خرابيش

وفى الدورة الآولمبيه

بنتناقش ونتحاور

برقه وكل حنيه

عن الكوره وع الكوسه

وغزة فى سجن محبوسه

وجثه بنفط مشوية

وهو بنحكى فى اى كلام

لغاية ما بنقع وندوخ

ونصحوا بنلاقوه اوهام

ما هوش دباباة بالمدفع

ولا منصة لآى صاروخ

وقال نحلم حايجى سلام

وكيف تتحقق الاحلام

بكلمة حروفها مقسومة

لكلم نعامة مدفونة

فى وادى اسمة

وادى العار

ولا جاره فى يوم أو جار

جا واتقدم لها بنبلة

دى كانت اول القبلة

وفيها اتلمت الغربان

تحوم ودور وبتخربش

بضافرها اللى جاير جور

وتنهب قد ما بتقدر

فى طير كله بجناح مكسور

ومين شايف حطام برجه

ومين دارى بجراح قلبه

وفيه كام سهم غاير غور

خضاب ع النجمه من دمه

وغاب خاله وغاب عمه

ما بين النفط ويا الحور

بيذف جرحه من بدرى

وادى النعام ولا يدرى

بمين يبقى عليه الدور
***
جم خيروه الآعادى

ياحمام تريد الموت

لو كنت عايز البقاء

فى البرج حندكوك

وان كنت غاوى الحياة

هاجر وحندوك

رفض الحمام الحياة

وفى كل لحظة يموت

واختار يموت ع الوطن

لانه مش حيموت

يأمو الضحايا اكتبى

بالدم ع الصبار

الضى دا مش قمر

ولا فجر بعده نهار

الضى ضى العدم

وخراب وكل دمار

ولا حتى ساب غيتك

فيها اساس لجدار

وطول الوقت باشوفك

واشوف جرحك من البرواز

واشوف النفط يتصدر

من اخوانك وكل الغاز

واشوفك وانتى سهرانة

مع حزنك فى نور شمعة

وحزنى يزيد على الجامعة

وع اللمبة اللى منهوبة

ومصلوبة ومخنوقة

وماتت لآجل نقطة جاز


محمد طايل
مرسى مطروح