عشرة جنيه

عشرة جنيه
::
::

ياللي هواك جنتي
ومالي وبنوني
زينة حياتى عنيك
ياضي العمر بعيوني
لما لمست إيديك
إيديا عشقونى
هواك دا عين العقل
ياعقلي وجنوني
وف جيبي عشرة جنيه
لكني مش فقران
ومهما الدنيا داستني
عمري ماأبات زعلان
ياللي بهواك اغتنيت
ومعاك بقيت إنسان
وإزاي أقول مامعيش
وأنا حضنى ليك كوني
و لو المال هو الغنى
ياعزتي ف فقرك
ولو يجيبوا سلسبيل الكون
مشربش غير نهرك
ولو كنوز الدنيا دى مهري
ماأقبلش غير مهرك
وأقبل بعشرة جنيه منك يانور عينى
وقصادها ميت مليون منهم مايكفوني
ياللي هواك عمري
والعمر يرخصلك
لو دوروا ف أصلي
يلاقوني من أصلك
ومهما زاد علمى
معرفش أكون غير ليك
تلميذة في فصلك
تديني عشرة جنيه
أغزلها رمش العين
وأزرعها ف جفوني
وتاخدني من إيدى
تزرعنى ف الننّي
ويسألو عنّي
في عنيك يلاقوني
وكفاية عشرة جنيه
يامالي وبنوني
::
منى حواس

الشاعره الجميله

منى حواس

صدقينى ضحكت كثيراّ على ردك الجميل

على الاستاذ عطيه شواش .

وكنت حا اسأل نفس السؤال .. لكن اظن الاجابه وصلتنى ..

والله استمتعت بنصك وضحكت لفرط سرورى بحرفك الجميل .

تقبلى مرورى وخالص تحياتى ...