مأساه كوميديّه شويه

عرفتك
من التنهيد
و م الخوف على معادك يفوتك

وكالعاده
كتبتى
حروف اسمى ورسمتى
عنيكى
ف ابتسامتى
كما مرايه
ف صمتى
وعجزى انى أرسم
بكا الشمس اللى شابت ف تنهيدك
عليّا
وحيرة نهد عاجز
يرّضع بنت تايهه ف محطة قطر
غبيّه
ومين قاللك
تجرّى الحروف ع السطر
غبيّه
لكنك يا نبيّه
وهبتى رسالتك الموتى
زى القبر
موحش

..
وبتنفس ترابك
برغم الكبر طبعى اللى عايش بيه
لكنّى
رضيت اسكن ف بيتك
وسايب نفسى يمّك
وقلبى
فى تابوتك
..
وبشتاقلك
واحس بفراقك لما اقابلك
وبخجل من عنيكى
وانا بوصف مفاتنك
يا دين امى
ودينى
بموت م الشوق
وتنّك
عليكى بتحسدينى
يا زنزانتى
ووقت العجَز بتكونى زانتى
اروحلك فين
اذا انتى
عقلتى واتزنتى
هزمتينى

تنقل لنثر العامية و تشترك بالمسابقة
مع خالص الود

كلمات رائعة شكراً تدل على وجود شاعر متميز

الله ينور يا اسامه

كلماتك جميله وانت شاعر جميل .

مودتى وتحيتى ...

دائما مبدع

الشاعر اسامة

دمت في هذا الرقي

ودام قلمك الرائع

الإدارة كتب:: تنقل لنثر العامية و تشترك بالمسابقة
مع خالص الود

بعد إذن الإداره .. يا ريت النص ينقل لقسم التفعيله لإن النص تفعيلى على بحر الطويل (فعولن مفاعيلن فعولن مفاعيلن) .. مع تدوير النص عروضياً يصبح أشبه بقصيدة النثر لكنه نص تفعيلى موزون .. وشكراً

» مأساه كوميديّه شويه
» شويه نكت روعة
» يا كدابه ..