سقط القناع

سقط القناع
**********

سقط القناع عن وشكم

بان شكلكم

طول عمركم جاي الغبا من عندكم

بس إنتوا وحيات أمكم

راح تندموا

علي كل واحد مات شهيد

علي كل طفل مات أبوه وأصبح وحيد

ملعون أبوكم في السما

ويوم الوعيد

....

ليه متغاظين مننا

وإنتوا جنابكم من سنين

سارقين في خيرنا وعمرنا

ولما جات ثورة يناير

طبعاً حبسنا فـ دمكم

ماتيّلا موتوا بغيظكم

وتريحونا من شكلكم

وسقط القناع

مين اللي باع

مين اللي خلّيَ الناس جياع

لو كان الكلب ديله

ممكن يتعدل

الشرطة كانت تتعدل

واللا المشين اللي إسمه حاكم عسكري

طبعاً خلاص بانت علينا لِبته

وسلط " علي "

يكتب وثيقة إنما إيه فللي

خلا اللي راكب عا البلد

واد عسكري

تلميذ مبارك

تبت إيديه وإديكم طبعاً كلكم

ما خلاص عرفنا شكلكم

بعد القناع لما سقط

عن وشكم

....