لو ليك ف الحب

لو ليك ف الحب .. أكتر مني
علمني ازاى ماستسلمشي

قدام سحر عيونك .. ياللي
من يوم ما قابلتك ما بنامشي

مش عارف ليه لما بشوفك
بتغير خالص .. ماعرفشي

وعنيا بتسرح ف خدودك
لما بتضحك مره ف وشي
....
قبل ما اشوفك كنت بقول
على قلبي جرئ ما بيضعفشي

ولا دقش يوم ولا كان عالبال
يتعلق ف الحب ويمشي

واهو دق خلاص .. ماتحملشي
ما تسيبنيش حيران .. وتمشي

يابو قلب جرئ .. شدتني ازاي
لبحر هواك.. وانا مابعومشي
...
خد روحي معاك ولا تنساني
أنا كل فداك وانت الجاني

بس ازاي أعرف يا حياتي
إنك يا حبيبي بتهواني

أمانه عليك ما تعزبني
يا شاغلني بتُقلك وتاعبني

اوعدني انك مش هتسيبني
أه منك أه ... منك ياني
.

وانت كل ما تقابل واحده تكتب لها قصيده ؟؟

ههههههههههههههههههههههههههههههههههه

الله ينور يا رضا .. ياعم ربنا يزيد ويبارك .

ياعم ماشى انت قابل واكتب واحنا نتمتع .

مودتى ياغالى ...