دول ولادك

كان أملهم يحرقوكى .. يدمروكى

إنما ولادك حموكى واختاروكـــــى

كان مناهم وسط كل الكون بحالــه

يفضحوكى .. ينهبوكــــــــى

التعالب والديابــــــــــه

الكلاب المسعورين فاكرينها غابـه

كل أولاد الأبالســـــــــــه

كان مناهم ينهشوكـــــــــى

إنما ولادك بحكمه قدروا طبعا

- رغم خوفك - يحضنوكى ويواسوكى

يشتروا أمنك سلامتــــــــك

يرفعوا ف الدنيا هامتــــك

يشتروكــــــــــــــى

هما أكبر م اللى ياما كتير

باعوكى وبهدلوكــــــــــى

رغم صغر السن فيهم دول ولادك

اللى راضعين من عنــــــادك

رغم طيبتك وانفــــــــرادك

وقفوا قدام اللى خانــــــك

قاسوا ياما كتير عشانـــــك

ضحوا بالدم ف ميدانـــــــك

لجل فوق الكل طبعا يرفعوكـى

زلزلوا فرعون وكهنه مصوا دمك

من سنين يا غاليه دولا بيسرقوكى

واما شاء رب البرايــــــــا

ربنا وربك فضحـــــــــــهم

ع الملأ هانهم جرحــــــــهم

داقوا طعم الذل زيـــــــك

ياما ذلوا وجرّحوكــــــــى

هو فيه ظالم بيفلت من عقابه؟

مهما طال الظلــــــــم لازم

ينكسر وف لحظه بابــــــــه!!

ف الميدان الشعب كلـــــــه

قلعوكى ولبسوكــــــــــــى

قلعوكى توب حدادك لبسوكـــى

توب جديد فيه حلم عمـــــرك

توب زفافك وبمحبه جم باسوكى !!

طلعت سالم
أرجو المشاركه ف مسابقة شهر ابريل
لعام 2011 ولكم خالص الشكروالتحيه

للمسابقة و بالتوفيق