ضمير تانت ألفت

تانت ألفت

زينة الحاره القبيحه

اللى لما الثوره قامت

قالت الكلمه الصريحه

انها ناويه الترشح للرئاسه

خلت الستات عموما

يقرفونا بالسياسه

يعنى كانت تانت ألفت

مخها مليان حماسه

وف شارعنا و م النهارده



لو تعوز ايتها خدمه

خد معاد من تانت ألفت

أصلها مشغوله تعمل برنامجها

الأنتخابى

لمت الستات وقعدت

عامله تشكيلها العصابى

أبصر ايه حط الموازنه

ما ادرك ايه تقسيم ادارى

كل شارع ف البلد دى

بكره هيخشه المجارى

لا وايه جابت موبايل

تتصل تلاقيها ويتنج

تانت ألفت رايحه ندوه

تانت ألفت رايحه ميتنج

كل يوم تفتح مجله

تلقى صوره لتانت ألفت

ف السويس أو ف المحله

يسألوك عن تانت ألفت

تانت ألفت

كونت حزب العواله

اللى هيحطلنا صوتنا

جوا صناديق الزباله

والزماله ف البطاله

تانت ألفت

علقت صورة جيفارا

ع المحاره

أصله راجل قدوه لينا

ملتحى ومربى دقنه

ف وقت واحد

والنقاب هيكون فريضه

كل بيت هيكون فيه اوضه

للحرملك و السلاملك

والسلام لك ياللى فاهم

ليه رضينا أن البهايم يحكمونا ؟

أصلنا شوية

بهااااااااااااااااااااااااااااااااااااااااااايم

الأستاذ أسامه سند
أولا شعرك جميل
لكن أسمع نصيحتي بلاش تدخل نفسك في هجوم علي حد حتي لو كان يستحق الهجوم لأن في الاول والأخر ربك يعلم بالنوايا والجميع سيحاسب
فرجاء علي الكلام حاسب

[center][color=red][b]

أعلنت عن رأيك بصراحه احييك عليها ...

قل ماتشاء ..لأي ماتشاء ... وكيف ماتشاء..في وقت ما تشاء تلك هي الحريه

و بهذا تنجز الاشياء .... تحياتي...

[لاتدع احد يمارس عليك الارهاب الفكري[/b][/color][/center][/quote]


هههههههههههههههههههه

ماشي يا باش مهندس عطية ما دام الموضوع بقه في أرهاب فكري
فنا بنصحك متطلعشي بره المنتدا علشان الرشاشات كتير برة

عفواً يا أستاذ أسامة رديت بدون أذن سامحني

شعرك جميل لا غبار عليه ولكن هجومك واضح على الاسلام السياسي وخصوصا الاخوان وغير مبرر رايك قوله بصراحة ولكن فيه فرق كبير بين الصراحة والوقاحة اخي اسامة سند البداية جميلة ولكن النهاية بهيمية شوية . تقبل مروري

هههههههههههههههههههه

ماشي يا باش مهندس عطية ما دام الموضوع بقه في أرهاب فكري
فنا بنصحك متطلعشي بره المنتدا علشان الرشاشات كتير برة

عفواً يا أستاذ أسامة رديت بدون أذن سامحني [/quote]

ههههههههههههههههههههه

ماشي يامحمود يابسيوني بتهددني ؟؟؟

مانا عارف بتحلوا مشاكلكم بالرشا شات خو انتوا حيلتكوا غيرها ؟؟؟

بس انت عارف ان القلم لما بيكتب بيوجع اكتر أي أي أي أي هههههههههههه

وبعدين انا بتكلم عن مبدأ الحريه في التعبير انا جبت سيرتكم ؟ هوا انت حتلف ورايا بالشومه في المنتدي ؟ ولا البطحه اياها ؟ مش جايز انا بحذره من الارهاب الفكري بتاعي ههههههههههه

عذرآ ياسامه احنا متعودين علي المناغشه متخافش[/b][/center][/color] وبعدين مسحت الجمله حفاظآ علي الموده

دي كانت وجهة نظري ولم اكن اقصد ابدا اى تجريح وعلى العموم . انا اسف جدا

الهجوم بقي من غير هدوم
اصل العري فن دين النجوم
والحرية ليك مالهيش حدود
اما حريتي بيتقال عنها هجوم
**********************ملحوظة : الى كل اعداء طنط الفت

