أعجبني في أرشيف العامية .دعوة عامة

أثناء مطالعتي للصفحات القديمة في

منتدا العامية

وجدت أعمال كثيرة من الروعة بمكانة

فما رأيكم أن نعود للوراء قليلاً فثمة أشعار

راقية وشعراء أجادوا وأحسنوا , من حقهم علينا

أن نذكر بأعمالهم ونتيح الفرصة للأعضاء الجدد

للتعليق علي أعمالهم

وحقوق الوضع والنشر والتذكير بالأعمال القديمة

علي هذه الصفحة مباحةلكل الأعضاء

كم هى مؤثرة تلك الأشعار الي تكتب تحت دافع

شعوري وانفعال شخصي من الشاعر

فهي تصل سريعة إلي القلوب دون أدني تجمل من

الشاعر

هذه قصيدة كتبها الشاعر

( أمين عثمان ) بعنوان ( بسملة )

كتبها بتاريخ الأحد مايو 11, 2008 5:33

ترحيباً بتشريف أبنته بسملة في هذه الدنيا

أترككم معها

( بســملــة )

شٌفت الفرح بعنيه
وعشت اللحظة أناديه
بطلة وشك النادي
يا قمرة كل لياليا

***

اسمي زاد جمال بيكي
وطال عمري أكيد بيكي
يا نعمة ربنا الغالية
يا رب المولي يحميكي

***

د إسمك زينة في كتابنا
بيفتح كل أبوابنا
ابسمل بيكي واتبسم
يعم الفرح في قلوبنا

***

يا وش السعد يا جنة
زاد الحب دا بنا
وعش العمر بقى أوسع
مع ميلادك يا نور جانا

***

منيش قادر أقول تاني
أنا تايه ف خير جاني
وصاحي ولا مش صاحي
كفاية المولى هناني

والله اقتراح جميل ولو اني بنيتي الوحشه قريت العنوان(اعجني) بدال اعجبني

ههههههههههههههه

جميله فكرتك احييك عليها واشارك فيها بامر الله بما يعجبني من القديم

علي الاقل فيه شعر حقيقي ويمكن نتعلم منه شئ

تحياتي ايها الراقي

موضوع: ياللي زرعتي الشك في قلبي شعر محمد البهنساوي الخميس ديسمبر 09, 2010 2:05 pm

للاستاذ البهنساوي

يا للي زرعتي الشك في قلبي *** مـــن كام ليلة جفاني النــوم
جـــاني طيفــــك يطلب ودي *** عشت ف حيرة وبحر هموم
جــــــاي يتعاتب ويأكــــدلي *** إنــي ظلمته في ذاك اليـــوم
رد القلب وقال : ياجارحني *** انت الظـــالم مش مظلــــوم
خنت العــهد في أول لحظـه *** خنت العهد وجبـت اللـــــوم
حتى ميثاق الحب ما بينــــا *** حادفه ف بحر وناسي العـوم
***
يا للي زرعتي الشك في قلبي *** ضاع الحب وراح على فيــن
يمكن أصدَّق يوم تنــســـــاني *** بعد شهـــور أو بعد سنيـــــن
لكـــن بعد أيــــــــام تبعــيني *** تبقي حقيـــقي من الخـــاينـين
ظالمه وقاسية وطبعــك جافي *** ودا احساســي وقلبي حـــزين
بارفض رسمـك واكره اسمك *** اللي حـــروفه كمــان قاسـيين
مش ح اتسامح يوم واستنـــى *** يا للي جعلتــي الشك يقـــــين

موضوع: ســــــــــتارة كــــــــــــــروشـية الأحد مارس 22, 2009 3:21 pm
للقديره وداد الهواري

ســـــــــتارة كروشـــــــــــــــية

ف أوضـــــــــــــــة .............

عِطـــــــــــــرها الأحــــــــباب

رمــــــــــــيت روحـــــــــــــــى

علــــــــــى كــــــــــــنبة ... قُصـــــــــــــاد

البــــــــــــاب ،

بيســـــــــــــــند ضهــــــــــــرها شـــــــــــــــباك

عيـــــــــــــــــونه البحـــــــــــــــــــر .........

