المهنة : عصفووووور - حبة خرابيش

جناحه يا دوب على مقاسه
وراحته وضلته جناحه
يرفرف ترفعه الجناحات
ويسقط لما يرتاحوا


جناحاته شعور بالذات
بيفرد تكمل اللذات
يا طير معجون بأمنيات
يموت لو نقصوا أو راحوا

يغرد... لما غيره ينوح
وقلبه .. باب امل مفتوح
بتغسل قلب قلب الروح

عيون...
... زى الندا طاهرين
... زى المطر صافيين
... زى الورود عاشقين

غناك ...
... مرسال قدوم بكرة
... بتطير لحد الشمس
... تدفن جراح الأمس
... و تودع الذكرى
... وتشد حبل الضى
... وتنادى بكرة الجى


وتضحك...
... مهما كنت حزين
وتحمل هم ناس تانيين
وتزرع ف الاراضى البور
و ترسم ع السما بالنور
وده كله ...


... عشان عصفور

جناحه يا دوب على مقاسه
وراحته وضلته جناحه
يرفرف ترفعه الجناحات
ويسقط لما يرتاحوا

الشاعر الجميل

احمد عبد العزيز

يسلم حرفك الجميل ايها الشاعر الشاعر .

مررت فقرات فاستمتعت بنصك الاكثر من رائع .

مودتى وتحياتى ...