[] ما تحس بينا يا ريس []

ما تحس بينا يا ريس
حقيقى مش قادرين
نتحمل جنون القوطة
ولا نعيش صايمين
الدمع غسل الفوطة
مناديلنا مش نافعين
بقالنا عشرين سنة
من كتر الغلا فايرين
براكينا شايلة الصبر
وبينا مش حاسين
ما تحس بينا يا ريس
والله آه جعانين
احنا تحت الفقر
وعددنا بالملايين
نسينا طعم اللحمة
وبنقول تمام حامدين
ممكن نجيب العضم
نغليه بميه وملح
ونقوم يا زعيم شاربين
وهناك على مد شوفنا
بهوات بشوك سكاكين
تاكل فى لحم ولحم
يا زعيمنا دا يرضى مين
ما تحس بينا يا ريس
ان كنا بنى آدمين
وان كنا جنس تانى
وفر لنا البرسيم
مش برضه كمان نعانى
واحنا اللى الحمول شايلين
واقعنا ده مالهوش معانى
وبجد مش عايشين
وان كنا عُمى يا ريس
خلينا بيك شايفين
اكشف لنا المستور
تلاقينا خير مُعين
نوصل سوا للنور
ونكون كمان راضيين
هاتحس بينا يا ريس
ولا هانموت صايمين

الموت وانت صايم يضمن لك الجنه

معلش افوق من الصدمه وراجعلك يا محمد ..

تثبت اولا

ثم اعود

اكلم الريس معك

يمكن يحس بينا

أنا جيت و سامعكو يا شعبي
و عارف بتجوعوا أزاي
***
موش لاقي يا ابنى القوطة
طيب مابتشرب شاى
***
و اللحمه إن غليت برضو
مابلاها أعمل نسَّاي
***
دى بتعمل أمراض ياما
و أخرتها راح تقول جَاي
***
العيش في طابور راح تاخده
أصبر دا الصبر جميل
***
دا الصبر يخلى النملة
فى الجرى بتسبق فيل
***
و يا شعبي زهقت انا منكم
و هاجيب لي شعب بديل
***
عمره ما هاينق علي َّ
و يأيد أبني جميل
***

عاطف الجندى كتب:

أنا جيت و سامعكو يا شعبي
و عارف بتجوعوا أزاي
***
موش لاقي يا ابنى القوطة
طيب مابتشرب شاى
***
و اللحمه إن غليت برضو
مابلاها أعمل نسَّاي
***

ههههههههههههههههههههههه

وحياة ربنا ياريس

حليت المشكله بكلمتين

يسلام

فعلا بنشرب شاى وممكن نعمل منه عصير طماطم بنى

ح ناكل وننكر كمان

أي خدمة يا عزة
شوفتي ازاي العملية سهلة
ههههههههههه

ميل حسك الوطنى أخى الحبيب المبدع
وقصيدة راقية
همسة:
يتميز الشعر بالمدلول الرمزى((ياباشا أو ياعمى زى جوز أمى)
الله يستر علينا ومانروحشى ف....وقائدنا عاطف بك الجندى
هههههههههههههههههههه
لكم محبتى فى الله
ولى عودة للتواصل

وبأي ودان حسمعكم

أنا أصلن ليا ودان ؟؟

وحشوفكوا إزاي ماتقولوا

هو انتم مش عميان ؟؟؟؟

إيه يعني الدنيا تولع

خلوا جهنم تدلع

إشمعني القوطه تزرع

إيه فاضل ف الدكان ؟؟؟

تلاتين سنه بعدل فيكم

وانتم معاويج .. على إيه ؟؟

وعملت اللالى عشانكم

ولاحد بيتمر فيه

ايه يعنى الحاجه بتغلى

دا نظام وبنعمل بيه

طب احنا منين راح ناكل

والوزرا حا تعمل إيه ؟؟

ماهو برضه لازمله الفيللا

وبيسين بيبلبط فيه

ويعيش مبسوط متسلطن

واهو يضمن ايه يغنيه

بتبصم ليه فى العالى ؟؟

لو واحد حا اعمى عنيه

دنا لولا الناس حا تلومنى

افتح للسجن إيديه

وتشوفوا الفرق ما بينى

ومابين قراقوش قدّيه

والله ما يطمر فيكم

يا شعوب عايشينها عوالة

انا والحزب اللى حميكم

ناس تعبانة وشغالة

تلاتين سنة نهبش فيكم

ونحمل في القيالة

طيارة رايحة على سويسرا

بأسم الراجل وعياله

وأراضي تعبنا ف بيعها

وتمنها هناك بحوالة

وضرايب نرفع فيها

ويحصلها الشيالة

وقطعنا النور على غزة

وقراراتنا بتتوالي

صدرنا لجارنا الغاز

من غير ما نرد سؤاله

وبنينا كل الساحل

شاليهات فيلات يا زبالة

ايه يعني بعد ده كله

سعر القوطة واحواله

اية يعني الفقر وأهله

ناس فقرية ومحتالة

اية يعني مفيش تعليم

ما تلموا يا شعب زبالة

لو شعبي حياته طين

يدفع للطين من ماله

ونحط ضريبة جديدة

على طين عوضين وعياله

كل ده شغل يا نكرين

فضل الريس وجماله

ما تفوقوا يا بني أدمين

واعرفوا عصري وأفضاله

الشاعر الجميل الاستاذ محمد على احمد ...والله انتو ناويين تودونا ف داهية ...مش عارف لية حاسس اني حشوفكم قريب كلكم ..في مكان ما .. منكو لله ههههههههه