يقابلهـــــــــــــا .. دولاب أوُيمــــــــــــــا ،

تجــــــــــاعــيده بتـتبــــــــــــسم ، وبتـطـــــبطـــــب

علــــــــــــــى التواريـــــــــــــــــخ ..

تاريـــــــــــــــخ مولــــــــــود ...... صـــــــــبح

قُبطـــــــــــــــان .. علــــــــــــى مركِــــــــــــــب ،

تاريــــــــــــــــخ طرحـــــــــــــــة ،

وكـــــــــــــتب كـــــــــــتاب

وفرحــــــــــــــة بآخــــــــــــر العـــــــــــــنقود ..

بيقـــــــــــــــــــرا كـــــــــــتاب ..

وبنت ف مريــــــــــــــــلة كاكـــــــــــــى !!!!

ومجــــــنونة علــــــــــى الآخــــــــــــــــــــــر ..

بحــــــفر الشِـــــــــــــعر ع الأبـــــــــــــواب !

يبكـــــــــــــــــى الخَــــــــــــنسَّا أخُــــــــــــــت

الصَخــــــــــــــــر.

يا روح الــــــــــروح .. وحـــــــــــــشتينى .....

يا آهــــــــــــــــلاً بيــــــــــكى يا عـــــــــــينى ،

بقــــــــــــــى ِلك مُـــــــــــــــدة ... نســـــــــيانى

لا بتطُـــــــــــــلى ، ولا تجــــــــــــــــينى ......

ولا بتزورى أحــــــــــــــــلامى !

أقـــــــــــول :
يمكِـــــــــــــن .. غِلـــــــط ف شــــــــىء ؟!

واراجــــــــــــع نفســـــــــــــى .. من تانـــــــــــى

أقــــــــــــــول : أبـداً ده أنا حـــــــــــــتى .....

ولا لـــــــــيلة تعــــــــــدى علــــــــىَّ .........

أنســـــــــــــاكى

وصــــــــــــورتك يومــــــــــى قـــــــــــدَّامـــــى

وأسهـــــــــــر بــــــس أحكــــــــــــى لِك ......

علــــــــــــى حالــــــــــــى !!

وزى زمــــــــــــــان .. ..

ما فيــــــــــــش غــــــــــيرك .. يواســــــــــــينى

أرُد الــباب ، وأغـــــــــــــنى لِك

وأشــــــــــــيل دمعــــــــــــى ف مــــــــــــنديلِك ،

وآخـــــــــــفيه عــــــــــن .. عـــــــــيون النـاس

أدارى حُــــــــــــرقِـة الإحــــــــــــساس .........

يقــــــــــــولوا : إبكـــــــــــى .. ح ترتاحـــــــــى

ومُـــــــــــــش عارفــــــــــــــين !!!!!!!!!!!!

عــــــــــــــزيز الدمــــــــــــع ف عـــــــــيونـى

ما فيــــــــــــش غـــــــــــير صـــــــــــدرك ..

الحانـــــــــــــى ..

يســـــــــــاع .. خــــــــــــــوفى ، وأحـــــــــزانـى

يهَــــــــــــــدَّينى - ينســـــــــــــينى

زمـــــــــــن .. خـــــــــــــــوان ، وخِــــــــــــــــل

جــــــــــــبان .. بيأذيــــــــــــــــــــنى !!

........

ف أوضــــــــة عِطــــــــــرها الأحــــــــــــباب ..

تحاوطــــــــــــــــينى ..

ســــــــــــتارة م الجمـــــــــــــــال .. كروشــــــــــــيه

ورود .........

شـــــــــــــــايلة ملايكــيتهـــــــــا .................

طـــــــــــيور ... شــــــــــــابكة .. نهـــــــــــايتها

ف إبـرة وحـــــــــــــيدة للكروشــــــــــــيه ...........

ما كِملــــــــــــــــــتشى !!

تاريـــــــــــــــخ محـــــــــــــفور .. بحــــــــزن شـــــــديد

علـــــــــــــى ضلفـــــــــــــة ............ دولاب ..

أمــــــــــــــــــــى .

وداد الهـــــــــــــــــــوارى :a

أخر حجر...بعد التعديل الخميس يناير 06, 2011 1:04 am

للشاعر الجميل جمال الدليل

أخر حَجر
مسطول قوي

الجيب فضي وأنا مستجير

جنيهاتي سخطوها لحديد

والحال حضيض

فاصل حَجر..

