طائرة بدون طيار- طارق منيب

صدقت و الله شاعرنا الجميل

تثبت بواسطتي أعجابا بالشعر الجميل والفكرة الرائعة

فعلا أخى الشاعر طارق منيب
الحياة لا تتوقف عند احد
ومخطئ من يتخيل انه الفارس الوحيد فى الميدان
وان بنهايته ينتهى كل شئ

كما اننى ضد تلك البطولة المزعومة لهذا الرجل
فلم يكن سوى جزء من المعركة
ولم يكن سلاح الطيران هو السلاح الوحيد فى الحرب
فكيف يغفل التاريخ جميع البطولات بداية بأصغر مجند ووصولا لأعلى رتبة ويسلط الضوء على الفارس الأوحد مما أصابه بالغرور عندما صدق الكذبة

حقا أخى اننا من نصنع الفرعون ثم نشكو ظلمه
ان شاء الله ستطير الطيارة وتحلق
سواء بسونة او بغيره

احييك على رائعتك

طارق منيب كتب:

وكات بتطير بإيد طيار
معاه ملاح ومدفعجي وفني كمان
يطير بيها ماهوش محتار
ولا خايف ولا جبار
يوجه ضربة للأهداف
ومصر تشيله عـ الأكتاف
تذيع عنه تقول فى بيان
وطيارنا شجاعته تبان
لاهو خايف من الأمطار
وواهب عمره للأقدار
ماهو طيار
يشيل الهم بالقنطار
....................................
وخد رتبة ورا رتبة
نقيب رائد ورا مقدم عقيد فـ عميد
لقى نفسه فـ زي فريق
يقود فرقة من الغرقة
وقائد للسلاح كله
وحامل أوسمة وقلاليد
ولكن هوه نفسه غريق
وغرق نفسه بغباوته
صبح بحره من الأسرار
مالوش آخر مالهوش أرار
ولما شاءت الأقدار
يلاقي نفسه في الإعصار
.................................
فـ يوم كان فيه حاكم ظالم
وبيساعده ساسة ونواب من الأحباب
غدر بيهم وقال فيهم
مانيش عايز رؤى وأسباب
عايز دوبليريسقفلي
وينسى الغير ويخضعلي
ماأصله كان رافض للغير
وكان جبار مانع للخير
قالوله طب مافيش غيره
جابوا الدوبلير.. جابوا الطيار
ولما شاءت الأقدار
يلاقي نفسه في الإعصار
.....................................
بقى النايب .. صبح هايب
يقول لأ وكات الآه دي لازمة معاه
ومايملش في قولة آه
وكل الحاشية ماشية وراه
يسقف والأيدين تتعب
ونغرق والحلول تصعب
يثور الشعب للأوطان
يقول لأ ماهيش ثورة
دي حرامية وجالها جنان
يقول الشعب بكرة تبان
نقيد النار
ونلقى النصر بالأقدار
...........................
لقى نفسه صاحب نفسه
بيحكم مصر وبيأمر بصوت وصداه
وكل الحاشية ماشية وراه
ولا يملوش في قولة آه
وبرضه طنطنة وتسقيف
وبهدلنا فـ حي وريف
وخصخص مصر وخربها
وخلى الكل يشربها
وكات السرقة بالمليار
لكن شبابنا كان جبار
وقاد النار
وقادنا لنصر بالأقدار
........................................
كان الطيار في غيبوبة
ونام والدنيا مقلوبة وكله احتار
وكل الشعب فـ التحرير
بيهتف والهتاف بضمير
دول اخترعوا اختراع جبار
فـ طيارة بدون طيار
تطير في الدنيا وتحلق
وعمر بلدنا ماحتغرق
بدونك أو تعيش أخطار
ده أصل الناس بقت أحرار
بدون أشرار
بدونك أو بدون طيار
....................................

الله عليك يا عم طارق احسنت وامتعت تحياتى الخالصة

جميل أستاذ طارق
الله الله