شكرا لكل اللى اهتم بالتعليق , حتى الأستاذ اللى وصفنى انى بهيم لمجرد انى هاجمت الجماعات الإسلاميه بشكل عام وانا بقول انى اقصد الأخوان وغيرهم , اعتقد ان من حقى يا جماعه اعبر عن رأيى , ومش فاهم ايه الشيزوفرينيا اللى بنتعامل بيها مع بعض دى , يعنى هوا الأخوانجى من حقه انه يقول رأيه ف أى حد لمجرد ادعاءه انه متدين وبيطبق شرع ربنا ف كل حاجه ؟ , اعتقد انى مدين بالإعتذار للأساتذه اللى زعلانين , انا اسف يا جماعه انى قلت رأيى بصراحه , وحاضر , النص الجاى هيبقى مديح ف الأخوان والسلفيين ........ الخ

استاذ عادل سند .. شرف ليا ان لقبنا يكون متشابه . وشرف ليا انى اكون زى ابنك .. لكن حضرتك مترضاش على ابنك انه يروح يتبهدل ف التحرير يوميا , عشان يرجع يلاقى الناس بتحجر على رأيه .. هوا احنا عملنا صنم جديد بعد مبارك والا ايه؟ .. المشكله ان بعض الناس شتمتنى .. يا استاذ عادل .. بعض الناس عندها مفاهيم خاطئه عن آداب الحوار .. وانا لولا حرصى على الأسلوب الراقى اللى بيدار بيه المنتدى واحتراما لأنك ضمن المعلقين .. كان ردى هيبقى قاسى

أحمد رجب معيط كتب:

الهجوم بقي من غير هدوم
اصل العري فن دين النجوم
والحرية ليك مالهيش حدود
اما حريتي بيتقال عنها هجوم
**********************ملحوظة : الى كل اعداء طنط الفت

.........................................................

سؤال من مبتدئ : هوا المربع الأسطورى ده على بحر ايه ؟

محمود بسيوني كتب:

يا ابن ألفت
عم عفت
موش ظلوم
ولا كان صايع في حارة
أو بينتابه الجنون
عم عفت
دكتراه بنص القانون
مرجعية في الدعاة
منهجية في العلوم
من زمان بالحق قام
لما كان الظلم دون
وأسأل السلطان كمان
والغليظ قبل الحنون
عم عفت مش كتوم
ليه تقول عنه غشوم
عم عفت أصلة راجل
ياللي برجولتك تدوم
عم عفت للرئاسة
راية للأخلاص تقوم
يعني يحكمنا الطهارة
الأمانة والعدالة والحضارة
بالديانة تنكشف كل الغيوم
عم عفت موش جيفارا
كل أقوالك ظنون
الشيوعي قدوته
أهل المجون
اللي رافضين الطهارة
اللي عيزنا نهون
عم عفت يا ابن ألفت
ليك يصون


مع خالص المودة والاحترام للأخ الشاعر الموهوب

الأستاذ أسامه سند
نص رائع

..................

أستاذ محمود بسيونى : شكرا لحضرتك , واحترم رأيك وان كنت اختلف معاه .. مع حبى

أستاذ عطيه .. انا محرج منك فى الحقيقه لأنك أعرت نصى من وقتك .. ونصيحتك اقسم برب الكعبه ما هفرط فيها طول ما انا عايش .. مع خالص تحياتى

فارس القرشي كتب:

الأستاذ أسامه سند
أولا شعرك جميل
لكن أسمع نصيحتي بلاش تدخل نفسك في هجوم علي حد حتي لو كان يستحق الهجوم لأن في الاول والأخر ربك يعلم بالنوايا والجميع سيحاسب
فرجاء علي الكلام حاسب

.......................................
شكرا يا استاذ فارس على اهتمامك , الله يحفظك .. لكن للأسف .. انا طالب ف كلية الإعلام .. ومن واجبى مهنيا ان اهاجم فى بعض الأحيان وأدافع فى بعض اخر .. وأرى ان الشعر فن قائم على تقديم وجهة النظر .. أما اللى شايف ان الإبداع يجب الإلتزام بتابوهات داخله فأنا من رأيي ان احسن له يبطل شعر .. خالص محبتى وتقديرى .. تشرفت بحضرتك وانت اول مره تعلق على نص ليا

طارق منيب كتب:

طنط ألفت عمرها دخل في قرن
قتل .. سحل.. واعتقال أو موت فـ سجن
عمر يوم ماقالت إن فـ العري فن
ولا فاسد كان حكمنا غصب عن
طنط ألفت كات جميلة فـ العطاء
حتى مع أعداء لدينا في الخفاء
عمرها ماكات غبية مع الغباء
رافعة أيدها تمللي لينا بالدعاء
بادعي ليها يدوم عليها النقاء
أصل دايماً كات غايتها السماء
تنحني وتركع وتسجد بالدعاء
حتى للشيوعي تدعي بالضياء
عمر يوم ماكان حليفها البغاء

............................

