أعجبني في أرشيف العامية .دعوة عامة

https://elgendy.ahladalil.com/t20118-topic
آه يا جدع

لسه الطريق مليان وجع

لساني بتسرسب قصايد

ماتحكتش

أجمل قصيدة بحبها

مدفونه لسه مااتقالتش

مقفول بيبان الحلم ليه

و أنا نفسي تصطاد يا قلم

ومشاعري تتبعتر ألم

تكتب سطور المعجزه

قصة حياة السندباد

ويا العباد

الفرح فيه زي الهوا

أنا من هوى

قلبا سقاه محبتا

قلبي هوى

وتمزقت بين الدروب

قصائدي

دفق الحنين

ينزف ف أشعار الهوى

وشعوري عطشان للدوى

مشتاق لشربة حنينه

م المستحيل ح أوصل لها

لكني مشتاق وصلها

وحلمي أبعد م السما

بطموح رهيب

أنا نفسي أبقى

جوه دنيا الشعر ضي

ف شروق جديد

ولا زيي زي

بحلم لعامية حروفي

بطبطبة كتب التاريخ

على صدر شلال الأهات

يبقالي أسم

وأمشي ف طريق العم نجم

يحضنني حداد بالأمل

وأبويا طه المدرسه

رباني على صدق الشعور

أجبرني أبقى مختلف

مش منحرف

علشان أعيش وسط الوسط

والأئتلاف
كان فيلسوف

وف قلبي جوايا أنكتب

حاوي الحروف

ويا اللي غاويين حرفتي

أتلفتي يا دنيا شعري و سبلي

لفيني فوق تاجك علم

هلاقي ضي لدنيتي

جخك غريم عاميتي

أكمني حر

و بخر شعر

أحساس فريد بين البشر

هايم طليق

مش م الغرور ولا كبرياء

قوة ايمان

على حبتين زهد وثقه

أسرح ف دنيا الأغتراب

ينتاب شعوري ألكتئاب

أقرا ف ديوان الخال حجاب

وسط المطر ييجي الربيع

يا خال محال الحال يدوم

ف هموم و نوم فوق المدى

لازم أكيد أعمل حجاب

كل القلام المغرضه

دافنه حقيقة موهبة

لهجة حروف العامي ليه؟

لغة الحداثة المبهمه

سارقه ف ضهر المركبه

عشاق للوغارتم الكلام

وأزاي ح أنام؟

عايش بغير على كلمتي

علشان أكون

يمكن جنون أني أعترف

بتمنى أكون يوم محترف

وأدخل بقلمي لمنعطف

صعب وخطير

لكني مهما ح أنخطف

ف دنيا شعري المقلقه

ح أفضل فقير......
...........................
ــــــــــــ
حاوي الحروف
للعبقري
جمال الدليل

الرائع رضا فايد

يا بهية
القصيدة مغناة في الرابط
https://elgendy.ahladalil.com/t22112-topic
يابهيّه لفّي شالك
.......................
يابهيّه لفّي شالك
وامسحي دمعة عيالك
واقطفي مُرّك ياغاليه
وازرعي الشهد بغيطانك
رجعي زهر الجناين
وافردي قلوع السفاين
خلي توب الشمس طرحه
وافرديها عـ المداين
نادي لولادك يجولك
يمسحوا دمعة شجونك
يغزلوا مـ اللمه ضحكه
تترسم كحله لعيونك
واسمعي عزف السواقي
وامسحي الحزن اللي باقي
شقي نهر لحب ارضك
واروي بيها قلوب شراقي
هاتي قلمك ويّا فاسك
ينقشوا الصخر بتراثك
يمحوا صفحة ذُل رايتك
وارفعيها بعزم ناسك
وانسخي صفحة شهيدك
شمس حره وفجر عيدك
واطلبي مهرك حياته
من وريده يحني ايدك
بس نادي راح تلاقي
نهر حبك لسه باقي
يروي نبضك بين قلوبنا
من وريدنا لروحنا ساقي

والله زمان يامنتدى .. روحتوا فين ياشعراء