ضع رابط عملك فى مسابقة العامية لشهرمارس 2012 هنا

هى روحي
ح.. ور..
وي..
وه..
هى ليه ..أ.. وب
هى امى هى اختى
هى دنيا هى دين
هى فرحة طفل مرفوع الجبين
هى احلام الصبايا
لما يبقوا للضفاير مشتاقين
هى حضن الام لولدها الحزين
هى حب الاب لشقاه السنين
لجل م يوفرلابنه المسطره
والمحبره
لجل م يجيب بالطوا ابيض
يلبسوه الخريجين
هى ضحكه صافيه خالص
فوق شفايف عرقانين
هى ماسكه فاس
فى عز الصيف
والحبايب عطشانين
هى شبكه للعروسه
هى بوسه
هى حضن طوييييل
يدفى المحرومين
هى شفطه شاى عصارى
من ايدين الفلاحين
هى نجمه منوره للسواقين
هى سرسوب من حليب
جوا بوشه خالتى زينب
زوجه المرحوم امين
هى صحبه من عساكر
سهرانين
هى ايش او بياده
اوذواده
من حبايب ملهوفين
هى موجه او فلوكه
ويا عوامه ولادنا الفرحنين
هى شله من صحاب
والهنا لو دق باب
هى ابره من طبيب
بيها بيخف العذاب
هى كلمه من محامى
ترجع الحق اللى غاب
هى اهه لما كوره
ينتصر بيها الشباب
هى لهفه
هى فرحه
هى دمعه
للمسافر لما تاب
هى قاضى مصرى خالص
لما يحكم
للضمير يعمل حساب
هى ..م
هى ..ص
هى ..ر
هى اسلامى وكيانى وفرحتى
هى حلمى
لجل م يكون ابنى فعلا
يستحق محبتى
شعر/عبدالمقصودحميده

هى روحيhttps://elgendy.ahladalil.com/t20822p10-topic#228994

https://elgendy.ahladalil.com/post?t=20822&mode=reply

السلام عليكم ورحمة الله وبركاته
انا متاسف يا اخوانى لانى مضطر ان اكتب مشاركتى هنا لانى لا اعرف كيف ان اعمل رابط لمشاركتى فتقبلوا اسفى .
واليكم مشاركتى ..بعنوان : بتمنى اكون انسان

بتمنى اكون انسان

وبملك من الدنيا بستان

ازرع فيه الامل

وافتل من عيدانه ريحان

بتمنى اكون فنان

اسعد الحزين

واضحك الزعلان

بس حلمى طير جريح

كسير الجناح

حلم اتولد سفاح

ذى ضوء النهار

بينهار

ومع خيوط الليل بينزاح

وانا الملاح

اللى ياما ابحرت من غير شراع

انا المداح

اللى ياما غنيت فى الافراح

وقلبى باكى حزين

مليان جراح

انا اللى علمت الصبر يصبر

ويكون صبار

انا اللى خليت الصخر يخضر

ويطلع الصبار

انا اللى خليت قلوب العاشقين

تتحرق من غير نار

واخر المشوار

لقتنى نغمة حزينه

تتغنى على الاوتار

لقتنى كلمة رقيقة

فى دفتر الاشعار

لقتنى دمعة شاردة

فى عالم الاسرار