إزاي يا سيف الدولة

ح تحدف سُرر

مع إني مش شاعر نجيب

النخل بيسقط نقا

والفاكهه سوده مرطبه

فاصل..

سيجاره ملغمه...

تعبان يا كرسي القهوة

من ظلم البشر

شقيانه حتى الكوبيات

حتى المباسم ف الشيش

زهقانه من مر الشفايف والضنا

القهوجي مجبر يبيع

خمسينة الشاي بالجنيه

الشكك ممنوع بأذن من الأداره المجرمه

ماعدش يفرق من ذبون

كل اللي بعرفهم أنا خرجم معاش

حتى اللي من جيل الشباب

هجوا لرصيف المشكلة

فاصل حَجر...

سوسن بترقص ف النايت

ببدله حشمه مقطعه

ماهو عيب أقول

من غير هدوم

أُستاذه ف الرقص العفيف

مُدرسه ف شارع الهرم

عمدان أنارته المبهجه

عماله تحدف برفانات

تعلن عن اللحم الرخيص

عربيه سوده موديل سنتها؛

بابها أتفتح

على شعر بنت معيطه

ضحكتها من سعر التراب

فاصل حَجر....

(سلاطينو) عيل منحرف

عَلم أمين الشرطة بالقرن الغزال

مخنوف ونص اليوم

ماجًمعش ف جنيه

يدفع أتاوه لحضرته

الدم سال..

الدنيا وف لمح البصر

حالها أتقلب

لقينا قسم الرمل كله ف حينا

دبابير نسور

فرضت قرار حظر التجول ع البلد

ومهما جاع عيل ضعيف

على حِجر ليل التعبانين

ممنوع تدبرله العشا

والمعضله

(سلاطينو) طار

ولبسها موعود وأعتقل

أصبح ف عين الناس بطل

أخر حَجر.....

لكن أكيد مش م المقطم

أو م الدويقه يا محترم

مسطول سند على صخره

بأديه وقَعت

دنيا بكاملها على البشر

حادث غريب

لكن ف أول ما أنتهى

عرض الصور

ف قلب شاشة المهزله

هيفاء بتنده:فين رجب....
...................................
كلمات

أصغر ديوك المملكه

جمال الدليل
.........

[quote="طاهر الصوفاني"]والله اقتراح جميل ولو اني بنيتي الوحشه قريت العنوان(اعجني) بدال اعجبني

ههههههههههههههه

جميله فكرتك احييك عليها واشارك فيها بامر الله بما يعجبني من القديم

علي الاقل فيه شعر حقيقي ويمكن نتعلم منه شئ

تحياتي ايها الراقي[/quot

أخي الحبيب الأستاذ الشاعر طاهر الصوفاني

يسعدني جداً أن تكون أول المارين

واشكر لك أخي الحبيب تضامنك مع الفكرة وتأييدك الذي بالطبع سيثري الموضوع حيوية وتفاعل

أشكرك اخي الشاعر الجميل طاهر الصوفاني

والله فكره جميله اخى محمود

وانا اؤيدك بالطبع .. ليتنا نطلع على القديم

من اعمال شعراء ربما لهم فترة كبيره لم ينشروا

على صفحة العاميه .

فكرتك متحمس لها جدا .. الله ينور يا حوده ..

مودتى وتحيتى ...

وضوع: وحشتينى ... الأحد فبراير 14, 2010 1:42 am

للشاعر الكبير عادل سند
***
وحشتنينى ..

وقلبى فوق كفوف الليل

بعتهالك

وحشتنينى ..

وقبل النوم حا تلقينى

انا بهمس واقولهالك

وتحت الخد عالفرشه

ورود الشوق حا اسيبهالك

وتهمسلك .. وحشتنينى

وعند النوم حا تتزحزح

وتطبع فوق شفاه جمرك

عبير الطهر .. يطفينى

منا الولهان .. وانا العطشان

وانا الملهوف

وانا اللى اتمنى اكون محدوف

فى شلالك

عشان اشبع .. وتروينى

بنقطة ميّه بااحلمها

عشان تنشط شرايينى

ماهونتى ياللى من لمسه

تموّتنى ..

