الإسلام مش ليه الحل ؟ - طارق منيب

طارق منيب احسنت ولكن اري ان رايك تغير عقبال عمنا ؟؟؟؟ اللي فى بالي . مررت من هنا فتقبل مروري

تثبت بواسطتي

طارق منيب كتب:

الإسلام مش ليه الحل
ده في قرآنه ألف حلول
ترفع راسك ولا تنذل
لما بتتبع هدي رسول

الإسلام من عند الله
نرفع أيدنا نقول الله
نلقاه معانا واحنا معاه
هو الباقي وأحنا نزول

الإسلام ماهوش رجعية
قبل قدومه كات همجية
فالهمجية بقت مدنية
لما رسالته حملها رسول

الإسلام ماهوش كرباج
لأ ده بيفتح ميت شباك
ولانسألش يارب سواك
تبعد عنا أي فلول

الإسلام هو الإرهاب
بس بيرهب مين ياأحباب
اللي يحاربه بضرس وناب
ييجي يذله يصير مذلول

الإسلام مش ضد فنون
بس العري ده أسمه جنون
أيه الفن فـ أني أتعرى
وإن الجنس يبقى فنون

الإسلام ماظلمش مسيحي
عاش القبطي جنبي فـ ريحي
كنا أخوان وحنفضل برضه
بس نحارب أي ظنون

الإسلام مش مسلم بس
أسمع وأفهم وأسكت هس
ده الإسلام لهداية النفس
واللي يسيبه مايلقى حلول
................................

الأخ العزيز الشاعر القدير عمى طارق منيب

سلمت يداك

أنا بتعجب جداً ليه كثير من الناس يرفضون تحكيم شرع الله هو مش ربنا هو اللى خلق وهو أعلم بما يصلحنا
عمتن كلامك يستاهل وردة وحمرة كمان




وسلام جامد جداً للمهندس عطية شاوش اللي لازم يسيب مسمار فى الموضيع الجميلة دى

وبقلك يا هندسة والله العظيم بحبك لأن حضرتك فيك خير كبير جداً ويكفى أنك تستمع للتعليقتنا بصدر رحب

ووردة كمان ليك
وحمرة بردو

أخي طارق
لا فض فوك يا صديقي
كعادتك رائع
صباح مشرق بشعرك الجميل
دمت بخير

الأخ العزيز / طارق منيب
دي الوقت أقول إنك شاعر ... مخلص وأمين
ورفعت راية الله عاليــــــه ... مع إني حـزين
كان نفسي أشوفك في الرابطة...ولحـد الحين
مستني منك توعـــدني ... يا ابو فكر رزيـن
***
اللهم ما أعز الإسلام بأهل الإسلام

اخى العزيز
طبعا القصيدة جميلة واعجبتنى
و لكنى اختلف فى الرأى معكم
واعلم اننى مسلمة متدينة الى حد كبير
ملتزمة فى سلوكى ويسوءنى اى شئ غير أخلاقى
اى ان الاسلاميين لا يخيفوننى فى شئ بشكل شخصى
و يحزننى اننا دائما نحول القضايا العامة الى امور شخصية فيبدو كل من يتخوف من الاسلاميين انما هو فاسد وفاسق و يخشى العقاب

ولكن الحقيقة ان حدود الله لا تخيفنا و انما يخيفنا من يقوم على تطبيقها فليس بيننا رسول
وليس بيننا الفاروق عمر بن الخطاب
بل من يريدون تطبيق الشرع انما هم اناس يسعون للسلطة وكلهم ممولون من جهات معلومة وغير معلومةوتاريخهم لا يخفى على أحدولا يخلو من الأكاذيب واستخدام الدين وتغيير الفتاوى لتناسب مصالحهم

وحقيقة اخرى ان الليبراليين ليسوا ضد الدولة الاسلامية بل ضد الدولة الدينيةحتى ان كانت مسيحية او يهودية
والولة الدينية اثبتت فشلها عبر العصور والفجور فى اوروبا سببه الكبت والمغالاه فى الدين فى العصور المظلمة هناك فكانت الكنيسة تحرم على الناس كل الاشياء على الاطلاق
وها هى الثورة الايرانية التى قام بها الشباب فوثب عليها الخمينى واتباعه بحجة اقامة الدولة الدينيةومن وقتها لا يقوم الحكم هناك الا على كبت الحريات والتنكيل بكل من يخالف الحكومة الرأى
وهناك بلد لا اريد ذكر اسمه لان ما يفعله رجالها ونساؤها من فسق يخجل اى مسلم وخاصة خارج البلد رغم انهم داخل حدودهم يفرضون على المرأة النقاب ويحرمون عليها قيادة السيارة واستخدام النت وكان المرأة هى التى تستخدم النت فى المحرمات وكادوا ان يصدروا فتوى بتحريم المرأة نفسها

أى دين هذا ؟؟؟؟
ومن المخجل ايضا ان السلف يطعنون فى عقيدة الاخوان والاخوان يعيبون على السلف تشددهم ويعتبرونهم من الخوارج
وكل ذلك سيتضح عندما يبداعمل مجلس الشعب وتظهر الخلافات بينهم
وكل ما يحزننى ان يضحك العالم على المسلمين بسبب اولئك الاسلاميين بل المتمسلمين