أستاذ طارق .. اهلا بحضرتك .. وحضرتك برضه اول مره تشرفنى بالتعليق على أحد نصوصى .

لكن انا مش ضد الحريه والعداله بس .. انا ضد اى حد بيحاول فرض رأيه عنوة على الناس .. مع نوع من فرض الوصايه ايضا .. لكن انا الحقيقه مش فاهم .. ليه انا اتصنفت عند حضراتكم على انى شيوعى .. طبعا الشيوعيه مذهب سياسى واقتصادى محترم لولا انى مختلف معاه فى بعض النقاط لأصبحت شيوعيا ولكنى مش شيوعى .. أصل ده تانى تعليق اعتقد فيه تلميح لأنى ممكن اكون شيوعى .. عموما أنا تشرفت بكلماتك العذبه والرقيقه .. شكرا .

osama sanad كتب:

استاذ عادل سند .. شرف ليا ان لقبنا يكون متشابه . وشرف ليا انى اكون زى ابنك .. لكن حضرتك مترضاش على ابنك انه يروح يتبهدل ف التحرير يوميا , عشان يرجع يلاقى الناس بتحجر على رأيه .. هوا احنا عملنا صنم جديد بعد مبارك والا ايه؟ .. المشكله ان بعض الناس شتمتنى .. يا استاذ عادل .. بعض الناس عندها مفاهيم خاطئه عن آداب الحوار .. وانا لولا حرصى على الأسلوب الراقى اللى بيدار بيه المنتدى واحتراما لأنك ضمن المعلقين .. كان ردى هيبقى قاسى

محمود بسيوني كتب:

الأخ الكريم الشاعر / أسامة سند

طبعاً أن سعيد إنك سمحت لينا بالتعليق والرد , وده لأنك طبعاً ضد تقييد الرأي , إذاً فسمحلي أيضاً بالتعليق على ما كتبت
أخي العزيز في أول ردودك قلت
(حتى الأستاذ اللى وصفنى انى بهيم لمجرد انى هاجمت الجماعات الإسلاميه بشكل عام )
أخي الحبيب هل كلامك الذي كتبته هو بعيد عن أعيننا الآن ؟)


..................................

لماذا أنكرت علي أخوك أن رد عليك بأسلوب غير مباشر, أدباً منه ( السب المباشر لك للجماعات الاسلامية ) ألم تقل يا أستاذ أسامة (ليه رضينا أن البهايم يحكمونا ؟)
وأنت بنفسك قلت أنك تعنى الأخوان والجماعات الأسلامية \

يا أخي الكريم الأخوان والجماعات الأسلامية منهم دكاتره وأساتذة يدرسون لك في الجامعة
ومنهم كثير من الاطباء والمهندسون وفيهم درجات علمية كبيرة في مجتمعنا المصري ومنهم عمال مخلصون
لماذا تصفهم بالبهايم ؟

أخي العزيز أنت قلت .
(أعتقد ان من حقى يا جماعه اعبر عن رأيى ,)

نعم من حقك أن تعبر عن رأيك ,. ولكن هل من حقك أن تفتري وتظلم وتتهكم في رأيك علي من خالفت ؟
هذا ما فعلته يا أسامة

الجملة دي بقا بصراحة تعجبت منها كثيراً
أنت قلت يا أسامة
( ومش فاهم ايه الشيزوفرينيا اللى بنتعامل بيها مع بعض دى , يعنى هوا الأخوانجى من حقه انه يقول رأيه ف أى حد لمجرد ادعاءه انه متدين وبيطبق شرع ربنا ف كل حاجه ؟ )

يا أخي أنت تتحدث على نفسك فى هذه العبارة وليس من كنت تعني والدليل أنك قلت ما قلت ووصفت من هاجمت بالبهايم , وعندما قام الأخ أحمد رجب بالرد عليك قلت عبارتك هذه ؟ أحكم أنت بقا مين اللي عايز يقول رأيه كما يشاء ومش عايز حد يرد عليه يبقه مين اللي عنده عنصرية يا أخ أسامة

