جوز الست

موضوع: جوز الست الخميس أكتوبر 27, 2011 8:45 pm

جوز الست
جوز الست ثريا جارتنا
دايما ماشى وضارب بوز
لو صبحت عليه ما يردش
لو كلمته ف حاجة يبربش
أى سؤال بيرد يجوز
..................
راجل لما تشوفه تدمع
غلب الدنيا اتلم عليه
ربك رزقه بست قوية
ليل ونهار بتبهدل فيه
............
تبدأ يومها صريخ وصوات
يلا يا بت ويلا يا واد
وانت كمان وياهم قوم
يومكم باين كله سواد
...........
ينزل جرى عياله معاه
اللى ما داق لقمة يا ولداه
يمشى يكلم نفسه ف سره
حتى ف سره يبص وراه
..................
راح بعياله على الاسكولة
ابنه ف تالتة وبنته ف أولى
راح على شغله بدرى شوية
قالها ف سره تموت مشلولة
...................
بعد الشغل ما يخلص يجرى
علشان يلحق فرن العيش
اصل الست مراته قالت له
لو ما لقيتش العيش ما تجيش
....................
من على باب الشارع شافها
شابطة ف جارة بتاكل فيها
حبة خلاص..طب معلش
ولا فيش كلمة تأثر فيها
................
بعد العركة ما خلصت جت له
يلا يا اخويا عشان نتهبب
قصدها يعنى عشان يتغدوا
وان قال لأ نهاره مهبب
...................
بعد الاكل ان حب يريح
جرىت تقوله الواجب فين
قوم يا حبيبى وبعدين ريح
يلا يا اخويا يا ابو الاتنين
.................
وأهو ع الحال ده بقاله سنين
راجل طيب بس حزين
قمت قايل له ف مرة يا رااااجل
خد لك موقف وابقى متين
................
قاللى الموقف يعنى طلاقها
قوللى عيالى يروحوا لفين
سيبنى أربى عيالى يا عم
يوووه نسيتنى انا رايح فين
...............
كبرت جدا جوه دماغى
قلت أساعده واروح اكلمها
شوفى يا خالتى ثريا هأقولك
بصت بصة انا روحت فاهمها
..................
بس كأنى ما شفتش حاجة
روحت مجمد قلبى وقايل
جوزك طيب أخر حاجة
وانتى يا حاجة عاملة عمايل
................
شقهت شهقة بعزم ما فيها
هو المخفى داير يشكينى
ليلته دى سودة بكل ما فيها
غور من وشى ولما يجينى
....................
راحت زقة ايديها ف صدرى
طق شرار من جوة عينيها
هوب لقيتنى ف ثانية انا باجرى
وحاجات طايرة كانت ف ايديها
................
لما وصلت الشارع شفته
ماشى ف حاله زى العادة
قلت له أوعى تقرب بيتكوا
اصل الحالة جت بزيادة
................
ولا عبرنى ولا استعبرنى
كمل برضه طريقه ف حاله
قلت يا ريتنى ف حاله انا سبته
انا كان مالى بس وماله
.................
واهو من يومها ماشى مكلضم
واما يشوفنى يبص لفوق
والقاه دايما كده بيبلضم
زى ما اكون لبسته خازوق

موضوع: رد: جوز الست الجمعة أكتوبر 28, 2011 8:08 am

دا انت لبسته أكبر خازوق
على رأى المثل
جه يكحلها عماها
وبعدين بينى وبينك بقى ده مايتسماش راجل ولا يعرف حاجه عن الرجوله
أصل الست اللى تتحكم كده فى جوزها يبقى عليه العوض فى الرجوله
مش بحب أبدا الراجل يكون مستسلم كده
والله يستاهل اللى بيجراله لأنه من الأول سبب فيه
قصيده بجد تحفه
ضحكتنى جداااا على قدر جمالها
ربنا يكرمك

