مصر هي بنتي - طارق منيب

لما تحب الواحدة بعيبها

فقر كئيبة بسب حاببها

تبقى دي مين محبوبتك يااهبل؟

لأ مش أهبل

ولا باستهبل

أصل حبيبتي الوحشة الأجمل

وده فـ عينيه وعين أحبابها

مـ اللي اتهانوا فـ حب تُرابها

واللي اتسجنوا فـ يوم بسببها

أصل حبيبتي ماهياش زوجتي

ولا يوم طبعاً كانت أختي

لأ بالطبع ماهياش أمي

أصل حبيبتي دي بنتي حبيبتي

أصل حبيبتي دي مصر الجامدة

أيوة بطينها وبرغيف عيشها

اللي بنحلف بيه على عيونا

وببطالتها وبفوضتها

وبقسوتها علينا فـ قوتنا

وبواسطتها أو محاسيبها

اللي تخلي الجاهل فوقنا

أيوة باحب في بنتي الطاهرة

اللي خانوها فـ قصر الطاهرة

أيوة باحب فـ بنتي السمرة

كانت بيضة وناصعة البشرة

جالها سواد من كتر الدخنة

والأسفلت بناره السخنة

بنتي اتباعت بس شرتها

بنتي تساعد باللي حيلتها

بنتي تجوع وتوكل غيرها

بنتي شموع بتضئ بسيرتها

بنتي عجوزة وأكبر مني

وأكبر منكوا كمان ياشباب

كام ألفية فـ عمرها يعني

بس البنت شباب فـ شباب

بنتي حييجي عدلها فـ يوم

بس اتأخر برضه كتير

أص عريسها مش مـ القوم

ولا من الفرحة فـ يوم حتطير

أصل عريسها اسمه الحرية

أصل عريسها كرامة ماهية

زهقت تعبت مـ العبودية

جاعت شحتت بس أبية

لما اتهزمت نزلت وقعت

بعد شوية قامت قعدت

جت وانتصرت على أعادية

بنتي اتخدعت بالتزوير

بنتي اتوعدت بالتطهير

بنتي اتحكمت بالتدليس

كان أخرتها كمان توريث

كل أحبابها كانوا فـ الشارع

خلوا الطاغية خلاص اتراجع

وبنختار فـ رئيس بأيدينا

أوعوا تقولوا الريس راجع !

بنتي حكمها فـ يوم فرعون

بنتي حياتها فـ نار وشجون

ميت مستعمر.. ولا مدمر

شجرة دُر.. وحُسني المُر

بس البنت شرفها مصون

اغتصبوها.. بس أهي برضه

بنت وبكر وفوق الكون

نفس الصورة ونفس الرسمة

مهما اتعاشت نار الأزمة

دلتا وصحراء وبحرين يعني

برضه الحٌق فـ بيتها يساعني

بنتي هوية مع شخصية

أسمها قلب وروح مصرية

مهما اتهانت من أعادية

برضه كرامة ومصر أبية

هي حبيبتي الوحشة بعينها

غصب إن عني باحب فـ طينها

وأكره كل العالم ماقدر

أكره مصر دي غالية عليا

لو تدوني ميت جنسية

تفضل مصر بلادي دي هي

أم العالم وأصل الدنيا

حبي لبنتي هو وسيلتي

أبني العالم تاني فـ ثانية

.............................

الأستاذ الشاعر / طارق منيب

جميل كل هذا الحب

وجميل كل هذا العتاب المصحوب بالنصيحة

المحملة بالخوف علي مصرنا الحبيبة

فجاءت الكلمات معبرة ورائعة

شرفت بأول مرور علي لوحتك البديعة .

لي الشرف أن تكون أول المارين على قصيدتي

خالص تقديري لتعليقك الجميل

الله الله .... احنا رايحين في داهيه جنبك باين

هههههههههههههههههههههه

تثبت بواسطتي .... تحياتي

م/عطية شواش كتب:: الله الله .... احنا رايحين في داهيه جنبك باين

هههههههههههههههههههههه

تثبت بواسطتي .... تحياتي

شكراً كثيراً ياباش مهندس على مرورك وتعليقك الطريف كالعادة

وشرف كبير لي تثبيت القصيدة بإيديك

الله عليك يا طروقه

والله نص ينضح بالحب الطاغى للحبيبه

الام والابنه كما وصفتها .. مصر ..

ومن الحب ما قتل اخى طارق .

احييك على جمال نصك الرائع .

مودتى وتحيتى ...