وانتى ياللى من ريقك

بتحيينى .. تخلّينى

اكون كالطير

وبترفرف جناحاتى

وآخدك فوق

على عرشك يا مولاتى

يا جنه وإنكتب ليّه

تشاركنى لياليّه

يا حنيّه

يا قلب يضخ من حبه

دفا .. ليّه

يا بنّيّه .. ومبنيّه

راقات لكن إلاهيّه

وضمّه بحب جوز زغاليل

جزيئات ريشها قطنيّه

بيخرج صهد من جوفهم

يدفّينى .. يخلّينى

اقولّك إيه ؟؟ وحشتينى

وحشنى صوتك الهادى

وأتخيّل لطيفك وانتى تتهادى

وأرقيكى بميتين رقوه

ترد عنيكى وتقولّى

عناية ربنا اقوى

وبتعدى كما النسمه

وبسمه تحتها حكايه

وبتدارى

عذاب الدنيا فى حروفها

وخوفها م اللى جاى اكتر

وبستكتر على روحى

ولو جزئين من الفرحه

واحوشلك جزء من قلبى

وادعى يكون ضيا ليكى

ينوّرلك لياليكى .. وف عنيكى

يبدل دمعها فرحه

وطرحه ليكى غازلها

عيدان الفل واطرحها

وأغطّيكى

ولما الصبح ح يشقشق

عيونك وحدها تفتّح

تشوف الورد بيصبّح

ويطبع فوق شفاه جمرك

رسالة حب بتقولّك

وحشتينى .. وحشتينى

طاهر الصوفاني كتب:: وضوع: وحشتينى ... الأحد فبراير 14, 2010 1:42 am

للشاعر الكبير عادل سند
***
وحشتنينى ..

وقلبى فوق كفوف الليل

بعتهالك

وحشتنينى ..

وقبل النوم حا تلقينى

انا بهمس واقولهالك

وتحت الخد عالفرشه

ورود الشوق حا اسيبهالك

وتهمسلك .. وحشتنينى

وعند النوم حا تتزحزح

وتطبع فوق شفاه جمرك

عبير الطهر .. يطفينى

منا الولهان .. وانا العطشان

وانا الملهوف

وانا اللى اتمنى اكون محدوف

فى شلالك

عشان اشبع .. وتروينى

بنقطة ميّه بااحلمها

عشان تنشط شرايينى

ماهونتى ياللى من لمسه

تموّتنى ..

وانتى ياللى من ريقك

بتحيينى .. تخلّينى

اكون كالطير

وبترفرف جناحاتى

وآخدك فوق

على عرشك يا مولاتى

يا جنه وإنكتب ليّه

تشاركنى لياليّه

يا حنيّه

يا قلب يضخ من حبه

دفا .. ليّه

يا بنّيّه .. ومبنيّه

راقات لكن إلاهيّه

وضمّه بحب جوز زغاليل

جزيئات ريشها قطنيّه

بيخرج صهد من جوفهم

يدفّينى .. يخلّينى

اقولّك إيه ؟؟ وحشتينى

وحشنى صوتك الهادى

وأتخيّل لطيفك وانتى تتهادى

وأرقيكى بميتين رقوه

ترد عنيكى وتقولّى

عناية ربنا اقوى

وبتعدى كما النسمه

وبسمه تحتها حكايه

وبتدارى

عذاب الدنيا فى حروفها

وخوفها م اللى جاى اكتر

وبستكتر على روحى

ولو جزئين من الفرحه

واحوشلك جزء من قلبى

وادعى يكون ضيا ليكى

ينوّرلك لياليكى .. وف عنيكى

يبدل دمعها فرحه

وطرحه ليكى غازلها

عيدان الفل واطرحها

وأغطّيكى

ولما الصبح ح يشقشق

عيونك وحدها تفتّح

تشوف الورد بيصبّح

ويطبع فوق شفاه جمرك

رسالة حب بتقولّك

وحشتينى .. وحشتينى

اخى الحبيب الشاعر

طاهر الصوفانى

جمال ما قدمه اخى محمود . اننا سوف نستمتع

باعمال قديمه ربما نسيناها وسوف تثرى صفحة العاميه .

اشكرك على العودة بهذا النص للصفحة الاولى .

