أغنية إمسك فلول

إللي لسه مش فاهمنا
ييجي يفهم إيه بقول
الشباب فى الثورة قال
إحنا مش عايزين فلول

خدتوا خيرنا نهبتوا مالنا
أمن دولتكم قتلنا
واما قطر الثورة جالنا
خد فى وشه كل غول
والشباب فى الثورة قال
إحنا مش عايزين فلول

الشهيد طالب بحقة
إدي صوتك وبأمانة
إدي للي يستحقة
دمي مش ناقص خيانة
علّي صوتك غني قول
إحنا مش عايزين فلول

إحنا عايزين فكر تاني
زههقنا م ( الفكر الجديد )
خد ( هلالك ) مع ( جمالك )
كصر عايزة توب جديد
في النهاية ارجع واقول
شعبنا زهقان فلول

سمعتها منك فى الكافتيريا بعد انتهاء الندوه

الله ينور يا ابو حسن .. واقسم انك شاعر مختلف .

ابنى الحبيب الشاعر

على الشاعر

نفسى اشوفلك نفحه ولو شريط هابط .

ههههههههههههههههههههههههههههه

بس انا متفائل والله وحاسس عن قريب حا اشوفلك حاجه .

مودتى وتحيتى ...