حضنك يا أمى

إنتى زرعة خير جوة القلوب
إنتى شمعة نور مش هتدوب
أنا من غيرك لا شئ
وإنتى فى حياتى كل شئ
شيلتينى فى بطنك تسع شهور
كنت بالنسبة لك نور
قولت عليا إنى حتة منك
وإستحملتينى حب فيا مش غصب عنك
سهرت جنبى وأنا تعبان
وإللى شفانى هو الحنان
فى اللحظات الصعبة كنتى جنبى
وفى الفرحة تفرحى فرحى
وصى عليك إله الكون
لأجلك يا أمى كله يهون
جربت ألجأ لكل حد أعرفه
كله نسينى وشال حبه من مطرحه
أما أنتى من قبل ما أتكلم
كنت حضن دافى
من قبل ما أتكلم كنت حنان صافى
الحياة من غيرك ضلمة وسودة
وكأنها بالسواد موعودة
إنتى مش جزء من ذكرياتى
ولا حتة من حياتى
إنتى كل حياتى وذكرياتى
يعنى من غيرك مليش حياة أو ذكرى
وبدونك أنا نكرة
حياتى من غيرك ملهاش لون
أديكى عمرى وكله لأجلك يهون
أنا قلبى أصلا حتة منك
إزاى ميحنش لحضنك
يا أعظم أم فى الوجود
حبى ليكى لازم يسود