نهاية الخيانة

يالـلى علشانك سهرت الليالى
وبيعت النوم وقولت اشتريك
ياللى كنت باكل عشانك فول
وبأيدى اشتريلك فرخة بفريك
ولعيونك انا اشتغلت حرامى
اسرق من البنوك لاجل اديك
ولما معرفتش املا عيونك
اضطريت استعين بصديق
ضحيت بكل حاجة عشانك
ويارتنى بردو عرفت ارضيك
رسمتك يامستفز بحر واسع
وانت طلعت اخرك مضيق
حكاية حبك دى مشروع فاشل
هشوفلها بيعه او ادخَّل شريك
وبدل ما بتعقدنى وترازى فيا
انا اللى هعقدك وارازى فيك
وكمان اخدك على جبل عالى
وبالشلوط اوام ، اروح مديك
علشان افتكرتك فى يوم غالى
وطلعت خاين ما طمرش فيك

م/عطية شواش كتب:

ههههههههههههههههه تستاهل ...... اشرب

دمك خفيف وكلامك سكر .... تحياتي

يا هندسه خفة الدم دى بنتعلمها منك والله ...انا قولت اجرب بس .. وبعدين كلنا بنشرب يا باش مهندس عطية .. كلنا لهاااااااااا ..

نورتنى يا استاذى ..

كلمات جميلة اخى الكريم
دمت بحفظ الرحمن

عادل عوض سند كتب:

نرحب بك ايها الاخ العزيز

ونص للتعارف ونرجو المزيد لنستزيد تعارفاّ .

اعلم انك سكندرى .. نرجو ان نعرف اسمك الحقيقى

حتى نخاطبك به .. وكيف لم نتقابل من قبل وانت سكندرى ؟؟

مودتى وتحيتى ...

اولا يا استاذ عادل مبروك على الحفيد رقم 20 جت متأخرة
بس والله انا بقالى كتير مبشوفش اخبار
ثانيا التعارف بحضرتك ووجودى فى المنتدى دة شرف كبير ليا والله
ثالثا بالنسبة للأسم فأنا تلميذك احمد ..

هشام النعال كتب:

كلمات جميلة اخى الكريم
دمت بحفظ الرحمن

انار متصفحى مرورك يا أ/هشام ..
دمت بخير .
مودتى..

الابن البار@ضياء الادريسي كتب:

نص جميل بجد

دام الابداع

سلمت يداك

نورتنى يا أ/ضياء ،، و الجميل بمرورك يزداد حسنا .
دمت بخير ،