حضنك و حنينى

***
حـُضنِك لأبنك حنان دافق
كما نهر
وضمة ابنك لصدرك بعد غيبة
طـُهـر
ازاى بيقدر يغيب الدهر
عن حضنك
وبـُعد حضنه عن حُضنِك دقيقة
دَهــــــــــر
***
*
أقولك ازاى بَحِبك بَس
يا اُمى
والاقى فين كلمة
توصفلك حنينى بس
أنا مش هَحِبك بكلمة فيـــــوم
سـِمعـتـيـهـا
عايز أحبك !
تحسيها بنبضك حَس
ومش حقولك قصيدة شعر
تِـقـريـهـا
يامَّـة اللى بينى ومبينك مش قصيدة ونـَص
لازم تكون كِلمتى لا الشِعر
يـِحـكـيـِهَـا
ولا تلاقيها فـ كلام
يوم الكلام يترَّص
حَسيب مشاعرى لعواطـفِـك
وانتى حـِّسـيها
أصل الكلام يـِتسَّمع
أمــا الحــنـيـن
يـِتحـَّس
********