قلت يا أسامة .
(اعتقد انى مدين بالإعتذار للأساتذه اللى زعلانين , انا اسف يا جماعه انى قلت رأيى بصراحه , وحاضر , النص الجاى هيبقى مديح ف الأخوان والسلفيين ........ الخ)


إعتزارك يا أستاذ أسامة أظنه موش خالص فلا داعي له , وصدقني أنت لست الوحيد من يهاجم الجماعات الأسلامية , والجماعات الأسلامية لم تزل باقية بفضل الله رغم كل من كاد لها لأن وجودهم مربوط بوجود الأسلام حتي لو فنىّ الاخوان المسلمون والسلفيون وكل من دعا إلي شرع الله , فستجد يا أسامة من يقوم من جديد ويدعو إلى الله وإلى تحكيم شرعة وستجد له أتباع وإن قلو( فهي دعوة الحق الباقية ) وشرع الله الذي قال الله عنه ( يُرِيدُونَ أَن يُطْفِؤُواْ نُورَ اللّهِ بِأَفْوَاهِهِمْ وَيَأْبَى اللّهُ إِلاَّ أَن يُتِمَّ نُورَهُ وَلَوْ كَرِهَ الْكَافِرُونَ )

قلت يا أخ أسامة .
(لكن حضرتك مترضاش على ابنك انه يروح يتبهدل ف التحرير يوميا , عشان يرجع يلاقى الناس بتحجر على رأيه .. هوا احنا عملنا صنم جديد بعد مبارك والا ايه؟ )


لا لا لا مفيش صنم جديد ولا حاجه
وبعدين رأي مين يا أسامة اللى بيتحجر عليه , دنتا قلت كلامك وشتمت وموش عايز حد يرد عليك كمان وبتتهم اللى رد إنه بيحجر علي كلامك , بالله عليك خليك منصف
وأوعي تفتكر إن إنت لوحدك كنت في ميدان التحرير
مع العلم إن وقفات ميدان التحرير في هذه الفترة ليس في مصلحت مصر في كل أوقاتها
ربما يكون نزولك في وقت له فائدة ويحقق مطالب ومساندة لباقي الثوار الحق
وربما كان نزولك في وقت يحقق مفسدة نحن في غنا عنها ,
بالله عليك لا تمن علي مصر بوقفاتك .

قلت يا أسامة .
(وانا لولا حرصى على الأسلوب الراقى اللى بيدار بيه المنتدى واحتراما لأنك ضمن المعلقين .. كان ردى هيبقى قاسى )

أما نحن يا أسامة فلأن الأسلام يأمرنا بحسن الخلق تحرينا عدم جرحك بشىء.ولو تركنا العنان لأقلامنا لشتفت منك .

ثم قلت يا أسامة .
( أما اللى شايف ان الإبداع يجب الإلتزام بتابوهات داخله فأنا من رأيي ان احسن له يبطل شعر .. خالص محبتى وتقديرى ..)


صدقني يا أسامة انت تريد أن تكتب وتقول ما تشاء دون أن يرد عليك أحد , ليس هناك تابوهات نلزم بها أحد
ولكن من حقنا أن نغار علي ديننا , ووالله أنا سأتكلم عن نفسي ربما سامحتك في سبي وسب عرضي
ولكن دفاعي عن عقيدتي شىء أتعبد به
أبدع كما تشاء يا أسامة ولكن كن حريص أن يكون أبداعك في صحائف حسناتك يوم القايمة , هذه نصيحة وليس أمر يا أسامة حتى لا تفهمني خطأ

في حاجه يا أسامة .
محدش قال إنك شيوعي ولا حاجه ولا حد يقدر يقول إنت من أهل الجنة ولا النار هذا شىء أمره إلي الله تعالي
أنت في الأول والأخر أخ مسلم له حق الأخوة في كل شىء

يا أسامة لو سألتك سؤال وقلت لك هل تحب الله ورسوله ودينه ؟
أنا على يقين تام من أن جوابك سيكون نعم .
وهذا شأن كل المسلمين , ولكن هذا الحب له علامات وأدلة يا أسامة الأمر عنها يطول .

