أوبريت (( إنتفاضه ))

بسم الله الرحمن الرحيم

أوبريت بعنوان / إنتفاضه تأليف الشاعر / رضا توفيق

المشهد الأول
تظهر أم الطفل محمد الدرة على المسرح ثم يأتي الابن
محمد الدرة ويقول :ــ

صباح الخير يا أمــــــى *** يا بحر وموجه عالي
الدنيا بحالهــــــــــا أنت *** ومقامك فى العلالــى

الأم :ـ

أهلاً يا أحلى كلمـــــــــة *** بسمعهــا من لسانك
يا شمعة في دنيا ضلمة *** يهون كــــله عشانك
مهموم ليـــــه يا ضنايا *** بسرعة قولـــى مالك
الابن :ـ

قلبي حزين يا أمــــــــــــى *** علشان وطني الكبير
أنا حر يا أمـــــــــــــى ولا *** ولا مجـــــــرد أسير
مأسور على أرض وطني *** ومكبل بالقيــــــــود
ومسلم ابن مسلــــــــــــم *** وبيحكمنى اليهـــود

الأم :ــ

الإيد عاجزة يا ولـــــــدى *** وإحنا راح نعمل أيه
غير ندخل فى المقاومــة *** دا إلى نقدر عليــــــه
وأنت صغير يا إبنـــــــــى *** وإذاى تحمل همـــــوم
ليه شلت الحمـــــل بدرى *** وسماك من غير نجوم
الإبن :ــ

أنا سنــــــى صحيح صغير *** لكن عقلــــــــى الكبير
بيقول مش ممكن أقعــــــد *** وأسيب وطنــــى أسير
أنا رايح لانتفاضــــــــــــه *** أنا رايح للكفـــــــــاح
قلبى مليان عزيمـــــــــــة *** والإيد فيهــــا السلاح
الأم :ـ

أنا خايفة يا أحلــــــى درة *** يا محمــــــد يا ضنايا
دا يهـــــــــــود ميفرقوش *** وكــــل يــــوم ضحايا
الإبن :ــ

الخوف أصبح يا أمــــــــــى *** توأم عايش معانــــــــا
لكن لازم نقاومـــــــــــــــــة *** علشان ترجـــــع قوانا
الأم :ـ
لكـــــــــن
الإبن :ـ
ما لكنش يا أمــــــــــــــــى *** أنا خدت خلاص قــــــرار
فكرت كتير بعقلــــــــــــــى *** حطيت نفســــــى فى خيار
يا أموت قربان لوطنــــــــى *** يا أحقق لنتصــــــــــــــــار
يا أحقق لنتصار

ثم يخرج محمد الدرة ويتم بعد ذلك تقديم هذه الأغنية

(( أغنية (( راح فين أمان أيام زمان ))

راح فين آمـــــان أيام زمان فيك يا زمن
والحق ضاع ويا الضياع بين المحــــــن
فين الآمان

محمد الدرة الغلام قلبـــــــــــــــه حزين
علشان بلاد مستعمــــــــرة قاست سنين
والحق ضاع والظلم شاع ونقول يا مين
فين الآمان

راح فين آمـــــان أيام زمان فيك يا زمن
والحق ضاع ويا الضياع بين المحــــــن
فين الآمان

يا اسرائيل جيل بعد جيل عاوزين دمــار
والظلم عدل فى شرعكم والرأفـــــة عار
لكن خلاص ذاد حملنا فـــــــى القلب نار
فين الآمان

راح فين آمـــــان أيام زمان فيك يا زمن
والحق ضاع ويا الضياع بين المحــــــن
فين الآمان

يا مسلمين يا موحــــــــــدين القدس قال
امتا يحررنــــــــــى العرب دا الصبر طال
فين إتحادكـــــــــــم يا عرب فين النضال
فين الآمان

راح فين آمـــــان أيام زمان فيك يا زمن
والحق ضاع ويا الضياع بين المحــــــن
فين الآمان


المشهد الثانى

تظهر على المسرح الإنتفاضة الفلسطينية وهم يقزفون اليهود بالحجارة ثم يجرى الجميع ويقف محمد الدرة محتمى بأبيه ثم يقول أبيه لليهود :ـ

الاب :ـ

اقتلونى وسيبوا إبنى *** ارحموا الطفل الصغير
لسه برعم نبته أخضر *** روحــــــه حولينا تطير

