حكايات شتوية ..

موضوع: حكايات شتوية .. السبت يناير 07, 2012 9:11 am

مَرّة فـ عزّ الشتا ..

والناس متكلفتة ..

شباب نفضوا الغطا

وجابوا حلمها ..

****

ياما وفـ عزّ طوبة..

بندوخ ورا الأنبوبة !!

وغاز بلد منهوبة

بيروح لعدوها..!!

****

ساعات وسط المطر

أخرج ..أنا والقمر

شاكرين رب البشر

على لحظة نحبها ..

****

ساعات وسط الضباب

وظروف زى الهباب..

تلاقى الحق غـــاب

عن ناس..فى حكمها

****

ساعات لمّا نخاف..

ندخل تحت اللحاف

فـ تجيلنا سنين عِجاف

وبنشرب غُلبها

****

ساعات حبّة زكام

بيشقلبوا الكلام ..!!

و(كاب) يساوى( كام)

بيبهدل أهلها !!!

****

من غير أكل و دفا

ودوا ..لزوم الشفا

لو هاتقول فلسفة ..

....لامؤاخذة بِلـّها

****

بقلم وعدسة : علاء ع المنعم

حكايات جميلة شاعرنا الجميل
و ننتظر الأجمل طبعا
بارك الله فيك

ساعات حبّة زكام

بيشقلبوا الكلام ..!!

و(كاب) يساوى( كام)

بيبهدل أهلها !!!

الله عليك .... كفايه السطرين دول قوي

تثبت بواسطتي

نص
رائع

تقبلى
مروري

واعجابي

جميل ما كتبته من حكايات فى الشتاء اخي علاء
تحياتى لك

ساعات لمّا نخاف..

ندخل تحت اللحاف

فـ تجيلنا سنين عِجاف

وبنشرب غُلبها

****

لم تكن ساعات بل مرَّت سنين ونحن تحت لحاف الخوف

صدقت يا شاعر - وأبدعت

وداد الهـــــــــوارى

تسلم عدستك
وقلمك الرائع
ايها الشاعر الجميل
دمت مبدعا
تقبل مروري

من غير أكل و دفا

ودوا ..لزوم الشفا

لو هاتقول فلسفة ..

....لامؤاخذة بِلـّها

الله عليك يا علاء يا عبد المنعم ياشاعر يا جميل

هذا هو السهل الممتنع بعينه .. وهذة المقطوعة تنطبق تمام الانطباق

علي حالنا في مصر الان الناس مش عايزة فلسفة عايزة بيوت وأكل

وجواز وغاز ودفا ... اللي حيقعد يتفلسف يبل فلسفته ويشرب ميتها

أدخلوا في صميم حل مشاكل الناس وبطلوا كلام .. دمغنا وبطننا

وقلوبنا وجعتنا ..

أحييك يا شاعر تحية بجمال نصك المنساب كالماء العذب

الشاعر الجميل

علاء عبد المنعم

كلمات اصابت كبد الحقيقه واوضحت ما آل اليه الحال

فى الآونه الاخيره . احييك على جمال صورك الرائعه .

مودتى وتحيتى ..

نص جميل ولقطات معبره اخ علاء
كل التحايا لك

» شتوية
» غفوة عشق شتوية (اللقاء الأول)
» حكايات من بلادي
» من حكايات الميدان
» حكايات الغريب