أخيراً يا أسامة سامحني إن كنت أثقلت عليك في الحديث
ولكن ليس عندي شىء أفتخر بوقفتي من أجله مثل ديني

هدانا الله وإياك إلي ما فيه خيراً لدنيانا وآخرتنا

أخوك محمود

....................................
الأستاذ محمود بسيونى : اهلا وسهلا بيك فى اى وقت .. اعتقد انه من قلة الذوق انى ما اسمحش للآخرين بالتعليق على نص ليا .. وده لو حصل يبقى تصرف احمق .. اصلى لو مش هسمح ليك أو لغيرك .. أمال انا بنشر النصوص ف المنتدى ليه ! ... طبعا ده شئ مفروغ منه وانا احترم رأيك طبعا ..
..............
النقطه التانيه : انا بالطبع هاجمت الجماعات الإسلاميه وانا عند موقفى لكن الهجوم هنا هجوم على سياسات وايدولوجيا هذه الجماعات مش اشخاص بعينهم .. يا صديقى انا مش بهاجم اى حد مختلف معاه ف الرأى .. بالعكس .. والا كان زمانى قتلت الناس اللى ف مظاهرة العباسيه يوم الجمعه .. لكن انا بعرف احترم رأى الناس كويس .. لكن الغريب ان الموضوع تحول من هجوم على سياسات الى الهجوم على شخصى .. يا أستاذ محمود انا تم وصفى بأنى وقح .. وده مش مقبول تماما .. يبقى فين بقى الهجوم بشكل غير مباشر .. ولو حتى هيبقى غير مباشر .. ليه ميبقاش على القصيده ؟ .. انا نفسى حد يقوللى يا أسامه هنا المفرده ضعيفه .. او هنا فى كسر ف الوزن .. أو أى حاجه فى فنيات النص .. وحتى لو طلعتونى ف الآخر مبعرفش اكتب شعر انا موافق .. لكن ما حدث شئ تخطى حدود الأدب .
..............................
النقطه التالته : حضرتك قلت ان فى دكاتره واساتذه بيدرسوا لى فى الجامعه .. طبعا مش شرط يكون ليا .. بس صدقنى انا لا اختلف انهم ناس محترمين ومستنيرين .. أقسم بالله انى مبهاجمش انسان لشخصه .. بالطبع لو فى دكتور بيدرس لى فى الجامعه .. له منى كل وقار وهيبة المعلم وده حقه .. أصله مش اسرائيلى عشان اتفرغ للهجوم عليه .
..........................
النقطه الرابعه : بالطبع اعتذارى بالأمس مش اعتذار خالص .. وانما اعتذار اكثر تهكما على الشخص اللى سبنى لأنه سبنى .. وصدقنى لو كان ضيع شوية وقت ف انه يطلع سلبيات ف النص وقالها كنت احترمته وناقشته فيها .. زى ما انا بناقشك دلوقت .. وبعد كده مين اللى قال انى مش عايز حد يرد عليا .. انا لو عملت كده ابقى انسان صفيق .. لكن ردودى على الجميع بأستثناء البعض جاءت مهذبه ومحترمه قدر احترامى لمن أرد عليه .
.............................
النقطه الخامسه : الله أعلم بالثواب والعقاب .. وأعلم بمن أضل وبمن اهتدى .. والله أعلم مين فينا رأيه صحيح ومين رأيه غير صحيح .. يا أستاذى الفاضل .. الأخوان وغيرهم من الجماعات الإسلاميه مش هما رمز الدفاع عن الدين .. وانا حاشا لله ان اهاجم الدين .. والا ليه انا حاطط الإسلام غى خانة الديانه فى البطاقه .. من يهاجم الإسلام انا استطيع الرد عليه وقادر على اقناعه بعكس ما يظن .. لكن الكلام ده من غير ما اكون عضو فى جماعة اسلاميه او حزب اسلامى .. وارجع واقول انا ماليش دعوه بالجماعات الإسلاميه كجماعات ..مايخصونيش ف حاجه .. لكن انا أكره سياسات هذه الجماعات .. يا محمود يا صديقى كلنا بشر وكلنا خطائين .. ويستحيل أن أطبق الشريعه تماما .. لأننا فى مجتمع مش ملتزم .. وهذا كان مقصدى من الكلام .. صدقنى يا أخ محمود انا أغار على دينى جدا .. ولا أسمح بالتطاول عليه .
وانا اسف جدا للأطاله عليك .. اكيد انت عندك اشياء اهم من التعليق على نصى .. وشكرا جزيلا لك .

طارق منيب كتب:

osama sanad كتب:

طارق منيب كتب:

طنط ألفت عمرها دخل في قرن
قتل .. سحل.. واعتقال أو موت فـ سجن
عمر يوم ماقالت إن فـ العري فن
ولا فاسد كان حكمنا غصب عن
طنط ألفت كات جميلة فـ العطاء
حتى مع أعداء لدينا في الخفاء
عمرها ماكات غبية مع الغباء
رافعة أيدها تمللي لينا بالدعاء
بادعي ليها يدوم عليها النقاء
أصل دايماً كات غايتها السماء
تنحني وتركع وتسجد بالدعاء
حتى للشيوعي تدعي بالضياء
عمر يوم ماكان حليفها البغاء

............................

