أثناء الثورة (مستنى ايه )

الأستاذ الشاعر
ضياء غنيم
الصوره فعلا كانت قاتمه ومؤلمه
ومخيفه الى حد الفزع وقد هزتنا
جميعا بعنف ..ولكن ليس غريبا
عليهم فالجرم والظلم يجرى فى
عروقهم مجرى الدم .. وصوت
الشعب المصرى الذى دوى فى
انحاء مصر سبب لهم الذعر فأنطلقوا
بغباء ليدمروا الباقى منا ..
مازال بقايا الوجع فى القلب يا استاذ
ونأمل ان تكون المرحله القادمه
اكثر شفافيه وصدقا ... مجرد امل
استاذ ضياء ..قصيده موجعه
بحس وطنى جميل
سلمت يمينك ...
تقبل مرورى المتواضع

( ضياء غنيم ) كتب:

مستنى ايه

كتبت هذه القصيدة يوم الاربعاء ( موقعة الجمل )

مستنى ايه علشان تحوش

محتاج نقول انك دكر ؟

منتاش دكر

مستنى ايه

مستنى كام عيل يموت

كام قلب ام بيتحرق

ارض الوطن بتصير تابوت

لما الحقايق تتسرق

مستنى ايه علشان تحوش

هو انتوا ايه ؟؟

حبة بقر مبترحموش

مبتفهموش مبتسمعوش

ملعون ابوكوا ف كل ملة وكل دين

تتبرأ منكوا السيدة وسيدنا الحسين

مش انتوا برده زيينا من اصل طين

ولا انتوا من اصل الدهب

ثورة غضب

ولكل ثورة اُضحية

بس الضحايا كتير قوي

علشان بهايم أغبيا

مستكبرين

شايفين بلادنا ف نهر دم

وشربوا صبحم سكرانين

الذمب مش ذمبي انا

الذمب مش ذمبك كمان

ف ياريت تقولى ده ذمب مين

ثورة غضب

يالا العجب

الابن يضرب أبوه

والاخ يقتل اخوه

والواحد يهتك عرضه

وبيزني بوطنه وارضه

مش فاهم مين مع مين

مش فاهم مين الباطل

مش فاهم مين عاقلين

شباب أحزاب اخوان

صهاينة وامريكان

مش فاهم مين مع مين

الخطة أكيد مش سهلة

الخطة جديدة علينا

الشعب خلاص بقي كورة

والكل بيلعب بينا

من فجره اللى ميرحمشي

خلانا نعض ف بعض

خلانا نموت بعض

وده كله لصالح مين

ده اكيد مش صالحى وصالحك

دى مصالح ناس تانيين

هو انا لو مصري بجد

مش بردة هكون مكسوف

هنزل بحصنة وجمال !!

وأضرب أخويا بميلوتوف !!

شرعا حتي ما يجوزشي

يمكن واحد حب يسبها ؟؟

قال يخربها

تقصد مين ؟؟

أقصد يعني

حبيب الشعب عدو العدل

قال بسلامته

انسحبوا انسحبوا

سيبوا النار

يمكن تيجى ف يوم تحرقهم

سيبهم يمكن نخلص منهم

عمرك شفت الشعب منظم

اول مرة ف شئ نتجمع

نفتح سجن ونحرق قسم

ف نفس الوقت

ف كل مكان

يااااااااااااااه

يمكن صدفة؟

ممكن بردة

يمكن خطة ؟

يمكن بردة

والله انا حاسس ان انا بحلم

عمري ما كنت اتصور انى

اعيش دى اللحظة واشوفها بعينى

مصري ومصري يعضوا ف بعض

كنت اتمنى الموت ارحملى

احسن انى اشوف ده بعيني

استاذ ضياء
دام قلمك ويسلم حماسك
مشكوووور اخى الغالى
خالص تحياتى

الاستاذ الشاعر ضياء غنيم
لقدانتهى عهدهم الغابر الى غير رجعه
والمهم اللى جاى وانشاء الله يكون
القادم أحمد
صلاح الكومى