مرشح رياسي / للمشاركة / محمود جمعة

الخير قادم ان شاء الله معلمي

دمت مبدع كبير

فكرة جيدة

وكلماتك اجمل من الجمال

دمت بخير

كرسى شادد لـِنتباه
كله قام وقف انتباه
اللى عاوز يبقى حاجه
واللى عاوز يبنى جاه

محمود جمعة كتب:: [b] خمسميت واحد مرشح للرياسة يابلادنا وغلبونا تقولشي عندي زفة بلدي وجم جنابهم بالمصاري ينقطونا اللي كان بياع بطاطا واللي سايق ف العباطة واللي أخره مدير طابونة بعضهم من عصر مينا وبعضهم كوز فخفخينا سيرك ياللا ع الشناكل لاعبونا يا أساتذة ما ترحمونا شلة الاعلام هارونا تاخدوا شهرة بالاونطة وأحنا في الاخر صابونة d]الشحات العريان مرشحكم لرئاسه الجمهوريه لا للغنى الدفيان ونعم للشحات العريان شحات شحات وماله ماهو ده حالنا وحاله العريان أدرى بينا بكره ينكسى ويكسينا/b]

عادل عوض سند كتب:

رضا محمود كتب:

عادل عوض سند كتب:: وانت ليه زعلان ياحوده ؟؟؟

دا احنا عايشين فتره سوده

طب ماتسمع عم سيد

عنده فكر وليه تأيد

سمكرى وعايش ف اوضه

شكله { حايرشح } علينا

اصله { حا يسلك } مدينه

نفسه { يصرف } شهر لينا

بس ينجح .. قول بعوده ..

مين يكون العمّ سيّد..؟؟

طب.. وتوفيق المنجّد

ولاّ محفوظ الساعاتي

ولاّ اقولك عـ الخُلاصة

أحلى واحد... للرياسة

إبراهيم ابن الزناتي

اللّي كان سوّاق خصوصي

عند مدحت عيد خلوصي

اللّي عنده محل حاتي

هية أصلاً..خلطبيطة

حاجة فـ الآخر عبيطة

سيرك..والفُرجة يوماتي

ابراهيم ابن الزناتى ؟؟؟

ايوه عارفه ده يوماتى

بعد ما يخلص يروح

يشتغللى مخللاتى

وامه فايزه احلى دايه

واخته ورده م { البغايا }

اسره يعنى من الرزايا

سودت عيشتى وحياتى

طب بلاش ياحبيبي هيمة

مصر فيها ناس.. عظيمة

ناس بسيطة وناس ذواتي

شوف سعيد الكهربائي

إبن عَم احمد بهـــائي

اللّي يبقى خال حماتي

من كبار الناس في طنطا

يعني مش عايش أونطـــة

زي هيمة ابن الزناتي

اميره بلا وطن كتب:: كرسى شادد لـِنتباه
كله قام وقف انتباه
اللى عاوز يبقى حاجه
واللى عاوز يبنى جاه

كُرسي فيه سحر الفراعنة

والرئيس.. مرصود بلعنة

لو يكون عبد الكــراسي

خمسميت واحد مرشح

اصلها بقيت نهيبه

كله عايز فيها يفرح

راح يربط ف الزكيبه

عمنا لخرس مرشح ؟؟

هى دى اكبر مصيبه

بالدراسة والكياسة والفراسة
يا شعب واخد عا المياصة
بإستمارة محضرينها لكل واحد
جاي طمعان في الرياسة .

ياأيها المسترشح للرياسه
فاضلك ايه لم تلعبه
ياما لعبتم بالسياسه
فالعب علي عقول من غبا

خد حكمه من مجنون لاكنه
شاف نفسه قاعد مطرحك
مكسوف عشانك يجنه
إن الخجل لم زحزحك

القبر بينادي عليك
وانت بغبا لم تسمعه
والدنيا تحلو في عنيك
وانا ليها شايفك إمعه

سيب نص فرصه لأي لشاب
شَيبتهُ وانت المعترك
دا تاريخنا بيقول بالحساب
توت عنخ حتي يفكرك

ياأيها المسترشح للرياسه
خد نص عمري يمكن ينفعك
خد حبة من أدب الحساسه
راجع ضمير العمر يمكن يوجعك

***
اسمحلي اشاركك بحاجه قديمه شويه علي ماتفرج

واحييك من قلبي علي الفكره الجميله

بالمناسبه وحشتني والله ولو فيه نصيب ان شاء الله نتقابل في الندوه

ان شالله نشوفك علي خير ديما

تحياتي لمحمود الشاعر والانسان

قصيدة ساخرة لحالة مأساوية

اللهم خفف عنا وولي علينا من يرضيك

لك التحية أيها الشاعر

خمسميه وخمسه جينـــــا

والخميرة م العجينـــــــــة

يعنى حانفرفش ونضحك

ولا رح نقلبهـــــا نيلـــــه

عايزين رئيس مننا يورينا يومين هنا
فى المصاعب والهموم بكل حب يضمنا
يفرش بساط الخيرم الصعيد لحينا
السبع السمان يخليهم لنا ميت سنه
يلعب سياسه بالغلاسه والفكاكه والحرفنه
الراجل ده فى الحقيقه والصراحه ممكن
يكون انا

وحشتنا يا استاذ / محمود

حد يعمل مساجله ويسيبها ياراجل ؟؟؟

ههههههههههههههههههههههههههههههههههههه

منتظرك ترد علينا ...

اقفل الاوضه ودور
تلقى رايس جنب باب
فظ ساكت او محور
يجعل الدنيا هباب
الف واحد يلا نقى
هى دى قيمتك يا مصر
ايلىى قايل يلا حقى
وايلى اصلا نصه كسر
بس لما النور ينور
تلاقى فى عنينا الرياسه
مش فلولك او مزور
فيه فكاهه وفيه كياسه
فى اصاله .وحلى نيلك
يرمى شمعه جوا ليلك
هى دى قيمتك يابلدى
وايلى يستحقوا جيلك
لما قام نور وطهر
لما خفف من عليلك
لما طلع شمس صبحك
ايلى حيا الروح فى خيلك
فانسى يا عربيد مناك
مصرمش دايبه فى هواك
مصر فوق النور مناره
عدت الحلم وسماك

عاطف عاشور كتب:: خمسميه وخمسه جينـــــا

والخميرة م العجينـــــــــة

يعنى حانفرفش ونضحك

ولا رح نقلبهـــــا نيلـــــه

لاءة حانفرفش ونضحك

حتى شوف النكتة دية

كنت ماشى فى الجلاء

فجأة شوفت انا بعنيا

اسم مترشح مصيبة

والمصيبة تبقى هى

لما يحكم مصرنا

اشرف باروما دى القضية

يعنى لما يروح زيارة

يكتبوها بأى نيّة؟

نيّة الريس فخامته

ولا رفرف عربية

» محمود جمعة نعيم الأخوة فى الله
» فستان فرح / محمود جمعة
» بتوحشني / محمود جمعة
» بورسعيد / محمود جمعة
» مديح / محمود جمعة