أوبريت ( 25 يناير )

[color=green][b]]b]
أوبريت
( يوم خمسة وعشرين يناير )
( المجموعة )
يوم خمسة وعشرين يناير
دا أجمل يوم بالنسبة لنا
يوم الشهيد يوم الثاير
يوم ماتولدت مصر بلدنا
يوم مابدرنا بذور حِلمنا
يوم ماعَهِدنا مصر أُمنا
يوم ماخرجنا عن صمتنا
يوم مانطقنا حروف كلامنا
يوم مواجِعنا طافت شوارعنا
نشرت ألامنا بصوت مرارنا
يوم خمسة وعشرين يناير
دا أجمل يوم بالنسبة لنا
****************
( مطربة )
يوم ماسمعنا ضرب النار
ودم الشهيد بقى أنهار
يوم ماشوفنا قنابل دمار
ونزلت دموعنا شايلة مرار
بَكت بحرقة بشهقة فُرقة
لشهيد فارق الأمل قدامنا
يوم خمسة وعشرين يناير
دا أجمل يوم بالنسبة لنا
****************
( مطرب )
يوم ماولادى قالولى يابا
فين حقنا دا أحنا غلابة
من اللصوص من العصابة
دولت خلوا بلادنا غابة
عايزين راتب وشقة تناسب
صبرنا كتير على أحوالنا
يوم خمسة وعشرين يناير
دا أجمل يوم بالنسبة لنا
****************
( مطربة )
يوم ماقولنا هواللى يمشى
أما إحنا مش راح نمشى
يوم مارصاصة صابت وشى
خرمت عينى وبًكِت رمشى
وكانت تناحة منة وبجاحة
خَطَب خِطاب غازِل وجدانا
يوم خمسة وعشرين يناير
دا أجمل يوم بالنسبة لنا
****************
( مطرب )
يوم ماتحدت قلوبنا ببعض
مُسلم مسيحى يد فى يد
يوم ماقرار التنحى إتولد
وشبح التوريث مات ف البلد
كل دا ماجاش كدة ببلاش
إلا بِربَك اللى نصرنا
يوم خمسة وعشرين يناير
دا أجمل يوم بالنسبة لنا
***************
( مطربة )
يوم ما العالم شاف حِلمنا
وهو بيتولد 00 من دَمنا
واحنا بنصرخ بنقول أمنا
مش ح نسيبها تضيع مِننا
عمل ميدان فى قلب مكان
سرق أفكارنا من ميدانا
يوم خمسة وعشرين يناير
دا أجمل يوم بالنسبة لنا
****************
يوسف أبو زينة
25/1/2012 م
[/b[/color[/b]]]

الله ينور يا ابو زينه

كلمات جميله فى مناسبة اجمل وهى العيد الاول للثوره .

واوبريت لاينقصه إلا الاهتمام القليل بالوزن .

مودتى وتحيتى ...

ههههههههههههههه ... اوبرا عايده دي ياشاعر ؟؟

ولا اقولك عشان فيردي مايزعلش حنسميها اوبرا فايزه هههههههههه

حمد الله علي السلامه

الله ينور يا ابو زينه

كلمات جميله فى مناسبة اجمل وهى العيد الاول للثوره .

واوبريت لاينقصه إلا الاهتمام القليل بالوزن .

مودتى وتحيتى ...

استاذى .. الشاعر عادل عوض
الجمال هو مرورك الجميل على قصيدتى
كل عام وانت بخير بمناسبة عيد الثورة
تحياتى

ههههههههههههههه ... اوبرا عايده دي ياشاعر ؟؟

ولا اقولك عشان فيردي مايزعلش حنسميها اوبرا فايزه هههههههههه

حمد الله علي السلامه

الشاعر الجميل ابو دم خفيف / عطية شواش
اوبرا عايدة .. اوبرا فايزة .. اوبراأبو زينة كلها اوبريات مسميات
سلملى على فيردى
كل سنة وانت طيب
تحياتى

ربنا يعدينا احنا والبلد لبر الامان

جميلة يا اخى الشاعر الجميل صاحب الروح الطيبة التى تظهر فيما تكتب

دمت بكل ود

ربنا يعدينا احنا والبلد لبر الامان

جميلة يا اخى الشاعر الجميل صاحب الروح الطيبة التى تظهر فيما تكتب

دمت بكل ود

أخى الحبيب / أحمد عبد لعزيز
إن شاء الله مصر ح تعدى من النفق المظلم
بإيدنا كلنا إلى بر الأمان ,
الجمال جمال روحك وحروفك المعطرة بالياسمين,
أسأل الله أن يديم محبتنا فى الله أخى الكريم
مع خالص ودى وتحياتى

الشاعر الأستاذ

يوسف ابو زينه

كلمات جسدت احساسك

بكل مجريات الثورة

أحيك على هذة الدفقة الشعرية الرائعة

كل مودتي

» أوبريت عطش السواقى
» أوبريت عطش السواقى
» أوبريت عطش السواقى
» أوبريت عطش السواقى
» أوبريت (( إنتفاضه ))