أول لقا بينا

أول لقا بينا
***********
أول لقا بينا

ماكنش بايدينا

دا كان قدر

وانكتب لينا

وقت أما روحنا

بِروحنا

نقول كلمة الحق

ونمحى سنين الظلم

بادينا

هنا وف قلب

الميدان

ومع صوت قنابل

الدخان

وريحته البارود

اللى بتملى المكان

انا وانتى يا حبيبتى

إتلاقينا

ساعتها حس قلبنا

بينا

وإتلاقينا روحنا

بتروح لبعضينا

ومن فرحنا بحبنا

اللى إتولد فينا

نسينا نسأل بعضنا

ونعرف كمان

اسامينا

وفجاءة

شوفنا الرصاص

بعنينا

زى المطر

من فوقنا ومن تحتينا

إتلاقيتك يا حبيتى

وقفتى

مرفوعة الراس

وبإيمانك

بتتحدى الرصاص

ورافعتى بإديكِ

العلم

وعيونك الحلوه

بيملاها الأمل

لبكرة أحسن

لينا

وصرختى بعلو الصوت

وقولتى

أنا مش بخاف

مل موت

ومن النهارده

يا بلد

هينكتب

من تانى

التاريخ

وفجاءة

لاقيتك يا حبيبتى

على الارض

مرميه

ولون شالك

الأبيض

بقا متحنى

بلون الدم

ودمك الطاهر

خلى الارض

مرويه

اتارى رُصاصة

غدر

كانت جوه

فى قلبك يا حبيبتى

معديه

ساعتها فضلت

أبكى

وكل مقف

أقع وأقوم

أجرى

وأقول يمكن

يكون لسه

فى عمرك

بقيه

وضميتك

على صدرى

وسمعتك بتهمسى

فى ودنى

وبتقوليلى

ياسمك ايه

إياك تنسى

القضية

ساعتها صرخت

بأعلى صوت فيا

وحلفت بأغلظ

الايمان

إن عمرى مهسيب

الميدان

غير لما

أخد بتارك

ملى سرقوا

وهدوا

دارك

واللى بينا وبينهم

ميت قضية

ودا كان أخر

كلامك ليا