مذكرات سجين

(فترة المراهقة بالنسبة للشباب هي اصعب المراحل السنية ففيها يتشكل مستقبل كلا منا ونتأثر بكل ما هو محيط بنا من بيئة وبيت ومدرسة واصدقاء منا من تخطي تلك المرحلة بسلام ومنا من لم يتخطاها وهو الان خلف القضبان او تنتظره الخلاصة ابحث عن الصديق وراء كل فاشل صديق ووراء كل ناجح صديق )


صاحب مصاحبني ومصاحبه

على نيتي فى قلبي وقلبه

وياما قولولي ونصحوني

أهلي حبايبي أبعد عنه

............................قلت أبداً ده أصبح مني

وعشان كان يبكوني

طردتهم من أحساسي

وهربت من كل قرايبي

وبعدت عن أهلي وناسي

..............................فعلمني كل ما علمني

الأولي كانت فى سيجارة

وقالي ده كيف وشطارة

عشان ماتنساك الأحزان

وما تقولشي أبدا يا خسارة

............................وقال أيه عايز يسعدني

والتانية فى طريق التوهان

وقالي ده طريق النسيان

ومن السيجارة للجوزة

وبقت حياتي كلها دخان

...............................وتوهت عن ناسي وعني

والتالتة مية وراها بنزين

والرابعة كانت فى الهيروين

طاوعت صاحبي فرماني

وبقيت فى دنيا الكيف مسكين

................................وكان بأيده بيقتلني

الصحة راحت والسمعة

وبقينا من أهل الحانة

بداية ما عارف نهايتها

السجن ولا الجبانة

.............................طلع سجن واهو سجني

أنا اللي كنت بتعلم

دلوقتي محسور بتألم

أيه اللي خلاني أسيب أهلي

وعلى المساجين آجي أسلم

...........................يا مين للماضي يرجعني

ما كنت عايش وأنا راضي

وعقلي كان مرتاح فاض

ده كل راح أصبح ماضي

مستني حكم من القاضي

.........................بصرخ وهو ولا سامعني

ودلوقتي مهما روحت وجيت

وندمت على حالي وبكيت

وبعد اللي ضاع من عمري

تفيدني ايه كلمة آه ياريت

...........................وصاحبي ضاع وضيعني

آدي حكايتي ونهايتي

وبدايتي كانت مع صاحبي

فى السجن أنادي وآهاتي

وهو متلقح جانبي

.........................واقول يا ريت حد نصحني


لاربعاء 1992

اميره بلا وطن كتب:

والله موضوع جميل جدا
بالفعل المحكمه اللى بتقول
اختار الرفيق قبل الطريق
صحيحه وواقعيه
كمان
المرء على دين خليله
انت هنا فى القصيده طبقت الكلام ده
ووريتنا ايه أخره صديق السوء ومصادقته
لعل الجميع يستفيد منها
أحييك على جمال نصك ومضمونه

الاميرة أميرة شرفتي متصفحي

سعيد لانها اعجبتك

مرور وحضور رائع كالعادة

كلماتك رقيقة رزينة

دمتي بخير ايتها الرائعة

موضوع هادف جميل
احسنت يااستاذ احمد
ولكن لو تهتم بالوزن شوية
هو نص جميل واعتقد ان الوزن الاقرب لوزن نصك هو البحر المنسرح مستفعلن مفعولات
تحياتى لك استاذ احمد واتمنى ان اقرأ لك قصيدة مكتملة الوزن

حسن الجمال. كتب:

موضوع هادف جميل
احسنت يااستاذ احمد
ولكن لو تهتم بالوزن شوية
هو نص جميل واعتقد ان الوزن الاقرب لوزن نصك هو البحر المنسرح مستفعلن مفعولات
تحياتى لك استاذ احمد واتمنى ان اقرأ لك قصيدة مكتملة الوزن

الاجمل هو انت استاذي العزيز

اما بخصوص الوزن فانا احاول

واتمني انا ايضا انا اكتب فى يوم نص مكتمل الوزن

اشكرك

أحي فكرك الهادف
وياريت المراهقين يسمعوا قبل
ما يفوت الآوان
خالص التحية

عادل عوض سند كتب:

الاستاذ الشاعر

احمد رجب معيط

نص واقعى وهو نص منذر بما فيه من مواعظ وحكم

والحذر من صاحب السوء الذى يدمر الانسان وهو فى مقتبل العمر .

مودتى وتحيتى ..

شكرا يا استاذي

دمت بخير ايها الرائع

محمد كمال كتب:

أحي فكرك الهادف
وياريت المراهقين يسمعوا قبل
ما يفوت الآوان
خالص التحية

اخي محمد شكرا مرورك

وتعليقك الرقيق الراقي

دمت بخير

ماهر حامد كتب:

مذكرات طايشة


وفيها عبرة


استاذ احمد رجب


كل الود

مذكرات طايشة


وفيها عبرة


استاذ احمد رجب


كل الود

اخي الحبيب ماهر حامد

مرورك كريم

وحضورك عطر

وكلماتك ارق من النسيم

دمت بخير ايها الرائع