البنت بتاعتي

(نظرة. فا ابتسامة, فا سلام.فا كلام )

(فا موعداَ فا لقاء)

فا قلت لي حبيبتي جاني عريس!!

البنت بتاعتي اللي جمالها يشبه ايزيس

بالكحل المحطوط ف عيونها

يهوس تهاويس

الدمع اتسرسب منيها والكحل طريح

وفضلت انا واقف قدامها بااصعد تباريح

بلا كلمة تبرد حًرقتها لو حتى بكدب

لكني مسحت دموع عينها وعملت حاسيس

حتماَ كان لازم تتجوز وأنا أروح الجيش

على ودني الرديو ف الخدمة لنجاة وحليم

(جئت لا أعلم من اين لكني اتيت)

وقعدت أفكروحديا وبجد بكيت

ع الحب الضايع من جيلي زي الحواديت

نسنني ظروفنا الموجوعه والجي بطيئ

كام سنة بتعدي على فراقنا والوقت يا دوب

شفتك ف الزحمة ف عربيتك ويا الاولاد

وبلدنا شوارع مقفولة ببشر وعتاد

وعناد دايربين السلطة وبين الطوبير

ياااااااااااه لساها عيونك دول واسعين

وعيالك دول.. الله سبحانه تجلى ..كنير حلوين

أنا مين معقول نسيتي.ابقى أنا مين أنا قيس

وأنا عنتروأنا شمشون

وانا كنت زمان بيكي المجنون

ولآن الشعرهجرني وراح

وبقيت سواح دايربجراح

الوقت ف وسط الناس مطحون

وبشيل النا س وتشلني كتييييييييييييير

ودي ثورة وقامت للتغيرعلشان الخير

و ولادنا بتكتبها بروحها وشيفها الكون

الجيش بيشاور ع السكة بالميكروفونات

ولقيتك ماشية وسيباني ومعاكي شباب

ومعايا شباب وقفة تغني بحماس وضمير

وأغاني قدبمة بتردد منها بالذات

(وقف الخلقً ينظرون جميعاَ)

(كيف أبني قواعد المجد وحدي)

والبنت بتاعتي اللي سابتني

ياجي من ساعتين

خلتني أعود تاني وأشعرزي الملايين

وأغني يا بلدنا تعيشي وأقول وأعييد

(تعيشي يابلدي يا بلدي تعيشي)

ومسحت دموعها المرة دي وعملت عريس

ما وقفتش ساكت ولا باكذب ولقيتني حاسيس

وباغني للبنت بتاعتي زي المهاويس

وبا اقول الشعر المش رمزي لجميع الخلق

والبنت اللي الكحلة ف عينها تشبه أيزيس

ياااااااااااااااااااااااااااه

نظرة فا ثورة فارحيل فا موعد فا انتماء
................................................