كل المودة والاحترام ...

عادل عوض سند كتب:: والله فكره جميله اخى محمود

وانا اؤيدك بالطبع .. ليتنا نطلع على القديم

من اعمال شعراء ربما لهم فترة كبيره لم ينشروا

على صفحة العاميه .

فكرتك متحمس لها جدا .. الله ينور يا حوده ..

مودتى وتحيتى ...

عمنا الشاعر الجميل الأستاذ عادل عوض سند

هكذا انت دائماً يا استاذي والله تساند

وتشجع كل فكرة بسيطة لتكبر علي يدك

ورعايتك

كم أنا سعيد بتشجيعك يا أستاذ عادل

ربنا يمتعنا بك دائماً

أشكر مرورك العطر الذي أنتظره دائما

جميلة فكرتك اخى الشاعر الجميل
و جميلة هى القصائد التى اخترتموها اخوتى الافاضل
ولكن اتمنى ان تضيفوا اليها اللينكات الخاصة بهذه القصائد حتى يتسنى لنا الرد و اظن ان الرد فى اللينكات القديمة سيترك وقعا افضل فى نفس الشعراء الذين اثرونا بقصائدهم

دمت بكل ود اخى الشاعر الفاضل

احمد عبدالعزيز كتب:: جميلة فكرتك اخى الشاعر الجميل
و جميلة هى القصائد التى اخترتموها اخوتى الافاضل
ولكن اتمنى ان تضيفوا اليها اللينكات الخاصة بهذه القصائد حتى يتسنى لنا الرد و اظن ان الرد فى اللينكات القديمة سيترك وقعا افضل فى نفس الشعراء الذين اثرونا بقصائدهم

دمت بكل ود اخى الشاعر الفاضل

أخي الشاعر الرقيق الأستاذ أحمد عبد العزيز

شرفني جداً مرورك أخي الفاضل

وفعلاً اقتراح طيب جداً منك أخي الحبيب

وهي فرصة فعلاً لرفع الأعمال الجيدة القديمة وإثراء التفاعل بالمنتدى
فضلاً عن ما ذكرت من أثر العامل النفسي علي أصحاب تلك الأعمال وجميل وقعها عليهم

أتمني تفعيل الفكرة من الأعضاء

وكل الشكر لك أخي الكريم

https://elgendy.ahladalil.com/t15898-topic

رائعة الشاعرالاستاذ عطيه شواش

*******

مانيش مغير من طبعي

ياللي ماليت في الطبع جروح

عشان ماتحرقشي صوابعي

الطبع يطلع ..... بعد الروح

..........

يانهر النيل ولان طبعك

أخدت عيالنا بصوابعك

وعديتهم علي الغيه

عيالك غيرت نبعك

وبلت ريق لافنديه

عيالك بدعت فيا

رسمت بلدنا في مطابعك

صور الوان ... لاكين حيه

ماعنتش جي م الحبشه

ولا بتصير ....

منابعك جايه م التحرير

ومرويه ....

بإيد سالم وإيد سالمه

فضحت ربايه العالمه

وحطيته في بير ضلمه

ومات صاحي

لإنك عشت صباحي

تقول له إمشي

ودان من طين

عليها خزين

وجوف من نار

وزيته الحار

وودن حمار

فمفهمشي ...

فكان لازم نقوله امشي

بزفة زار ودقة هون

لأنه باع مصارينها

لألف زبون

وفككها ولا المجنون

ولا السمسار

وفضاها علي المسمار

فكان لازم عوامدها

في يوم تنهار

علي كتافه

وتدخل جوه اردافه

فصار جثه

كلاب الارض بتعافه

..........

يانهر النيل

نسينا الجرح في الكلوه

لأول مره في بلدنا

نلاقي ميتك ... حلوه

فأربعنا ...

ونص حفان في ربع حفان

يشبعنا ...

عقدت العزم ع القوره

وشلت الغبش م الصوره

رفعت الرايه ع المدنه

وهوبه ويلا يا بلدنا

بعون الله ومجبوره

وطلق ف طلق ولدنا

وحددنا .. نزل ولدين

نزل قمرين علي إيدنا

فربعنا ..

وجبنا الملح في الغربال

وسبعنا ...

