محاسن بيومي في رشة بخور شمهورش

رشة بخور
يوم ما اتولد للفجر نور
قام الولاد زي النسور
وعبرنا بالاحلام بحور
يومها اتولد للفجر نور
والوحدة غنت ف الميدان
يومها اتولد بينا الأمان
وكنيسة تحضن للادان
لحن الوفا غنيه يا حور
يومها اتولد للفجر نور
بعد الميلاد صحيوا الولاد
من غير معاد لفوا البلاد
بالفرقة زادوا ف العناد
داب وسطنا حبل الوداد
والتورتة في كاس الشهور
باتت تدور
التلج داب زي البخور
روح الشهيد قامت تثور
أهديت لكم م الضلمة نور
والشيبة تاكل ف الشعور
عجز الكلام ينطق يثور
يا خسارة يا دم الشهيد
يا خسارة يا روح النسور
ع الأرض غايرة م البخور
إزاي حياتي ف عرفكم
بتساوي ليه رشة بخور
رغم إن دمي كان طهور
بيه اتولد للضلمة نور
حلو النشوق حلو البخور
درويش معاه رشة بخور
والجهل نور يحيا البخور
وبطل جسور أو روح شهيد أو روح نسور
كله يغور
والمجد ليكو وللبخور
محتاج أنا رشة بخور
حدش معاه رشة بخور
يا هل البلد دا الجهل نور

رشة بخور للى ولد م الضلمه نور
بينا وبينهم الف سور نفسى اكسر
حتى سور دا الشوق يغور
دم الشهيد هو اللى خلاها نور
هو اللى خلى البشر تانى تثور
لوقلتى تانى الجهل نور
تبقى الحياه لازم تغور

موهبه فذة امكانيات رهيبه احسنتى

أستاذي يسري عثمان لا تتخيل مدى سعادتي بمرور حضرتك فهذه شهادة أعتز بها واحتفظ بها في سجلات أرقى الاوسمة وصباح الفل

الشاعر الراقي محمود قطب هذه شهادة أعتز بها ودائما انتظر مرورك الراقي على كلماتي المتواضعة وتقبل أرق تحياتي لشخصك الكريم

الأستاذ المبدع عادل عوض سند صباح الفل أولا وشكرا على ذوق حضرتك وإن شاء الله احاول أحضر الندوات لأنال شرف التعارف على أسرة المنتدى الراقي بس لو اتخطفت ها يدبحوني زي خروف العيد ربنا يستر هههههههههههههههههههههه