أستاذ طارق .. اهلا بحضرتك .. وحضرتك برضه اول مره تشرفنى بالتعليق على أحد نصوصى .

لكن انا مش ضد الحريه والعداله بس .. انا ضد اى حد بيحاول فرض رأيه عنوة على الناس .. مع نوع من فرض الوصايه ايضا .. لكن انا الحقيقه مش فاهم .. ليه انا اتصنفت عند حضراتكم على انى شيوعى .. طبعا الشيوعيه مذهب سياسى واقتصادى محترم لولا انى مختلف معاه فى بعض النقاط لأصبحت شيوعيا ولكنى مش شيوعى .. أصل ده تانى تعليق اعتقد فيه تلميح لأنى ممكن اكون شيوعى .. عموما أنا تشرفت بكلماتك العذبه والرقيقه .. شكرا .

الأستاذ/ أسامة
أهلاً بك
أجد أن الأستاذ/ محمد بسيوني رد بشكل كاف وواف .. ولكني أحب أن أضيف.. لم أصفك أنك شيوعي.. وأنا لست أخوانياً.. على فكرة أنا انتخبت أمس في السفارة المصرية وانتخبت الوفد..
ولكن قصيدتك تعاملت مع الإخوان بشكل سئ .. وتخيل أنك تنتمي لأي اتجاه كان وواحد وصفه بالبهايم .. هي دي الحرية!!
مين اللي بهيم منهم حدد .. وزي ماذكر الأستاذ/ محمد بسيوني هم أساتذة كبار جداً.. وماتزعلش مني.. أي حد هاجمك ( أنا لم أهاجمك) كان رد فعله مهذب جداااااااا لما ذكرته ووصفت به جماعة عريقة عمرها تجاوز الثمانون عاماً وتاريخها الوطني حافل بالعطاء.. وليس بالعمالة كما يقوله.. فالعميل يجني المليارات مثل مبارك.. ولا يُعذب ويُسجن ويُشرد مثل الإخوان والتيار الإسلامي كله..قد تتساءل لماذا لم تنتخب الإخوان.. حاقولك خوفاً عليهم وليس خوفاً منهم

......................
أستاذى الكريم : أهلا بيك مره تانيه , دفاع حضرتك عن الإخوان حق أصيل ليك لا أستطيع ان انتزعه منك , نعم التيارات الإسلاميه كانت مضطهده من الحكومه وكان يلقى بمناصريها فى المعتقلات .. لكنهم لم يتفردوا بهذا الأمر .. أى حد قال لا لمبارك كانت قوات الأمن بيتعاملوا معاه بنفس المنطق .. واتفق معاك ان الإخوان تيار إسلامى عريق ولكنهم ليسوا ساسه من الدرجه الأولى أو التانيه حتى .. وده شئ لا يعيبهم اطلاقا , وتهكمى مش على الإخوان كجماعه تحاول نشر الدعوه لأن كلنا فى اى وقت بنحاول نشر الدعوه .. اما هجومى كان على ممارساتهم السياسيه المشينه اللى اقدر اعمل فيها دراسة ماجيستير .. الإخوان محوا تاريخهم المشرف من الكفاح بعد خلع مبارك .. وأصبح حزب الحريه والعداله منبر آخر للتعنت السياسى .. أرجو ان تتفهمنى حينما اهاجمك بصفتك لا يعنى انى اهاجم شخصك ..
..............
الأستاذ محمود بيومى كان رده عليا محترم ومهذب كشخصه .. وان كنا نختلف فهذا ليس عيبا .. لكن العيب ان ننافق بعضنا من أجل الوصول الى بعض الأشياء .. وأعتقد انكم على انتقادكم الا انكم تحترمون انى لم انافق ولم اجامل ولن افعل بأذن الله ..
....................
ردى الوحيد الذى اتسم بالعصبيه كان على الشخص اللى استحقها .. حضرتك راجع التعليقات وهتلاقى انى اتشمت .. عموما مش مشكله .. المشكله ان تعتقدوا ان ردى عليكم جميعكم من نفس المنطلق .
واقسم انه شئ مش حقيقى .. انا اكرر .. انا احترم كل من انتقد
وشكرا لحضرتك .. اتمنى انى ماسببتش لحضرتك ازعاج