موضوع: رد: جوز الست الجمعة أكتوبر 28, 2011 9:24 am

فيلم هندى يا عم حمدي
هههههههههه
الله عليك
زجلية جميلة جدا أحسنت السيناريو و الحوار
و الإخراج
( حبة خلاص..طب معلش ) يا ريت تكون ( طيب معلشي ) للوزن و ليس ( طب معلش )
دمت جميلا

موضوع: رد: جوز الست الجمعة أكتوبر 28, 2011 9:35 am

الاخ الحبيب الشاعر

حمدى شيبه

والله فكرتنى بالقصص الزجليه التى كان يكتبها بيرم التونسى .

القصه جميله وطرحها اجمل .. الله ينور ..

تقبل مرورى وخالص مودتى ...

موضوع: رد: جوز الست الجمعة أكتوبر 28, 2011 12:39 pm

جوز السّت ثريا دا حالة

مِنّه كتير.. بين الرجّالة

في الشارع لُهْ هيبة ومنظر

وكرامتُه في البيت..مِتشالة

أصل الراجل.. لمّا يطاطي

لمّا يقول.. أمرِك يامراتي

يبقى ميزان الكُــون اختل

لَمّا العالي بيصبح..وااطي

مهما تكون الّسّت ثُريّا

سِت قبيحة.. ولاّ قويّة

لو لقيت راجل يِشْكُمها

لو تغلط دُغري يفهّمها

بالقوة..بالذوق..يحكُمها

كُنّا ارتحنا من المرازيّة

الشاعر الجميل..حمدي شيبة
تقبل ما فاض قلمي من وحي زجليّك الرااائعة الجمال

موضوع: رد: جوز الست الجمعة أكتوبر 28, 2011 2:41 pm

البطل المقدام الشاعر / حمدي شيبة

إنت كان قصدك خير طبعاً

بس فيه ناس كتير فعلا من نوعية صاحبنا ده عايشين وراضيين بالظلم عشان الأولاد

نقول إيه يلا منهم لله اللي في بالي .

أحييك علي زجليتك التي أمتعتني وأسعدتني لدرجة أني كنت بقرأها ومش عايزها

تخلص عشان أعرف انت مودينا علي فين الحمد لله ربنا ستر ووصلنا للخازوق

في النهاية اللي صاحبك أخده وأعود واقول يستاهل .

موضوع: رد: جوز الست الجمعة أكتوبر 28, 2011 2:57 pm

ههههههههههههه

خايف يكون دا اسقاط ياعفريت بلغة بتوع علم النفس

ههههههههههههههههه

نفسي بس اعرف انت شفت دا كله ازاااااااااااااااااي

موضوع: رد: جوز الست الجمعة أكتوبر 28, 2011 3:55 pm

هههههههههههههاااايي
اضحك الله سنك يا حمدي بك
جميله والله ودمها خفيف جدا
لبست الراجل في حيطه وخلعت هههههههه
كوميديه زجليه تحبرك علي الضحك
تحيتي يا مبدع

موضوع: رد: جوز الست الجمعة أكتوبر 28, 2011 4:11 pm

هههههههههههههههه

حمدي باشا شيبة

خايف تكون قصيدة تحكي قصة من السيرة الذاتية

زي ( الايام) كدة ....ههه

جميلة زجليتك ..صغتها بحرفية كبيرة .. وعبرت عن فكرة بأقتدار

بس انا لا أحب هذا النموذج من الرجال

بس الحقيقة هو الخاذوق أخده من زماااااان ..مش انت اللي لبسته

اللي جوزهاله وضحك عليه

أحييك أخي حمدي علي ما ابدعت وأمتعت

خالص التقدير والاعجاب

موضوع: رد: جوز الست الجمعة أكتوبر 28, 2011 4:12 pm

ايه الجمال ده يا عم حمدى
الله ينور

موضوع: رد: جوز الست الجمعة أكتوبر 28, 2011 5:35 pm

تثبت بواسطتي أعجابا بهذة الزجلية الرائعة

موضوع: رد: جوز الست الجمعة أكتوبر 28, 2011 5:40 pm

أستاذ حمدي شيبه أيه الجمال ده يا أخي وكأنك

[center]عايش معاهم وشايف كل أحوالهم بس أنت طلعت مش

تمام وخبط الراجل المقلب اللي طلع من نافوخه.