يرد جندى يهودى ويقول :ـ


إحنا مش ممكـــن نفرق *** بين طفولة وبين شباب
كله لازم لينا يخضــــــع *** والسؤال ملهوش جواب

يرد الأب :ـ

انتوا مش ممكن تكونوا *** غير يهود زى الذئاب
ملعونين دنيا وآخــــــرة *** يا صهاينـــه يا كلاب


ثم يقوم الجنود الإسرائليين بضرب محمد الدرة بين أحضان والدة


ثم تقدم هذه الأغنية

أغنية (( ليه تكسروا الحلم فينا ))
ليه يا صهاينه تكسروا الحلم فينا *** ومحمد الدرة يمــــــوت بين إدينا
تاه الطريق ولا إحنا إللى إرتضينا *** نضيع الأرض إللى كات بين إدينا
أنتوا السبب يا صهاينا
بعتوا أحلامنــــــــــا عنا
ولا السبب أصلـــــه منا
وإترد تانــــــــــــى إلينا
ليه يا صهاينه تكسروا الحلم فينا *** ومحمد الدرة يمــــــوت بين إدينا
تاه الطريق ولا إحنا إللى إرتضينا *** نضيع الأرض إللى كات بين إدينا
يا حجارة انتى سلاحنا
يمكن تداوى جراحنـــا
وفى مسانا وصبحنـــا
راح تفضلى بين إدينا
المشهد الثالث

يظهر التوأم الملتصق من الظهر وهو توأم مختلف تماما اولكن يعيش فى جسد واحد ويحدث بينهم حوار فى هذه الأغنية :ـ

أغنية (( رسونا على بر))

رسونا يالا ياناس علــى بر *** إزاى نخلص خير من شر
خير خير شر شر
عايزين نحرر أرضينــــــــا *** صهيونى متحكــــــم فينا
إدينا عاجزة ومش قادرين *** يا رب قادر قوينـــــــــــا
وفى عز طوبى نحس بحر *** وبالحجارة نرمــــى الشر
رسونا يالا يا ناس علــــــــــــــى بر
إزاى نخلص خير مـــــــــــــــن شر
يا اسرائيل نجمك عالـــــى *** والإحتلال هو منالـــــــــــى
نسلب أراضـــى من أوطان *** شعوبها يتمنوا زوالـــــــى
أحلى المبادىء عندى الغدر *** وعمرى يوم ما أوفى الندر
شر شر خير خير
رسونا يالا يا ناس علــــــــــــــى بر
إزاى نخلص خير مـــــــــــــــن شر
مديلى إيدك يا عروبـــــــــة *** داانا إيدى عاجزة ومعطوبة
وبين قنابل ومدافــــــــــــع *** راح تعمل أيه والله الطوبـه
شوفولى حل شوفولى مفر *** وخلصونــــــى من هذا الشر
خير خير شر شر
رسونا يالا يا ناس علــــــــــــــى بر
إزاى نخلص خير مـــــــــــــــن شر

(( تمت ))

والشاعر هنا يدعو الجميع كيف نستطيع أن نفصل هذا التوأم المتلاصق والمتناقض والذى يجمع بين الخير والشر

الشاعر / رضا توفيق[/b]

الشاعر الجميل / رضا توفيق
رائع ما خطه قلمك
دمت مناضلا

الأخ / عدنان
شكرا لمرورك دمت بكل حب

الأخ الشاعر الكبير/ طاهر الصوفاتى
شكرا لكلماتك والله يا أخى عندى اوبريتات كثيرة وأعمال كثيرة تستحق أن تخرج للنور ويكون لها وضع على الساحة ولكن هذا هو قدرنا نحمد المولى سبحانه وتعالى وما يقدره الله سيكون لك تحياتى وخالص حبى وتقديرى

الشاعر الكبير/ عادل سند
سعيد جدا بكلماتك وأتمنى أن يخرج هذا العمل للنور ويا ريت المنتدى يساهم معايا فى اخراج هذا العمل لك تقديرى وخالص حبى

الاخت الشاعرة / بسمة الورد
شكرا لكلماتك الرقيقة شكرا لمرورك الكريم وأتمنى أن أكون دائما عند حسن ظنكم لك تحياتى وخالص حبى ويقديرى

الأخ الشاعر الجميل / عماد عويس
شكرا لتعليقك الرائع ورقى كلماتك
سعيد جدا بتعليقك سعيد جدا بمرورك لك منى أجمل باقة ورد