا لكم تعليقك الرائع ....
ولو كنا على الطريق الصحيح فهذا بفضل جهودكم المشكوره