روح يا شيخ الله يسامحك.

تقبل حبي ومودتي

محمد حجاج[/center]

موضوع: رد: جوز الست الجمعة أكتوبر 28, 2011 8:01 pm

ههههههههههههههههههههههه

ياخوفي يابدران .........

موضوع: رد: جوز الست السبت أكتوبر 29, 2011 9:03 am

والله قصيده ولا اروع سخرية رائعه من قلمك

شاعرنا الرائع الجميل /حمدى شيبه

سعيده بمرورى على متصفحك الراقى

دام هذا الابداع والكلام الجميل

احترامى اخى

موضوع: رد: جوز الست السبت أكتوبر 29, 2011 12:06 pm

الله يبارك لك يا عم حمدى
ضيعت الراجل
بس امتعتنا
دمت اخى ودام بهاء قلمك
ودى وتحياتى
Very Happy

موضوع: رد: جوز الست السبت أكتوبر 29, 2011 6:33 pm

ياأزجالك ياعم حمدى
بسم الله ماشاء الله عليك
تسلم ايديك ياشاعر وربنا يزيدك ياكبير
دام ابداعك ياعم حمدى

موضوع: رد: جوز الست الأحد أكتوبر 30, 2011 7:00 pm

اميره بلا وطن كتب:: دا انت لبسته أكبر خازوق
على رأى المثل
جه يكحلها عماها
وبعدين بينى وبينك بقى ده مايتسماش راجل ولا يعرف حاجه عن الرجوله
أصل الست اللى تتحكم كده فى جوزها يبقى عليه العوض فى الرجوله
مش بحب أبدا الراجل يكون مستسلم كده
والله يستاهل اللى بيجراله لأنه من الأول سبب فيه
قصيده بجد تحفه
ضحكتنى جداااا على قدر جمالها
ربنا يكرمك

اختى العزيزة الشاعرة المتألقة الواعيةاميرة الوطن اشكر لك مرورك العطروان كان على الخازوق هو لبسه وخلاص وانا بقى ربنا يسامحنى تحياتى الخالصة

موضوع: رد: جوز الست الأحد أكتوبر 30, 2011 7:32 pm

شاعرنا الجميل حمدى شيبة
زجلية جميلة غن نفسى انا استمتعت
بها كثيرا ضُغت الفكرة بإقتدار
تحياتى
يوسف ابو زينة

موضوع: رد: جوز الست الإثنين أكتوبر 31, 2011 6:05 pm

اخي الحبيب الشاعر/حمدي شيبة
هههههههههههههههههههههه
الله الله زجليه جميله رائعه دمها خفيف استمتعت بها ..بس يهون عليك تلبسه ف شجره كده مش كفايه اللي هو فيه..دمت بهذا الابداع والتالق
بكل ود..تحياتي

موضوع: رد: جوز الست الأربعاء نوفمبر 02, 2011 6:46 pm

عاطف الجندى كتب:: فيلم هندى يا عم حمدي
هههههههههه
الله عليك
زجلية جميلة جدا أحسنت السيناريو و الحوار
و الإخراج
( حبة خلاص..طب معلش ) يا ريت تكون ( طيب معلشي ) للوزن و ليس ( طب معلش )
دمت جميلا

اخويا وحبيبىالشاعر الكبير عاطف الجندى نورتنى بمرورك العطر اللى دايما يسعدنى

موضوع: رد: جوز الست الأربعاء نوفمبر 02, 2011 6:50 pm

عادل عوض سند كتب:: الاخ الحبيب الشاعر

حمدى شيبه

والله فكرتنى بالقصص الزجليه التى كان يكتبها بيرم التونسى .