صباح الخير ..

يا أشرف بطن جمعنا

..........

يانهر النيل مراكبيه

عيال ماتت علي ايديا

رصاص مطاط مزع في الباط

بخسيه ...

وسوء الفعل متعافي

بسوء القصد والنيه

بنادق سوده وغبيه

بينهشها السهر والجوع

بتتحامي العصا بدروع

بتضرب في الحشا طلقات

وتذغد حتي في الممنوع

وقصر بتحكمه وليه

عيال ماتت علي ايديا

لاقيت الوش متبسم

مافيش أوجاع

لإن العمر متقسم

فمت شجاع ....

وشفت ملايكه بتحفك

وميت زغروطه بتزفك

لنهر النيل

ونقش الورد من كفك

علي المناديل

بيرسم مصر من تاني

يشارك كل فكهاني

يقدم احلا تفاحهُ

ساعتها بس ترتاحوا

ويطري دمكم ويبوس

صلاه الجمعه بتلاغي

في حد الخوص

ونتكلم علي الهادي

في اي نصوص

ساعتها تروحوا ع الجنه

دفوف وصفوف

ويطرح دمكم حنه

تعيد الشوف

..........

يانهر النيل ووصيتك

تأكل مصر من غيطك

جزر وخيار

وتجري الميه في العالي وبالمشوار

علي سينا ...

وطهر بول أفندينا

نجاسه وطين ...

وضيع سمه م المواعين

وأوجاعه

واتباعه

ومين طاعه

وحط القوه ف صباعه

وقالوا آمين

وعملوا مصر مصفوفه

من المساجين

وحاسب والحساب يجمع

مفيش خالصين

..........

يانهر النيل عشان سالي

تموت بالشوم

وسموا عليها وكلوها

ولا المحروم

ومالوا عليها خصيانه

وجند الروم

فتبقي النخوه معدومه

وتبقي القربه مخرومه

وشبعه خروم

تموت سالي وإيه يعني ؟؟

برغم انه بيوجعني

أرصص صدري من صدرك

وامد فروعي من جدرك

واربي ضلوع

وموت سالي ماهوش موضوع

تقوي دماها في حبالي

تذيد قوه

تحول كفه الميادين

ولا فتوه

تموت سالي فتحضنها سعاف ونخيل

ولا ابوه

تحميها عرايس النيل

تركبها وراها الخيل

صفوف الطير

حمول حنه

تعديها من التحرير

علي الجنه

..........

يانهر النيل بلاش زيطه

حشرنا صباعنا في الحيطه

وطلعنا الصديد والدم

سنين وايام

ونشحت ريقنا من زورنا

ولا الأيتام

ونامت طنط مع تيتا

وولدوا حرام

عيال ساقت ببرنيطه

ولمت في البنوك ارقام

وناس ركبت علي التوته

وشبعوا منام

عجوزه وعامله بنوته

بوش بشوش

بنجري ونطفح الكوته

وهما وحوش

ونقضي الشهر ع النوته

وربوا كروش

وقالوا لمصر بنحبك

ولا حبوش

ياخلق الدنيا منفاته

فمتحفوش

تلاته ناخدها بتلاته

فمتبصوش

ولما نبيع ميتين باتا

وحلق حوش

وليه بتبصوا بغتاته

في اي قروش ؟؟

وقلنا زمان بحنية بياض التوب

كفنا جيوبه متنيه مالهش جيوب

طلع له جيوب ومخفيه

تساعي شعوب

تموت محطوط علي القبله

وبالمقلوب

ولما تموت بندعيلك

تموت مصلوب

..........

يانهر النيل ولا يهمك

وخبي شويه من سمك

عكره وطين

بمد ايديا وبشمك

وارشك عطر في الميادين

تعطر شجره وتنبت

وحضن فروعها بيتبت

علي المساكين

لا دارت مره ولا خبت

لا فتحت خرجها وعبت

شمال ويمين

وضخ الميه فواره

ورش الملح في الحاره

عليها البوم

وصحي النوم

من الخفافيش

تعض الثوره من حيلها

وتقعد حبه علي ديلها

وتعمل ريش

ويقوي جناحها سرطاني

وتحكم مصر من تاني

وتعمل جيش

وصحي من نفوس عوجه

تخطي وتركب الموجه

ياإماتموت علي حالك

تربط مصر بعقالك

ياإما تعيش

..........

