الثورة بعين كرومبو والله مؤثرة شاهدوا وأحكموا

[color=red]

بسم الله الرحمن الرحيم
الثورة بعين كرومبو

**********************************************************يوم 24 يناير2011قبل الثورة بيوم**
**********
كرومبو لم هدومه وقال همشي من دي بلد
اللي معذبانا ومبهدلة البنت ومبهدلة الولد
**********
سحس وحمبوزو قالولوا لية يا خال
قلهم بس إنتا وهو بلا لعب عيال
أقعد مع ناس حرامة عاملين نفسهم أبطال
يسرقونا بإيد****يضربونا بإيد****كئننا عبيد****واقفين في يوم وعيد
بيقولوا إحنا بنحب البلد مش مجرد أقوال
**********
قالولوا طب إحكي لنا الحكاية****قال لهم عايزين الحكاية****
قالولوا بس قلها من البداية
**********
قول لنا لية همك مالوش حصر****ولية عايز تسيب مصر
**********قال لهم حاضر بس إنتوا قولولي لية****طيب لية****لية
**********
لية أقعد في بلد مش لاقي فيها حق الرغيف
يعني إية رئيس الوزراء وسخ وأسمه نظيف
يعني إية لما أشوف ظابط بيعذب حد
يقولي كرمبوهس*بس إنته أخرس&أطرش&كفيف
يعني إية إما يكون أمين الحزب حرامي وإسمه شريف
**********
وإية كمان ياخال****ما كفاية نقاش وجدال****قول لنا بس****حاضر
**********
يعني لية أتسجن بقانون طوارئ مالوش صدرو
يعني لية عذبوا الشباب قتلوا بدر البدور
يعني لية إحنا في غم ورئيس مجلس الشعب إسمه سرور
**********
إية كمان ياخال****أه إمتي يتعدل الحال
**********
ماعييش أدفع ضريبة والله شئ عجيب
أقول لهم معاييش يقولوامعاكش بس تجيب
مدفعتش أترمي في السجن وأتهري تعذيب
جسمي إتبهدل وميجيبوليش حتي طبيب
طب لية لما بنتوحد يفرقوا بين هلال وصليب
طب لية بنتعذب ويقولوا للعالم ده كله تكذيب
أنا إبن مصر إبن التاريخ
أتعذب من شوية همج ومن حقير إسمه حبيب
**********
وإة كمان يا خال ****كفاية الهم طال****كمل بس****أقول إية؟
**********
طب ما النهاردة زي بكرة ومفيش تجديد
يعني إية واحد إسمه عز إحتكر الحديد
30 سنة ومش مكفياهم
لا وكمان سي حسني مبارك عايز تمديد
**********
وإية كمان يا خال****هي ناقصة سي جمال
**********
و لما مبارك فكر يسيبها قال لسه فية جمال
يحكمكوا من بعدي يحكمكوا واحد كله نضال
طب وإحنا إية اللي يخلينا ننتخبه يا خال
هههههه يا ولاد مامبارك وعزواللي معاه
هيزوروا الإنتخابات وهينجح بكذب وضلال
**********
للدرجة دي يانهار**وأكتر أنا في مرار**كمل ياخال**حاضريا أبطال
**********
طب لية بقانون طوارئ الحر موتوه
ما هو كان موقوف لية بتفعلوه
اللي بسببه راح آلاف
و البطل خالد سعيد إتعذب وقتلوه
و كمان الغاز لية لإسرائيل تصدروه
طب و حق الفقير و الغلبان لية تسرقوه
طب و اللي يقول لا كفاية لية تعتقلوه
طب لية لما أنتخب صوتي يبوظ و تزوروه
طب المريض لو فقير لية سايبينوا مش بتعلجوه
طب ولية سايبين الأمي ومش راضيين بالعلم تنوروه
طب لية سوزان علشان ست حكمت بقانون إخلعوه
طب في القرآن فية طلاق طب الخلع ده منين جبتوه
طب فين فلوس المعونة حقنا فين و ددتوه
طب لية لما أربي دقني تقولوا ده إرهابي إحبسوه
و لما يموت حد من العذاب تقولوا بسيطة إدفنوه
ولية ولية ولية ولية ولية ولية
**********
إية ده إنتا بتعيط يا خال****أنا عارف إن صعب بكي الرجال
بس دول ناس مجرمين ****ورونا العذاب ألوان و أشكال
**********
إلحق يا خال****إية يا عيال
واحد بيوزع أوراق****يعني هيكون فيها أشواق
إقرأ ياواد ياسحس****نفسي في خبرحلو مش نحس
**********
خالوا بيقولوا نازلين يوم 25 يناير
نازلين لية دا بكرة
دول بيقولوا كفاية للظلم أنا قرفان و ثاير
والله يا بلد إتحركتي
عارفين أنا من كتر الفرحة مذهول وحاير
نازلين فين؟
دول بيقولوا في كل مصر****مش راجعين من غير النصر
مش بكرة عيد الشرطة****هنحتفل و نجب تورتة
بيقولوا ممكن يعتصموا في التحرير**هعتصم بس يارب يجيي ناس كتير
********************************************************
يوم 25 يناير2011 (ميدان التحرير)
**********
(الشعب يريد إسقاط النظام)
قول يا سحس قول ياحمبوزو(الشعب يريد إسقط النظام)
قولوا رددوا كفاية عطش و كفاية جوع
بس أنا دوخت من القنابل المسيلة للدموع
إجمد يا سحس
