عصفور

عصفور

كلمات ابراهيم عبد الفتاح



عصفور وطاير فى الهوا رفرف وهف

لما لمحته ع الطريق قلبي ارتجف

مديت إيديا وطرت فوق للشوق ولكن .. للأسف

كان نفسي أطير فوق فى الفضا

وأفرد جناحي ع المدا

لكن ضباب الخوف بدا

ورمش عيني في لحظة رف !

ياهل ترى .. بعد السفر هاتغني فوق سطح البيوت

تسكن عيون ليل القمر .. وألقاك على الشباك تفوت

ولا هاينده لك رحيل .. يفصل ما بينا ألف ميل

وأقضي عمري فى الندا .. كان نفسي أطير فوق في الفضا

وأفرد جناحي ع المدا

لكن ضباب الخوف بدا

ورمش عيني في لحظة رف !