يانهر النيل علي شوقك

تلبس مصر من ذوقك

ورضع مصر من صدرك

وقعد ناسها علي حجرك

ومرجحها شويه لفوق

وعلمها الادب والذوق

وارسم صوره للشهدا

علي العنوان

واكتب في التاريخ كانوا

عيال جدعان

ودم الحر ميت ورده

علي جبينك وع الفستان

وزغروطه في وسط البيت

تحمي الطلق وترفس

في بطن الغيط

فيولد بطن م التانيه

ويعصر زيت

يجري الم في تروسك

ومد الخيط

وامد شفايفي وأبوسك

واحط فلوسي في فلوسك

ونملا طحين

نعبي الكيله بالكيله

ونعمل مصر يا حليلا

عجين وخبيز

ونجمع شملنا عيله

بدون جنكيز

..........

يانهر النيل شباب اخضر

ماتعرف ريفه م البندر

ورود بتغني ف الميادين

بتزعق يا جمال احضر

تعالي يا صلاح الدين

سلامة زورك العالي

سلام خالي من البوظه

سلام فايقين

ماهوش مرصوص علي الجوزه

وارجوزه ...

ترقع فينا ميت لوزه

وخيط في خيطين

حنصبر لما تدينا

بإذن الله تعشينا

حلال وحليب

مافيش واحد علي راسك

يقول ويخيب

يرش بخور من الجاوي

يسلم مصر للحاوي

وعلم الغيب

مافيش تعتيم

مافيش واحد نسقف له

وهوه بهيم

مافيش تسليم

حناخد بالنا م الواطي

وم الجاهل

ونقطع راسنا لو طاطي

ونستاهل نطفي النور

وييجي هولاكو وجنوده

وييجي كافور

نحط الخيبه ع الخيبه

ونملا ماجور

ياإما نلم ونحوط

ونعمل سور

https://elgendy.ahladalil.com/t14420-topic

عكس زواياالسير التافه
شعر : رأفت المصرى

ماشيه السكه
برا خطاوى القلب الضايع

رافضه السكه
كل غناوى الحلم المايع
كل نجوم الارصفه حاجبه
نورها و راشقه شعاعها ف زاويه
عكس زوايا السير التافه
رافضه تكون فى تاريخ متصنع
صفحة كدب و تحمل عاره
و جوا مداره
الباطل ابو الف عبايه
و اللى بيقدر انه يجذب
حوالين ناره فراش التوهه
بالف حكايه
دايره و راكزه بقرفه و حسره
و حاسه بكسره
و حالمه بنصره
شايفه اها مش راميه بوادر
انما لحظة تيأس
(قادر)
يقفز صوت الحق ياخدها
برا البرواز اللى مصدى
و بلون وردى
طرطشه فوق توابيت الصوره
برمى لبكره اساس فى اللوحه
يعمل خلفيه مختلفه
و مش مؤتلفه
غير مع عزه المسلوب و اللى
متوافق مع نغم السكه
ال مسبيه و رافضه تسلم
رغم استسلام يامه و يامه
قد استسلامهم مقهوره

الشاعر د. صلاح طاهر

كتب في فى 8/12/2005
وكما نوه هو موعد إنتخابات مجلس الشعب

قصيدة بعنوان ( التطبيع )

وطبعا كان قبل الثورة

فسلم كل قلم حر

https://elgendy.ahladalil.com/t9896-topic

عمْركـْـش شفـت القـط

مــــره بيـهشــــتك فــار

يشـرب وياكلـــوا سـوا

ويـرُوح معــــاه مشـوار :

