ضرورة

ضرورة

* هذه القصيدة التي لن يستقيم إهدائها إلا لمعشوقتى ، و محبوبتى ، وبلدي العظيمة التي طالما عشقتها ...... مصــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــر ....
* كما أشكر جزيل الشكر ملهمتي الغالية التي ألهمتني هذه المعاني الجميلة .. عسى أن تبصرها بقلبها الرقيق ، فتعلم أنني على عهدي معها ، و لم أخنها بالغيب ..

ضرورة

كام ضرورة
فى كل عمرى ماتسويش ؟؟
كام ضرورة جات فى عمرى
لحظة حلوة فـ وقت طيش ؟؟
كام ضرورة مجنزرة بقفل اللزوم ؟؟
برميل غيوم ..
ساعة شروق الوهم
تبقى تأشيرة هموم !!
*******
شايفانى ليه ..
مش قادر أصرخ بالأنا ؟؟
فتّحى ..
إزاى تشوفى الحلم و أنت مغمضة ؟؟
عدّى ..
إزاى تكونى الخطوة من غير فضفضة ؟؟
ثورى ..
إزاى لزوم من غير ما يلزم يلزمك ..؟؟
وأنت الضرورة اللازمة !!
*******
شدّى الوتد
من قلب مستقبل مستقبل برئ ..
ادفني الماضي بقساوة لزمته
و أنقذى الشط الغريق ..
*******
اختاري مرة من غير فلسفة ..
جايز يكون الحلم مستني اللقا
و أنت الطريق ..
*******
جربّى .. احسبيها ..
احسبيها تلاقى نفسك مسألة ..
و الحلول في محطة سهلة الاختيار ..
ماتأجليش مشوار أكيد
ده الميكروباص على باب شارعكوا مش بعيد ..
من غير عناد ..
من غير كلام زايد و حبة سفسطة ..
هاتكمّلى .. ؟؟؟؟؟؟؟؟
و لا الضرورة بترسم البعد الأخير ؟؟؟
*******
معقول تخافى م اللى بيحبك بجد !!
م اللى بيصونك بجد !!
اللى عايز يبقى جانبك بسمتك .. همتّك ..
حب من غير مصلحة
إخلاصه جد !!
و أنت ..
أنت اللى دايما تحسبي
و تشككى أو تشتكى
تترددي فترددي و تأكدي بالجزم و أنتـتتتتتتتتتتتت ..
أنت اللى مش متأكدة ..
*******
الحكمة بتقول و العادات
و العرف الأعرج و العقيم ..
شايفانى ليه مش قادر أصرخ بالأنا ؟؟؟؟
و أنا ..
أنا صرختك ..
و أنت الضرورة اللى اتلزمتى بلزمتي
من غير قرار مسبق حكيم ..
*******
مديلى عكازك بقى ..
و اتسندى و اتوحدى ..
اتوحدى مع صرختك ..
جايز نكمّل .. فكرى ..
ده الميكروباص على باب شارعكوا مش بعيد ..
و لا الضرورة بترسم البعد الأخير ..
*******

المخلص دائماً الشاعر/
أحمد مصطفى معوض ..

كل الشكر لقراءتكم و تعليقاتكم المثمرة البناءة التى زادتى شرفا و تواصلا معكم .. شكرا جزيلا لكم ..
أحمد ..