البنت

انت اللى بتنحل ف وَبرها

والبنت ما مبتقولك لأه

اصلك عارف نفسيتها

فاهم ف عاداتها وتقاليدها



وحاططها ف جيبك وناسيها

هيا حويطه وعنديه

بس انت

عارف تراضيها كويس

وتمشّيها معاك على نفس الأرض

اصل انت اللى معلمها اصول اللعبه

وانت اللى معرفها الخطوه بتمشى ازاى

بس اوعاك من ثورتها

قرصتها



زى ما تحفر قبر بأيدك

بعدين تتغابى وتنزل فيه برضاك

وساعتها هقولك

جيت لقضاك

البنت يا صاحبى

زى البحر اللى مالوش اخر

والقمر المكسوف بيعوم على عومه

فيعكس نوره على خدودها

وتطفيه

بعد ما تسحب ضى عيونه

يدبل منها

زى الورده البارده الفارده رموشها ف عز ربيعك



لما تحاول تخطف لونها

تعمل زى الناس وتبيعك

البنت يا صاحبى

هيا اللى بنتحارب ليها وبيها وفيها

هيا اللى بتكتب صفحتها

هيا اللى بتختار معانيها

انا سايبك تتخيل نفسك

وانت بتمشى اللحبال ف خيالها

وانت بتعمل نفسك اراجوز

اتاريها بتستنى

لما تلاقى انك مش قادر ترجع

هيا تفاجأك

وتطلعلك ف لسانها لشبرين قدام

وتقص اللحبال بالراحه

وانت هتسقط

وبنظرية ما يقعش الا الشاطر

هتكمل

بس بجد

هتكون هيا ساعتها بتحكم احاسيسك



وانت يا ساذج

فاكر انك لسه بتنحل ف وبّرها

والبنت ما بتقوللك لأه

الشاعرة عزة الزرقانى كتب:

خاطرة جميله

تحيتى لروعتك

شكرا لحضرتك جدا وان كنت انا مبكتبش خواطر .. النص ده اجهدنى جدا فى كتابته

عادل عوض سند كتب:

الله ينور يا اسامه ..

الفكره جميله . والمتدارك اجمل وخدم النص .

الكامل والمجزوء .. بل واحيانا المنهوك ..

احييك وتقبل مودتى ..

أستاذ عادل : من المرات القليله اللى كتبت فيها على المتدارك وكنت اظن ان هيكون ليك نقد على كيفية استخدام البحر .. ارجو ان اكون وفقت والا فيمكن لحضرتك بالطبع ان تحلل الموسيقى بشكل مغاير وانا اتمنى .. شكرا جزيلا

طاهر الصوفاني كتب:

بالراحه علينا شويه ياعم اجامد انت

عشان قصايدك تاخد حقها من النشر

ياواش ياواش؟

ده علشانك انت ولمصلحتك صدقني

استاذ طاهر : بالطبع انا لا استطيع ان اقدم المتعه العقليه لأصحابها .. ههههههههههه وحاضر انا هقلل من النشر .. بس صدقنى انا غبت فتره وقلت اعوض غيابى عن المنتدى بس .. شكرا

محمود جمعة كتب:

أسامة سند الشاعر الرائع

كعادتي مع قصائدك تدفعني للتأمل فيها .. فليس كثيرون اللذين

يكتبون الشعر بهذا العمق ..

لفت نظري صورة جميلة جدا ومميزة أوي ولكنها أيضا لا تخلو

من أحساس يدفعك للابتسام .. بسمة الاحساس بصدق الصورة

وعمقها وتطابقها مع حالات كثيرة أما شخصية وأما بالخبرة

عن الاخرين :

انا سايبك تتخيل نفسك

وانت بتمشى اللحبال ف خيالها

وانت بتعمل نفسك اراجوز

اتاريها بتستنى

لما تلاقى انك مش قادر ترجع

هيا تفاجأك

وتطلعلك ف لسانها لشبرين قدام

وتقص اللحبال بالراحه

وانت هتسقط


جميل يا أسامة ورب الكعبة

خالص الأعجاب بعملك وطريقتك المميزة

وأنا مع أخي طاهر ان تتقل من النشر حتي تأخذ كل قصيدة حقها

كن بكل خير

استاذ محمود : ورب الكعبه انا ما قد الكلام الكبير ده هههههههههه .. شكرا لحضرتك

م/عطية شواش كتب:

تثبت بواسطتي .... تحياتي

تحياتى لحضرتك يا استاذ عطيه .. شكرا ع التثبيت

وداد الهوارى كتب:

الشاعرالمبدع/ أسامة سند

البنت يا صاحبى

هيا اللى بنتحارب ليها وبيها وفيها

هيا اللى بتكتب صفحتها

هيا اللى بتختار معانيها

انا سايبك تتخيل نفسك

وانت بتمشى اللحبال ف خيالها

وانت بتعمل نفسك اراجوز

اتاريها بتستنى

لما تلاقى انك مش قادر ترجع

هيا تفاجأك

وتطلعلك ف لسانها لشبرين قدام

وتقص اللحبال بالراحه

وانت هتسقط


تعمق شديد وتحليل هادىء وواعى وتقدير لذكاء الطرف الأنثوى

الذى لا يحسن تقديره الكثيرين ممن يتظاهرون بالذكاء والثقة

ولا أقول الغرور كما أشرت ( وحاططها ف جيبك وناسيها .. هيَّ حويطة وعندية)

. أعجبنى النص

موسيقاه - صوره - فكرته - رقيى مفرداته

دمت مبدعاً

وداد الهــــــــــــوارى

شكرا يا أستاذه وداد .. انا مع ذلك لا ادعى انى متعمق فى سيكولوجية المرأه .. لكنها محاوله بسيطه لتفسير بعض ما يدور فى ذهنها .. تقبلى احترامى ومحبتى

اميره بلا وطن كتب:

واقعيه أخرى
رائعه فى معانيها
قيمة فى فكرتها ومضمونها
دمت متألقا

شكرا يا اميره .. انتى الأروع بالطبع

خاطره جميله
وانا اقرأها لم اشعر بانى اقرأ شعر
ولكني عندما رايت استاذينا عادل عوض ومحمود جمعه أعجبتهم الى هذا الحد
تعجبت فالبكاد هما على حق
تحياتى لك وتمنياتى لك بالتقدم يا اسامه

رضا عثمان كتب:

خاطره جميله
وانا اقرأها لم اشعر بانى اقرأ شعر
ولكني عندما رايت استاذينا عادل عوض ومحمود جمعه أعجبتهم الى هذا الحد
تعجبت فالبكاد هما على حق
تحياتى لك وتمنياتى لك بالتقدم يا اسامه

أستاذ رضا : تحياتى ليك بالطبع .. اصعب الكلمات الكلمات البسيطه طبعا .. والفرق بين الشاعر والإنسان العادى ان الأنسان العادى حين يقرأ الشعر يظن انه قد يتمكن من التعبير بمثل ما يقول الشاعر .. وحين يمسك بالقلم يكتشف انه من الصعب جدا كتابة مثل ما كتب الشاعر .. انا بالطبع لم اصل لهذه المرحله من التمكن لكن يكفى ان تعرف ان كتابة هذه القصيده استغرقت 4 ساعات تقريبا فى الصياغه .. واكثر من 3 ايام لإكمال الفكره .. مع ان النص مش مميز ومش علامه او نقله بالنسبه لى الا انى مش هتخطى ما قاله الأستاذ عادل والأستاذ محمود وممكن اقول انه نص نسبيا جيد وده مش معناه انه نص يرضينى ان اقدمه فى ديوان شعر .. شكرا لحضرتك على اطراءك الرقيق

بص يا اسامه
انا فاهم كويس وعارف انت بتتكلم عن ايه وبتقول ايه ده اولا
وثانيا هرد عليك رد الشاعر وليس القارىء العادي
====
البنت اللى فضلت ايام
عمال بتجمع أفكارها

وقعدت ساعات ماسك قلمك
وبتهري ف نفسك علشانها

هاوصفهالك ف دقيقتين
من غير ما اتكعبل ف احبالها

وبأسلوب شاعر متمكن
وبخبره افتح لك أبوابها
....
أصل المفاتيح ليها إيدين
والفرسه بتعرف خيالها

والبت دي نوع م الاتنين
مش سهله ، تايهه ف عنوانها

لا بتعشق ولا ليها حبيب
غير بس بتشبع إحساسها

وتعيش .. وتعييش وتطير
أول ما تفكر تحبسها
....
واول نقطة ضعف تجيبها
تسرح بيها وتبعد عنها

.
تحياتي لك