ع الشات معاه اون لاين

وبـيــفـْـشى ف الأســرار

والفـضـل للــتطـبـيــــع

من بعــد حــرب وتـــــار

كان قبل قول كـام سنـه

عــيـنه تــــطــخ شـــرار

لو شاف سى فرفر ظهر

على بعــد ســت امــــتار

أوطـــرف ديلـــه طلــع

من جحــره ليل ونـــهار

قاعـــد وخانـــس قـوى

عامــل كمــين جــــبـــار

ســألت مفــتى البـــلـــد

قــالى الحيـــاه أســـــرار

دقـــق وعيــــد النـــظر

وافــهـم بقى ياحـــمـــار

الفــار دا هـوه الــبطــل
يعــنى صـدرلــه قــــرار

فكرة جميلة

بارك الله فيكم

Very Happy

عاطف عبدالعزيز الحناوي كتب:: فكرة جميلة

بارك الله فيكم

أخي الحبيب الشاعر عاطف عبد العزيز

الحمد لله أن نالت الفكرة إعجابك

وأتمنى أن أراك هنا قريبا

شرفني جدا مرورك

فكره رائعه كعاده افكارك يا استاذ محمود وبالفعل عايزين نستمتع بالاعمال القديمه عشان نطلع عليها برده زى الجديد

اتمنى الموضوع يبقى مجدد على طول علشان نستمتع اكتر واكتر

فكرة رائعة

دمتم اهل للرقي والابداع

khaled_dwidar كتب:: فكره رائعه كعاده افكارك يا استاذ محمود وبالفعل عايزين نستمتع بالاعمال القديمه عشان نطلع عليها برده زى الجديد

اتمنى الموضوع يبقى مجدد على طول علشان نستمتع اكتر واكتر

أخي الحبيب الشاعر الجميل خالد دويدار
الله يبارك فيك يا رب يا أستاذ خالد
الجميل بصدق هو تشجيعكم لي وخاصة أنت يا خالد
أتمني معك أن تفعل الصفحة دائماً وإن كنت أطمع بالتثبيت
لما فيها من مرجعيه لجميع شعراء العامية
شكراً لمرورك الطيب يا أستاذ خالد

الابن البار@ضياء الادريسي كتب:: فكرة رائعة

دمتم اهل للرقي والابداع

أشكرك جداً يا أستاذ ضياء
وأنتظر مشاركتك فى الصفحة

دمت بكل خير أخي الحبيب ضياء الأدريسي

سلامات يا سيد بصل

شعر للشاعر .رضا توفيق

سلامات يا سيد بصل

سلامات يا سيد بصل **** يا ابو الصنان مشهور

والله بقالك تمــــــــــن **** وبيوصفك دكتـــور

فاكر زمان يا بصــــل **** الحق كان مهـــــدور

وبيربطوك يا بصــل **** ويعلقوق فــــى الدور

ــــــــــــــــــــ
العيب عليك يا بصـل **** ولا على الأيــــــــام

فيه ناس بتاكل عسـل **** وناس لهـــم خـــدام

وناس بتزرع أمـــــل **** وبتحصـــــــد الآلام

ـــــــــــــــــــــ
غريب يا طبع البشر **** عجول عنيد مغـــــرور

عايز حصاد زرعتك **** رغـــــم ان أرضك بور

وتنسـى ليه أخرتك **** وعلى العباد بتجـــــور

وتكون نهايتك بقى ***** حفرة فى وسط قبـــور

https://elgendy.ahladalil.com/t14473-topic

حتي اكلام سرقوة
للرائع رضا عثمان

احساس جميل انك تقول

كل اللي جواك عالورق

وتشد بيه كل العقول

وتخرج الناس م القلق
،
شعور جميل لما القلم

يرسم ملامحك

ويحس فرحك يبتسم

ويداوي جرحك

واما يلاقيك راح تنقسم

يلحق ويمسك

والحبر ينزل منه سيل

مدفوع بنبضك

مانت اللى ماسك باللجام

وحروفه منك

ازاي يسيبك تنهزم

من يأس نفسك
،
قلمك ده رمح وسيف

حصان جامح طليق

انصربه كل ضعيف

واظهربه كل برئ

واياك تضلل بيه

مخلوق في أي طريق

أو حتى تنسب ليه

كلام ل خط جرئ
،
حتى الكلام سرقوه

أقلام مشاهير من ورق

وبعلو صوت يقولوه

ولافيش حياء عالملئ
.
رضا عثمان

موضوع جميل يا صديقي
وان شاء المولي لي تواجد هنا
لان روائع العامية في المنتدى
كثيرة جدا
Very Happy

» دعوة عامة
» دعوة عامة
» دعوة عامة
» دعوة عامة
» شعراء العامية يشاركون فى مهرجان العامية غدا