معلش بس برضة إحنا صوتنا بقي مسموع
********************************************************28 يناير2011(جمعة الغضب)
**********
فات ثلاثة أيام والنهاردة الرابع النهاردة الجمعة
إصبروا علشان يبقي لمصر حبيبتنا سمعة
**********
إية ده إية الضرب ده
إصبروا ياولاد النصر جي****إلحق دول بيضربوا نار حي
أصمد يا بطل **** إنتا مصري ما لكش زي
اللهم فرج الكرب****خلاص بطلوا الضرب
***********
صحيح ياخال الشعب شايل المسؤلية
بيحمي بيوتنا و عامل لجان شعبية
علشان دول ولاد مصر
هيحمونا و هيقفوا قدام البلطجية
**********
شوفت مبارك قال إية****شال الحكومة ساعت البية
غيرخلعك مش هيكفينا****و لو إديتنا مليار جنية
********************************************************
2 فبراير2011(موقعة الجمل)
**********
أهو فات يوم ورا يوم****و مبارك برضة مش هيدوم
دا قاعد ومش راضي يقوم
متقولش كدة طول ماإحنا هنا****مش هيشوف طعم النوم
**********
إية ده فية ناس بيأيدوا مبارك****سيبهم دول بلطجية عايزين معارك
ما لكش دعوة بيهم ****خليك مع الأبطال إهتف وشارك
رد علينا هما لية بيأيدوه ياخال****خطاب العاطفة هو ده سؤال
إستغل طيبة الشعب****وكمان ضحك عليهم وشقلب الحال
دول بيدوسوا الناس بالجمال****إجمدوا إصمدوا خليكوا أبطال
إما النصر إما نموت رجال
ياخال ياخال سحس مات****داسوه بالجمل شوية آفات
عاش بطل ومات شهيد****إدخله الجنة يارب السموات
********************************************************
11فبراير2011(جمعة النصر)
**********
فات 18 يوم و إية العمل****حمبوزو لا تيأس لسة فية أمل
أوعي تمشي من غيرالنصر****نسيت أخوك اللي داسوه بالجمل
منسيتش والله مانا ماشي من التحرير
غير لما مبارك يمشي وأحس بالتغيرير
(الشعب يريد إسقاط النظام)
المجلس العسكري إمبارح إتكلم**أه ياريت مبارك بقي يتعلم
يمشي و يسيبها**بدل مانورمصريطفي ويضلم
إية ده دا عمر سليمان هيقول خطاب
طب ياريت يقول اللي يفرح الأحباب
اللي يسد باب الظلم وللخيريفتح الأبواب
**********إلحق إلحق سمعت سمعت
مبارك إتنحي** مش سامعها**مبارك إتنحي
بيقولوا سلمها للجيش****وماله أحسن من الخسيس
أه إفرح ياسحس أخيراً النصر**أخيراً شوفنا الفرح فيكي يامصر
الشكر لرب الأكوان****يالله ننظف الميدان
الله يرحمك ياسحس ياشهيد**يا بطل ياأبو عزم حديد
الحرية بقت موجودة**و بتتولد فينا من جديد
********************************************************(بعد الثورة)
**********
هتسيب مصر يا خال****أنا عشت محنات طوال
بس الفرح طعمه حلو****ويتعمل علشانوألف موال
عمري ماسيبك يامصر**** يا حلوة و كلك جمال
إحنا دلوقتي في حرية****إحنا في فرح و دلال
أدي الجيش حما الثورة****دي ثورة عال العال
و سحس رحمه الله****كان واحد من الأبطال
و مبارك أهو بيتحاكم****هو والشلة الفاسدة الأندال
مسلم و مسيحي إخوات****مهما الخسيس علينا قال
و الحكم بقي عدل****ومعدش فية معانا دجال
مصر مش عايزة كلام****مصر عايزة تعب ونضال
إتحل الحزب الوطني****وغارالظالم الخاين البطال
و إتحل أمن الدولة****ما تقول يا عم يا قوال
وقانون الطوارئ بيموت****فلتحيا الحرية والإستقلال
إنتخابات بدون تزوير****أهو كدة يروق البال
خلاص مفيش توريث****ما تسمعوني بقي الأطلال
ثورة العالم قدرها****إحترمها الكبار قبل الأطفال
ثورة ملهاش حل****ثورة يتعلم منها الأجيال
********************************************************
توتة توتة فرغت الحدوتة حلوة ولا منتوتة
الحمدلله والشكرلله والفضل لله الذي قدرني ووفقي
سلامه رجب سلامه يرجو من الله أن تنال إعجابكم ومنتظرالردود إنشاء الله.
write by salama for egypt

أخي سلامة
فكرة جيدة و استلهام من مسلسلات الكارتون
و تفاعل جيد جدا
أحسنت أيها الراقي
أخوك

الاخ سلامه رجب

مررت واسجل اعجابى .

مودتى وتحيتى ..

الحمدلله والشكر لله والفضل لله أنها نالت إعجابكم

» شاهدوا النائب البريطانى يتحدث عن الثورة رائع
» الثورة دى جـِدّتى..!!.،تواصل مع الثورة دى بنتنا لمحمود جمعه
» قصة مؤثرة
» بعد الثورة ( صباح الثورة )
» الصائم والحاكم (رؤيا بعين الحاضر )