الكل مات للشاعر يسرى عثمان

لما النهار شقشق شقا
اصلي باحب الشقشقه
بكل ما فيها من شقا
كمان باحب بردهاوشمسها

حتي ابنهاعمره ما ينكر فضلها
ولما كبر ماهواصلهاومن دمها
تنده تقول يا ولدي يجري يضمها
يفرش بساط الخير باءيده يلمها

يزرع غناوى في ا رضها
ماهو ناوى يعزها
كمان بيعرف فين مكانها
وفين ميعادها وضيها

لمافنارها يرشد السفاين
اللى تايهه فى البحور
لما جدارها يكون سند
يحمى الغريب من اي جور

لماتقدم للى صايم الفطور
تحلف يكون معاها للسحور
يعيش ابنها فى ظلام الطرقات
يطل م الشباك يلقي الكل مات

ولاصفير للريح ولا انين جريح
ولا كلب ينبح ولا هم همات
الكل جافى ولا حضن دافي
ما بقاش الا العياط
الكل فيها في سبات
الكل مات
الكل مات
الكل مات