الله الله يا استاذ طارق وعتابك لمصر برغم كل الى فيها

احييك يا استاذنا والنص راقنى كثيرا

تحياتى

أخي الحبيب وشقيق الفكر والروح طارق منيب

أول مرة أقرا قصيدة شاعر بيخلي مصر بنتة ... لاننا اتعودنا علي مصر هي

أمي وأم الدنيا لكن شعور بنتي دة سبق يحسب ليك

القصيدة جميلة بها مواطن خلابة للجمال أحييك عليها ..فقد الممت فيها

بالواقع الحاضر والماضي القريب الذي مازال ينفث سمومه علينا

أحييك تحية بحجم أعجابي الكبير بعملك الجميل

خالص المودة القلبية

عادل عوض سند كتب:: الله عليك يا طروقه

والله نص ينضح بالحب الطاغى للحبيبه

الام والابنه كما وصفتها .. مصر ..

ومن الحب ما قتل اخى طارق .

احييك على جمال نصك الرائع .

مودتى وتحيتى ...

أستاذي الكبير عدولة

فخور بمرورك وتعليقك

ومساندتك الدائمة لي على مر ثلاث سنوات

خاص الشكر والتقدير ياأستاذي

أخوك

طروقة

khaled_dwidar كتب:: الله الله يا استاذ طارق وعتابك لمصر برغم كل الى فيها

احييك يا استاذنا والنص راقنى كثيرا

تحياتى

الشاعر الجميل الأستاذ/ خالد

شهادتك أعتز بيها ووسام على صدري

خالص مودتي وتقديري

أخوك

طارق منيب

محمود جمعة كتب:: أخي الحبيب وشقيق الفكر والروح طارق منيب

أول مرة أقرا قصيدة شاعر بيخلي مصر بنتة ... لاننا اتعودنا علي مصر هي

أمي وأم الدنيا لكن شعور بنتي دة سبق يحسب ليك

القصيدة جميلة بها مواطن خلابة للجمال أحييك عليها ..فقد الممت فيها

بالواقع الحاضر والماضي القريب الذي مازال ينفث سمومه علينا

أحييك تحية بحجم أعجابي الكبير بعملك الجميل

خالص المودة القلبية

أخي الحبيب وشقيق فكري وروحي محمود

يمكن قصدت أن أوصفها ببنتي لإن الوحيد اللي ممكن يتحب على عيوبه الأبناء.. فالأم ممكن تكرهه لو فرطت في حق تربية أبناءها.. والأب كذلك.. ولكن البنت بعيوبها حتتحب.. أما السبب الثاني بوصفها للبنت .. إن مصر نتاجنا.. والعكس غير صحيح.. فهي تربيتنا.. ظلمة وظلومين.. لصوص ومسروقين.. طغاة وخاضعين.. وبكل عيوبها ومساوئها حتفضل بنتنا الحبيبة مصر .. وبنحبها برضه..

أخوك

طارق منيب

اخى طارق
دائما فكرتك جديدة و مبتكرة
و شعرك رائع أيها النبيل
دمت بخير

عاطف الجندى كتب:: اخى طارق
دائما فكرتك جديدة و مبتكرة
و شعرك رائع أيها النبيل
دمت بخير

بارك الله فيك ياأخي الحبيب عاطف وفي مرورك الكريم
فخور برأيك وتعليقك

رائع هذا النص

ايها الشاعر الكبير

والفكرة جميلة جدا

دام الابداع والرقي

حبي لبنتي هو وسيلتي

أبني العالم تاني فـ ثانية

أستاذ
قمة الإبداع والروعة
جميل جداً أ/ طارق

الابن البار@ضياء الادريسي كتب:: رائع هذا النص

ايها الشاعر الكبير

والفكرة جميلة جدا

دام الابداع والرقي

شاعرنا الكبير الإبن البار

بعض ماعندكم ياباشا

فخور بمرورك وتسجيل إعجابك بالقصيدة

أحمد الشرقاوى كتب:: حبي لبنتي هو وسيلتي

أبني العالم تاني فـ ثانية

أستاذ
قمة الإبداع والروعة
جميل جداً أ/ طارق

بارك الله فيك ياأستاذ/ أحمد

سعيد بمرورك وتعليقك

» بيرم منيب يعارض بيرم سند "مهداه للرئيس مرسي - طارق منيب
» صعب....تشوفنى
» خطر ..قطر- طارق منيب
» هي كده.. لأ مش كده- طارق منيب
» حرب!!!!- طارق منيب