القصه جميله وطرحها اجمل .. الله ينور ..

تقبل مرورى وخالص مودتى ...

عمنا الكبير عادل باشا عوض النور مرورك العطر يا كبير وكل سنة وانت طيب

موضوع: رد: جوز الست الأربعاء نوفمبر 02, 2011 6:52 pm

رضا محمود كتب:: جوز السّت ثريا دا حالة

مِنّه كتير.. بين الرجّالة

في الشارع لُهْ هيبة ومنظر

وكرامتُه في البيت..مِتشالة

أصل الراجل.. لمّا يطاطي

لمّا يقول.. أمرِك يامراتي

يبقى ميزان الكُــون اختل

لَمّا العالي بيصبح..وااطي

مهما تكون الّسّت ثُريّا

سِت قبيحة.. ولاّ قويّة

لو لقيت راجل يِشْكُمها

لو تغلط دُغري يفهّمها

بالقوة..بالذوق..يحكُمها

كُنّا ارتحنا من المرازيّة

الشاعر الجميل..حمدي شيبة
تقبل ما فاض قلمي من وحي زجليّك الرااائعة الجمال

حبيبى الشاعر الرائع رضا محمود ما ابدعته زاد من قيمة ما كتبته انا وربنا يدم المعروف وكل سنة وانت طيب

موضوع: رد: جوز الست الأربعاء نوفمبر 02, 2011 6:55 pm

محمد عبد الواحد كتب:: البطل المقدام الشاعر / حمدي شيبة

إنت كان قصدك خير طبعاً

بس فيه ناس كتير فعلا من نوعية صاحبنا ده عايشين وراضيين بالظلم عشان الأولاد

نقول إيه يلا منهم لله اللي في بالي .

أحييك علي زجليتك التي أمتعتني وأسعدتني لدرجة أني كنت بقرأها ومش عايزها

تخلص عشان أعرف انت مودينا علي فين الحمد لله ربنا ستر ووصلنا للخازوق

في النهاية اللي صاحبك أخده وأعود واقول يستاهل .

ههههههههههههههههههههه حبيبى الشاعر الجميل محمد عبد الواحد نورتنى بمرورك الكريم وان كان على الخازوق الله يبارك له فيه ههههههههههههههههههههههههههههههههههههههه

موضوع: رد: جوز الست الأربعاء نوفمبر 02, 2011 6:58 pm

طاهر الصوفاني كتب:: ههههههههههههه

خايف يكون دا اسقاط ياعفريت بلغة بتوع علم النفس

ههههههههههههههههه

نفسي بس اعرف انت شفت دا كله ازاااااااااااااااااي

ههههههههههههههههههههههههههههههههههههههههههههههههههههههههههه يا عم طاهر خلى الطابق مستور وبعدين انا ما جبتش سيرتك خالص هههههههههههههههههههههههههههههههههههههه

موضوع: رد: جوز الست الأربعاء نوفمبر 02, 2011 7:04 pm

أحمد عبد الرازق كتب:: هههههههههههههاااايي
اضحك الله سنك يا حمدي بك
جميله والله ودمها خفيف جدا
لبست الراجل في حيطه وخلعت هههههههه
كوميديه زجليه تحبرك علي الضحك
تحيتي يا مبدع

اخى العزيز الشاعر المتألق احمد عبد الرازق ربنا يبسطك كمان وكمان بس صاحبك صعبان عليا قوى هههههههههههههههههه يلا ربنا معاه بقى اشكرك لمرورك العطر

» الست الغرقانة
» الست والنكد 2لعملة واحدة
» الست توكل :: كلمات :: صبري الصبري
» من المجلس الأعمى لبيت الست وسيلة ياقلبي لا تحزن
» حكايات الست لوزه"لوزه و السجاير"