أنا مش ندمان

إديتك كل اللى ف نفسك
علشان ترتاحي وتتهني

وماخدتش منك غير جرحك
وطلعتي معايه بتتسلي

كام واحد شاركوني ف حبك
كام راحِل هايكون من بعدي

وتبيعي لكام واحد قلبك
وتبكي عنيهم وتغني
...
على قد ما كنت بموت فيكي
واتحمل وياكي واعيش

دلوقتي كرهتك من قلبي
واتمنى الموت ولا اشوفكيش

دلوقتي اتأكدت وشوفتك
وعرفت طموحك وفهمتك

مش عايز حتى اسمع سيرتك
وياريت لما ابعد ماتجيش
...
مع إني وقعت وبتألم
أنا مش ندمان عاللى حصللي

مش هضعف ابدا واستسلم
لو حتى الصدمه بتوجعني

وهقف من تاني وهتعلم
وهخللي جروحي تفكرني

ولو انتي الذنب اللى ف قلبي
من بعدك هيتوب ويصلي
.

ربنا بيسلط ابدان على ابدان ..

بس يارب تتوب ..

هههههههههههههههههههههههههههههههه

الله عليك يارضا والله نص به الصراحه والعتاب رغم

والخاتمه الاروع والتى اضافت الكمال والروعه للنص .

مودتى وتحيتى ...