مستنى أيه يا قاضى

( مستنى أيه ياقاضى)

العدل لمّـا أنـتشر كان أمر ربْ رحيم
بينادى كل البشر رجـّاله ويــّا حريم
******
يقول يا عبدى ألتزم ولكل أمّة كتاب
سانن فيها القوانين ولكل ذنب عقاب
******
وكتابنا كان قرآن بلـّغنا بيه معصوم
آياته واضحه لنا فيه الحساب معلوم
******
أوّل عقاب للبشرعلشان يعلمنا
لآدم اللىّ عصى بالطرد م الجنه
******
الحـُكم ليه فى البلد طوّل ومتعــــسّر
دى نومه راحت عليه وميزانه متكسّر
******
يا قاضى ليه تنتظر والكفه مليانه
متشوّقين للخبر كرامتنا متهانه
******
شوفنا العذاب ألوان والظلم ماله حدود
ما كنت فى الميدان وأملنا فيك موجود
******
شهيد يناير ابننا لازم يكون له قصاص
ودمه سايل وسطنا والقتل كان برصاص
******
والجانى عايش ع الامل نايم ومتمدّدْ
مستنى كلمة عفوكم والعهد يتجدد
******
أنتوا ليه صابرين عليه ريّحونا واحكموا
طاب يابلدنا حا نعمل ايه علشان نعيش ونكملوا
******
يا العدل فيكى يتنشر وحاجب بـينده محكمه
يا نروح نسلم للقدر ونعيش حياتنا مضلمه
******

الزجال الجميل

السعيد جميل الزهرى

زجليه رائعه وانت تتساءل فيها عن سؤال مازنا نسأله للمجلس

رغم اننا نعرف اجابته جيداّ ولكنهم يماطلون لعدم تنفيذ حكم الله .

ولعلمك انهم فى محبسهم ليس للعقاب وانما من الخوف على حياتهم

وهم حراس لهم . ولن يحاكموا إلا بضغط شعبى آخر عليهم .

احييك على نصك الصادق الجميل .

مودتى وتحيتى ...

أحسنت أستاذ سعيد

تثبت بواسطتي ... تحياتي

الكلمات اكثر من رائعة
سؤال يتشوق لاجابته ملايين المصريين
دمت مبدعا
تقبل مروري

الشاعر الزجال الجميل

السعيد جميل الزهري

قلت ما يجب علينا قوله

ولكن هل يسمع لقولك وقولنا

مبدع كالعادة

تقبل مروري
Very Happy

الله عليك شاعرنا الراقى السعيد جميل الزهرى

حروفك ناطقه بالحقيقه اللى القضاه سدين ودانهم عنها

وخايفين اصلا ينطقوا

ولكنك صورت الاحداث كما يجب

دمت بحب

كلمات وصور وافكار ونصائح اكثر من رائع تسلم يا بروف

عادل عوض سند كتب:: الزجال الجميل

السعيد جميل الزهرى

زجليه رائعه وانت تتساءل فيها عن سؤال مازنا نسأله للمجلس

رغم اننا نعرف اجابته جيداّ ولكنهم يماطلون لعدم تنفيذ حكم الله .

ولعلمك انهم فى محبسهم ليس للعقاب وانما من الخوف على حياتهم

وهم حراس لهم . ولن يحاكموا إلا بضغط شعبى آخر عليهم .

احييك على نصك الصادق الجميل .

مودتى وتحيتى ...
القدير الأستاذ /عادل سند
أشكركم على هذا الرد الجميل
الذى أعتبره شهاده من أعلى الجامعات الأدبيه
ووسام على صدرى أعتز به
لقد أصبح النص جميلا بمروركم العطرعليه
خالص تحياتى وتقديرى

» مستنى ايه
» مستنى
» كل يوم أفضل مستنى
» أثناء الثورة (مستنى ايه )