يسرى الجندى و عبد الناصر حجازى

هذه بعض الأشعار الغنائية التى كتبتها لمسرحية (المحاكمة) للكاتب الكبير (يسرى الجندى) ولحنها الموسيقار (رجب الشاذلى) وأخرجها الفنان (طارق حسن) وهى تدور حول مذبحة دنشواى عام 1906
ــــــــــــــــــــــ
( 1 )
السر فيك ياموت صحيـــــح ولا ّ.......... السر رغم الاعتراض فيـنــــــــــا ؟
شمّـينـــا ريحـــة دمنـــــــا هلّــة .......... حضـّـرنا للى دبحنا سكينـــــــــــة
وأمَرّشيىء فى الموت مهوش الموت
لكن لأنــــه بإيــــــد أهالينـــــــــــــــــا
ـــــــــــــ


( 2 )


ياقبر وارب بابـــك الحجـــــرى......... يمكن شعــاع الشمس يدخل لك
العمر زى شهـــاب أوام يجرى......... فاسمح لنـــا ياقبرنـــا نقـول لك
جانا الشيطان وقت الأدان خلّى .........كل الأبالسة يصلوا يومها وراه
وازاى نعيش وحياتنـــا محتـلة ........ وليه نموت بالغصب والإكراه ؟
ـــــــــــــــــ


( 3 )


حوشوا .... حوشوا
الضلام ساحب جيوشه وجاى يطفّـيلنا القمر
والماجور فى إيديكم حاسبوا واوعوا تكْـفوه ع الخبر
إنتباه
بحلقوا ف كل اتجاه
واوعوا تخطف منّـكوا الغولة الحياة
ــــــــــــــــــ


( 4 )

عود ياحمام .. إرجع على عشك ........ مين اللى عاد يقدر بقى يهشـّـك؟
مالفجــر لاح .. والنـور مازاح ......... كل اللى كان بســــلاحه بينشـّـك
عود ياحمـــام .. شـُـق الســما ......... لاتخاف سلاح .. ولامحكمـــــــة
وقول لصيادك بريشى عملت لك نعشك
وارسم بدمك ع الغمـام وشـّـك
عود ياحمام..إرجع على عشك