الاستاذ الشاعر / محمد على أحمد
تفتكر لو كان بيحس كان قعد تلازفت قصدى تلاطين سنه ...
يا أستاذ يا شاعر دا احنا اتولدنا واتجوزنا وعيالنا دخلوا مدارس هو قاعد
انا خايفة أموت وما اشوف اليوم ده
عموما الاعمار بيد الله ربنا يديه طولت العمر مش عارفة أكتر من كده ايه ( بس جايز كده ربنا يستجيب ) ويحس بينا طبعا اوعوا تفتكروا حاجة تانيه
خير أن شاء الله حنطلع من الزجاجة ما حدش يقلق ، اصلا أحنا كنا فى عنق الزجاجة بس للأسف بدل ما نطلع منها وقعنا جوه
تقبل منى أخى كل تحيه وتقدير و احترام
و ربنا يستر وما تضطرش تقبل منى عيش وحلاوة بس اعتقد كده حندور على حد يجبها لنا صحبة

الله يخرب بيت الكفره

الله يخرب بين اهاليهم

الله يقطع يذرة نسله

يقطع ريحة كل زويهم

الله قادر يعصر روحهم

جوة الحلق اتوه اسماميهم

الله يخرب بيت الكفره

الله يخرب بين اهاليهم

الله قادر....... فضلة كبير

يسقط اكبر راس فى البير

تلقى السيستم كله تهاوى

اصله ياسيدى بيسوق فى حمير

كل فى التبن وأعلف ردة

بينفذ من غير تفكير

الله يخرب بيت الكفره

الله يخرب بين اهاليهم

الشاعر الرائع جدا الاستاذ محمد على

قصيده رائعه كتبت من ارض واقع

ونزفت حروفها الم على احوالنا

وكاتب هذه القصيده بمثابه قنبله

اثارت العديد من القصائد الجميله

مما يأكد روعتها وصدقها

مزيد من الابداع

واعتقد ان اى كلام عايزه اقوله

اتقال من قبل الاساتذه ومن خلال قصيدتك

اللى عبرت عن اللى ف قلوبنا

دمت بكل خير

احمدو ربنا علي جوعكم
يكفيكو انكو عايشين

هتطولوا بردو لسانكــم
عارفين بيودى لفيــــــن

حتى اسألوا عن آخرتكـم
"بسطاوى ابن أم حسين"

عن نفسي أنا شاكر جدا
وحامدهم دنيــا ..وديـن

عادل عوض سند كتب:: الموت وانت صايم يضمن لك الجنه

معلش افوق من الصدمه وراجعلك يا محمد ..

اكيد طبعا يا شاعرنا القدير

فى انتظارك طبعا وتشرفنا

جزيل لشكر لك

الشاعرة عزة الزرقانى كتب:: تثبت اولا

ثم اعود

اكلم الريس معك

يمكن يحس بينا

شكرا ليكى يا ست الكل

وفى انتظار العودة وكلامنا مع الريس

والله احساسه بينا يتوقف على فِعل الكلام

فى انتظارك يا أستاذة

عاطف الجندى كتب:: أنا جيت و سامعكو يا شعبي
و عارف بتجوعوا أزاي
***
موش لاقي يا ابنى القوطة
طيب مابتشرب شاى
***
و اللحمه إن غليت برضو
مابلاها أعمل نسَّاي
***
دى بتعمل أمراض ياما
و أخرتها راح تقول جَاي
***
العيش في طابور راح تاخده
أصبر دا الصبر جميل
***
دا الصبر يخلى النملة
فى الجرى بتسبق فيل
***
و يا شعبي زهقت انا منكم
و هاجيب لي شعب بديل
***
عمره ما هاينق علي َّ
و يأيد أبني جميل
***

الشاى بقى عالى يا ريس
مبقتش انا قادر اطوله
والسكر غالى يا زعيمنا
ومرارك زاد ف هطوله
واللحمة دى مشروع حلم
ادعيلنا ف حلم ننوله
وصابرين يا زعيم اطمن
والفرح احرق محصوله
بقالنا تلاتين عمنول
عايشين بالسوس ابو فوله

محمد على احمد كتب:

ما تحس بينا يا ريس
حقيقى مش قادرين
نتحمل جنون القوطة
ولا نعيش صايمين
الدمع غسل الفوطة
مناديلنا مش نافعين
بقالنا عشرين سنة
من كتر الغلا فايرين
براكينا شايلة الصبر
وبينا مش حاسين
ما تحس بينا يا ريس
والله آه جعانين
احنا تحت الفقر
وعددنا بالملايين
نسينا طعم اللحمة
وبنقول تمام حامدين
ممكن نجيب العضم
نغليه بميه وملح
ونقوم يا زعيم شاربين
وهناك على مد شوفنا
بهوات بشوك سكاكين
تاكل فى لحم ولحم
يا زعيمنا دا يرضى مين
ما تحس بينا يا ريس
ان كنا بنى آدمين
وان كنا جنس تانى
وفر لنا البرسيم
مش برضه كمان نعانى
واحنا اللى الحمول شايلين
واقعنا ده مالهوش معانى
وبجد مش عايشين
وان كنا عُمى يا ريس
خلينا بيك شايفين
اكشف لنا المستور
تلاقينا خير مُعين
نوصل سوا للنور
ونكون كمان راضيين
هاتحس بينا يا ريس
ولا هانموت صايمين

ياعم يحس ب مين

حبة شعب ومساكين

م الجوع مش قادرين يمشوا

لو شبعوا ينطوا ف كرشه

أحسن له كدا ح يسيبكو

يحلاله كمان تعذيبكوا

علشان لا تقولوا عايزين

وحده ولا زفت الطين

» أول لقا بينا
» اللى بينا
» بشر بينا الحبيب
» مصر دايما حاسه بينا
» فيه حاجة بينا اتغيرت