نَزعي الأخير !!

انتي الي عاقله برغم ف جنونك هروب.. من ميت حقيقة لبعدنا
لسه ف جنونك مقنعه
متسحبه وفايته ف ضلوعي وخارجه داخله ف النفس
وعرفتي يا نوح البلابل واحتمالهم للبكا
تتحمليني وتجبريني إني بارادتي اعترف
إنتي الوحيده ف وسط تركيب التناقد والشجن والـ لا قبول...
جوايا ولفتي التضاد
فازاي اعاند نفسي من نفس العناد
واهرب الى ما لا رجوع..
إلا اني أرجعلك هنا
.
الله عليك يا احمد
نص جميل ورائع احييك عليه
وجميل انك تغير من نصوصك

تثبت بواسطتي ... عقابآ للشاعر

ياعينى على الكلام لا رومانسى رومانسى بس لازم برده بقوالتك تحط شويه كئابه فى النص يا حزاينى ماشى ياعم

على العموم النص عجبنى بس الوطنى هو الاساس ياكبير

تحياتى يا صديقى

أحمد عبد الرازق كتب:

فعرفت إني ظلمتنا
وان احنا لو كنا على حافة جبل
أرحم لنا من بعدنا

أحسن ما نقتل فينا حلم بنفسنا

يا ست حُسن الحُسن ف عنيا انطَبَع
عَجِّز جفوني والرموش لو غمضم ما يغطوكيش


فاكره اما كنتي تهزري زي العيال؟
يا أحلى أطفال الملايكه المرسومين
فاكر وانا ساكت ومش طايق هزار
كنت اترمي م الضحك فجأه بعد نوبة من الزعل

انتي الي عاقله برغم ف جنونك هروب.. من ميت حقيقة لبعدنا
لسه ف جنونك مقنعه
متسحبه وفايته ف ضلوعي وخارجه داخله ف النفس
وعرفتي يا نوح البلابل واحتمالهم للبكا
تتحمليني وتجبريني إني بارادتي اعترف
إنتي الوحيده ف وسط تركيب التناقد والشجن والـ لا قبول...
جوايا ولفتي التضاد
فازاي اعاند نفسي من نفس العناد
واهرب الى ما لا رجوع..
إلا اني أرجعلك هنا

خلينا قبل ما نفترق نبقى سوا
هيفيد بإيه جري الخطاوي ف سكتين
نفس المصير انتي وانا
واللي بيهرب م المصير هيلاقي ايه الا المصير

أحمد عبد الرازق
22/1/2012

حب + عند = أحمد عبد الرازق
معادله محزنه لأن بايدك الحب ممكن يكون أفضل من كدا

في كلمة التناقد تقصد بيها التناقض صح ؟ O_+

سعيد بقراءتي لنصك يا شاعر

وفي انتظار القادم

خالص التحيه

الشاعر/أحمد عبد الرازق
عنوانك في حد ذاته قصيده
ولكنها حزينه
يسلم قلمك وإبداعك

هو انا لسة ما رديتش!!!!!!!!

اعتذر اشد الاعتذار على تاخرى فى الرد على هذا النص الذى استمتعت به كثيرا كتبت باحتراف و صدق و رقة متناهية احسدك عليها .

اسال الله لك كل النهايات السعيدة

دمت بكل ود

أخويا أحمد عبد الرازق

قصيدة من القصايد الرائعه

التى تستحق الأشاده بها

فى مشوارك الأدبى المتفرد

أحيك بشده على تألقك